ថ្លែងបិទសមាជសភា, លោក ស៊ី ប្តេជ្ញាប្រឆាំងឯករាជ្យភាពរបស់តៃវ៉ាន់

លោក ស៊ី ជីនពីង បានសង្កត់ធ្ងន់លើតម្រូវការ ក្នុងការប្រឆាំងនឹងកំណែទម្រង់គាំទ្រឯករាជ្យភាពនៅកោះតៃវ៉ាន់។ លោកបានលើកឡើងបែបនេះ ពេលលោកបិទសមាជសភាប្រជាជនជាតិ (NPC) បន្ទាប់ពីមួយសប្តាហ៍ ដែលសភារបស់ប្រទេសនេះបានប្រគល់ អាណត្តិទីបីដល់ប្រធានាធិបតីចិន និងរុះរើតួនាទីសំខាន់ៗនៅក្នុងជួររដ្ឋាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាល​ពី​ថ្ងៃ​សុក្រទី១០ខែមីនា លោក​បាន​ទទួល​តំណែង​ជា​មេដឹកនាំ​ដ៏​មាន​ឥទ្ធិពល​បំផុត​របស់​ប្រទេស​ចិន​នៅជំនាន់នេះ ​ក្នុង​ពិធីដ៏អធិកអធមនៅ​ទីក្រុង​ប៉េកាំង។

ក្នុងសុន្ទរកថានៅថ្ងៃចន្ទ លោក ស៊ី ក៏បានអំពាវនាវឲ្យចិន មានទំនុកចិត្តលើខ្លួនឯងផ្នែកសេដ្ឋកិច្ច និងការអភិវឌ្ឍដោយសន្តិភាពនៃទំនាក់ទំនងឆ្លងច្រកសមុទ្រជាមួយកោះតៃវ៉ាន់ផងដែរ។

កាល​ពី​ថ្ងៃ​សៅរ៍ ​សម្ព័ន្ធមិត្ត​លោក ស៊ី ជាយូរ​មក​ហើយគឺ លោក Li Qiang ​ត្រូវ​បាន​ដំឡើង​ឋានៈ​ជា​នាយក​រដ្ឋមន្ត្រី ដែល​ជា​តំណែង​ដ៏​មាន​ឥទ្ធិពល​បំផុត​ទីពីរ​ក្នុង​បក្ស​កុម្មុយនិស្ត​ចិន។ អតីត​មេ​បក្ស​កុម្មុយនិស្តទីក្រុង​សៀងហៃ​រូបនេះ បាន​ជំនួស​តំណែង​លោក Li Keqiang៕

ប្រែសម្រួល៖ Vann Vann

ប្រភព៖ Guardian

ចុចអាន៖ នាយករដ្ឋមន្ត្រីថ្មីចិន គឺជាសម្ព័ន្ធមិត្តជិតស្និទ្ធរបស់លោក Xi