ចំនួនប្រជាជនចិន ធ្លាក់ចុះជាលើកដំបូងចាប់តាំងពីឆ្នាំ១៩៦១ (មានវីដេអូ)

ចំនួនប្រជាជនរបស់ប្រទេសចិន​ បានធ្លាក់ចុះប្រហែល ៨៥ម៉ឺននាក់ កាលពីឆ្នាំមុន ដែលនេះជាការធ្លាក់ចុះលើកដំបូងក្នុងរយៈពេល៦១ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការិយាល័យស្ថិតិជាតិបានប្រកាសនៅថ្ងៃអង្គារទី១៧ខែមករានេះថា ចំនួនប្រជាជនសរុបនៅចិនដីគោក គឺមានប្រមាណ ១.៤១ពាន់លាននាក់ គិតត្រឹមដំណាច់ឆ្នាំ២០២២។

ពេលវេលាចុងក្រោយដែលចំនួនប្រជាជនរបស់ចិនធ្លាក់ចុះ គឺក្នុ”ឆ្នាំ១៩៦០និង១៩៦១ នៅពេលគោលនយោបាយ “មហាលោតផ្លោះ” ទទួលបរាជ័យ ហើយមនុស្សជាច្រើន បានស្រេកឃ្លានដល់ស្លាប់។

ប្រទេស​ចិន​បាន​បញ្ចប់​គោលនយោបាយ​កូន​តែ​មួយ​របស់​ខ្លួន​នៅ​ឆ្នាំ២០១៦ បន្ទាប់​ពី​ជួប​បញ្ហា​កង្វះ​កម្លាំង​ពលកម្ម និង​ប្រជាសាស្ត្រ​ដែល​មាន​អាយុ​កាន់តែ​ចាស់​ទៅ​ៗ។ ចាប់តាំងពីឆ្នាំ២០២១មក មនុស្សត្រូវបានអនុញ្ញាតឲ្យមានកូនរហូតដល់ទៅបីនាក់។ ប៉ុន្តែអត្រាកំណើតនៅតែមានកម្រិតទាប ដោយសារការចំណាយខ្ពស់ក្នុងការចិញ្ចឹមបីបាច់គ្រួសារ និងការផ្លាស់ប្តូរទស្សនៈអំពីអាពាហ៍ពិពាហ៍ និងការមានកូន។

ដោយសារការកើនឡើងនៃចំនួនប្រជាជនរបស់ខ្លួនកាលពីមុន ប្រទេសចិនបានរះឡើង ក្លាយជាមហាអំណាចសេដ្ឋកិច្ចទីពីររបស់ពិភពលោក ប៉ុន្តែក្រុមអ្នកសង្កេតការណ៍និយាយថា ប្រសិនបើចំនួនប្រជាជននៅតែបន្តធ្លាក់ចុះ នោះកំណើនសេដ្ឋកិច្ចអាចនឹងរងផលប៉ះពាល់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ NHK

ចុចអាន៖ ៣ខែទៀត ឥណ្ឌា នឹងវ៉ាដាច់ ចិន ក្លាយជា ប្រទេសមានប្រជាជនច្រើនជាងគេបំផុត លើពិភពលោក