៣ខែទៀត ឥណ្ឌា នឹងវ៉ាដាច់ ចិន ក្លាយជា ប្រទេសមានប្រជាជនច្រើនជាងគេបំផុត លើពិភពលោក

របាយការណ៍របស់អង្គការសហប្រជាជាតិបានព្យាករថា ចំនួនប្រជាជនឥណ្ឌានឹងវ៉ាដាច់ចិននៅថ្ងៃទី១៤ខែមេសាឆ្នាំនេះ ក្លាយជាប្រទេសដែលមានប្រជាជនច្រើនជាងគេបំផុត លើពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសអាស៊ីខាងត្បូងមួយនេះ បច្ចុប្បន្នមានប្រជាជនចំនួន ១.៤១ពាន់លាននាក់ បើធៀបនឹងប្រជាជនចិនចំនួន១.៤៥ពាន់លាននាក់ ប៉ុន្តែអត្រាកំណើតខ្ពស់ និងចំនួនប្រជាជនវ័យក្មេងកាន់តែច្រើន នឹងធ្វើឲ្យឥណ្ឌា ដណ្តើមតំណែងចិនជាលើកដំបូងចាប់តាំងពីឆ្នាំ១៩៥០មក។

អ្នកជំនាញនិយាយថា និន្នាការនេះត្រូវបានកំណត់ថា នឹងបន្តរហូតដល់ចប់សតវត្សរ៍ទី២១ ខណៈចំនួនប្រជាជនឥណ្ឌាបន្តកើនឡើងយ៉ាងឆាប់រហ័ស ហើយចំនួនប្រជាជនចិនចាប់ផ្តើមថយចុះ។

អង្គការសហប្រជាជាតិបានប៉ាន់ប្រមាណថា នៅត្រឹមថ្ងៃទី១៥ខែមេសា ចំនួនប្រជាជនឥណ្ឌានឹងឈានដល់ ១ ៤២៥ ៧៧៥ ៨៥០នាក់។

នៅក្នុងប្រទេសឥណ្ឌា ស្ទើរតែពាក់កណ្តាលនៃចំនួនប្រជាជនបច្ចុប្បន្នគឺមានអាយុក្រោម២៥ឆ្នាំ ហើយមួយភាគបួនមានអាយុក្រោម១៥ឆ្នាំ។ ប៉ុន្តែ​នៅ​ក្នុង​ប្រទេស​ចិន មាន​តែ​មួយ​ភាគ​បួន​នៃ​ប្រជាជនប៉ុណ្ណោះ ​ដែល​មាន​អាយុ​ក្រោម២៥​ឆ្នាំ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ឆ្នាំក្រោយ ឥណ្ឌា នឹងវ៉ាដាច់ ចិន ជាប្រទេស មានប្រជាជនច្រើនបំផុត លើពិភពលោក