ព័ត៌មានអន្ដរជាតិ
អាមេរិក ថា ចិន អាចយកឈ្នះលើ តៃវ៉ាន់ ដោយមិនចាំបាច់បាញ់អស់សូម្បីមួយគ្រាប់
លោក Jack Keane អតីតអនុសេនាធិការរងនៃកងទ័ពអាមេរិកបានអះអាងថា ប្រទេសចិនអាចយកឈ្នះលើកោះតៃវ៉ាន់ ដោយមិនចាំបាច់បាញ់អស់សូម្បីមួយគ្រាប់ ហើយអាមេរិកនឹងមានភាពលំបាក ប្រសិនបើចូលរួមក្នុងការប្រឈមមុខដាក់គ្នាផ្នែកយោធា ។

លោក Keane លើកឡើងថា ទីក្រុងប៉េកាំងទំនងជានឹងជ្រើសរើសយកយុទ្ធសាស្ត្រផ្សេង ជាជាងការប្រឈមមុខដាក់គ្នាផ្នែកយោធា ហើយយុទ្ធសាស្ត្រដែលចិនព្យាយាមធ្វើឲ្យតៃវ៉ាន់ ស្ថិតនៅក្រោមការគ្រប់គ្រងរបស់ខ្លួននោះ គឺធ្វើការបិទផ្លូវទាំងអស់ដូចជា ដែនអាកាស និងផ្លូវសមុទ្រជាដើម ។
ឧត្តមសេនីយចូលនិវត្តន៍រូបនេះបានបញ្ជាក់ថា “ប្រទេសចិនមាននាវាចម្បាំង និងយន្តហោះ ក៏ដូចជាមីស៊ីលវាយលុកច្រើនជាងសហរដ្ឋអាមេរិកនៅតំបន់ប៉ាស៊ីហ្វិកខាងលិច ដូច្នេះរដ្ឋាភិបាលក្រុងវ៉ាស៊ីនតោន គួរតែបង្កើនការផលិតសព្វាវុធ ក៏ដូចជាការកាត់បន្ថយទ្វេដងលើការផ្តល់អាវុធដល់ក្រុងតៃប៉ិ” ។

ទន្ទឹមនោះ ក្នុងរយៈពេលប៉ុន្មានឆ្នាំចុងក្រោយនេះ មន្ត្រីជាន់ខ្ពស់ចិន រួមទាំងលោកប្រធានាធិបតី Xi Jinping បានអះអាងម្តងហើយម្តងទៀតថា ជម្រើសយោធាទាក់ទិននឹងកោះតៃវ៉ាន់ គឺមិនស្ថិតនៅក្នុងយុទ្ធសាស្ត្រ ឬនៅលើតុអនុវត្តរបស់ចិនឡើយ ។
ដោយឡែកនៅក្នុងការថ្លែងបិទសមាជសភាប្រជាជនជាតិ (NPC) កាលពីពេលថ្មីៗនេះ លោក Xi ក៏បានប្ដេជ្ញាប្រឆាំងនឹងកំណែទម្រង់គាំទ្រឯករាជ្យភាពនៅកោះតៃវ៉ាន់ផងដែរ ពោលបន្ទាប់ពីមួយសប្តាហ៍ ដែលសភារបស់ចិនបានប្រគល់អាណត្តិទី ៣ ដល់លោក Xi បន្តធ្វើជាប្រធានាធិបតី ។

គួររំឭកឡើងវិញថា តៃវ៉ាន់មានឯករាជ្យពិតប្រាកដតាំងពីឆ្នាំ ១៩៤៩ នៅពេលដែលភាគីចាញ់ក្នុងសង្គ្រាមស៊ីវិលចិនបានភៀសខ្លួនទៅកាន់កោះនេះ និងបានបង្កើតរដ្ឋបាលរបស់ខ្លួន ហើយប្រទេសចិនបានចាត់ទុកតៃវ៉ាន់ជាផ្នែកដែលមិនអាចកាត់ផ្តាច់បាននៃទឹកដីរបស់ខ្លួន ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ ថ្លែងបិទសមាជសភា, លោក ស៊ី ប្តេជ្ញាប្រឆាំងឯករាជ្យភាពរបស់ តៃវ៉ាន់

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ