ព័ត៌មានអន្ដរជាតិ
ប្រធាន អាស៊ាន ឆ្នាំនេះកំពុងពិភាក្សាដោយសម្ងាត់ជាមួយកម្លាំងនយោបាយ មីយ៉ាន់ម៉ា
ប្រធានាធិបតីឥណ្ឌូណេស៊ី លោក Joko Widodo បាននិយាយកាលពីថ្ងៃពុធថា ប្រទេសឥណ្ឌូណេស៊ីកំពុងបើកកិច្ចពិភាក្សាដោយសម្ងាត់ជាមួយភាគីនានាក្នុងប្រទេសមីយ៉ាន់ម៉ា ក្នុងក្តីសង្ឃឹមថា នឹងជួយដោះស្រាយវិបត្តិនៅក្នុងប្រទេសសមាជិកអាស៊ានមួយនេះ ។
លោក Widodo បានប្រាប់កាសែត The Straits Times ថា “យើងបានធ្វើការលើរឿងនេះរួចហើយ ប៉ុន្តែកិច្ចខិតខំប្រឹងប្រែងបែបនេះ ក៏នឹងត្រូវការពេលវេលាផងដែរ ព្រោះមានការងារជាច្រើននៅពីក្រោយខ្នង ប៉ុន្តែក៏មានការងារមួយចំនួនកំពុងដំណើរការផងដែរ” ។
លោក Widodo បានសន្យាថា ឥណ្ឌូណេស៊ី ក្នុងឋានៈជាប្រធានអាស៊ានឆ្នាំ ២០២៣ នេះ នឹងប្រឹងប្រែងឲ្យអស់ពីសមត្ថភាព ដើម្បីកែលម្អស្ថានការណ៍ក្នុងប្រទេសមីយ៉ាន់ម៉ា ដោយផ្តល់អាទិភាពដល់ផែនការសន្តិភាពដែលមីយ៉ាន់ម៉ាបានយល់ព្រមកាលពីពេលកន្លងមក ។
មេដឹកនាំប្រទេសឥណ្ឌូណេស៊ីរូបនេះជឿជាក់ថា វិធីសាស្រ្ត “ការទូតស្ងប់ស្ងាត់” នឹងជួយដោះស្រាយបញ្ហាសម្ពាធកាន់តែមានប្រសិទ្ធភាព ហើយអាស៊ាននឹងខិតខំរក្សាជាតំបន់សន្តិភាព និងអព្យាក្រឹត ជាពិសេសនៅពេលមានភាពតានតឹងផ្នែកភូមិសាស្ត្រនយោបាយកាន់តែខ្លាំងឡើងរវាងប្រទេសមហាអំណាច ។
គួររំឭកឡើងវិញថា នៅក្នុងខែកុម្ភៈ ឆ្នាំ ២០២១ យោធាបានធ្វើរដ្ឋប្រហារដណ្តើមអំណាចនៅក្នុងប្រទេសមីយ៉ាន់ម៉ាដោយប្រើយន្តការរដ្ឋធម្មនុញ្ញសម្រាប់ការផ្ទេរអំណាចក្នុងស្ថានភាពអាសន្ន ។ សកម្មភាពរបស់យោធាបានជំរុញឲ្យមានចលាចលស៊ីវិលដ៏ធំ ដែលបណ្តាលឲ្យមានអ្នកស្លាប់ និងរបួសប្រមាណ ១,៥០០ នាក់ ខណៈមនុស្សជាង ១២,០០០ នាក់ត្រូវបានចាប់ខ្លួន និង ៥០ ម៉ឺននាក់ត្រូវបានផ្លាស់ទីលំនៅ ។
ចាប់តាំងពីពេលនោះមក ស្ថានភាពមនុស្សធម៌ក្នុងប្រទេសកាន់តែយ៉ាប់យ៉ឺន ដោយមនុស្សរាប់លាននាក់ត្រូវការជំនួយមនុស្សធម៌ជាបន្ទាន់ ហើយបន្ទាប់ពីការរឹបអូសអំណាចនៅឆ្នាំ ២០២១ អាស៊ានក៏បានហាមឃាត់អាជ្ញាធរយោធារបស់មីយ៉ាន់ម៉ាពីកិច្ចប្រជុំកំពូលរបស់ខ្លួន ដើម្បីបង្ខំពួកគេឲ្យគោរពតាមផែនការអនុវត្តកិច្ចព្រមព្រៀងសន្តិភាពជាឯកច្ឆន្ទ ៥ ចំណុច ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ជប៉ុន បើកខ្សែទូរស័ព្ទបន្ទាន់ភ្ជាប់ជាមួយប្រទេស អាស៊ាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ