ព័ត៌មានអន្ដរជាតិ
ជប៉ុន បើកខ្សែទូរស័ព្ទបន្ទាន់ភ្ជាប់ជាមួយប្រទេសអាស៊ាន
ជប៉ុនបានប្រកាសបើកខ្សែទូរស័ព្ទទាន់ហេតុការណ៍ផ្នែកការពារជាតិ ភ្ជាប់ជាមួយសមាជិកនៃសមាគមប្រជាជាតិអាស៊ីអាគ្នេយ៍ ឬហៅកាត់ថា អាស៊ាន ។
រដ្ឋមន្ត្រីក្រសួងការពារជាតិជប៉ុន លោក Ino Toshiro បានប្រកាសពីការតភ្ជាប់ខ្សែទូរស័ព្ទបន្ទាន់នេះ នៅក្នុងកិច្ចប្រជុំថ្នាក់អនុរដ្ឋមន្ត្រីជាមួយសមភាគីអាស៊ាន និងជាកិច្ចប្រជុំទល់មុខគ្នាជាលើកដំបូងក្នុងរយៈពេល ៤ ឆ្នាំកន្លងមកនេះ ។
លោក Ino បាននិយាយថា ជប៉ុនចង់ជំរុញកិច្ចសហប្រតិបត្តិការលើវិស័យការពារជាតិជាមួយប្រជាជាតិអាស៊ាន ជាពិសេសវិធានការនេះ នឹងជួយសម្រួលដល់ទំនាក់ទំនងរវាងប្រទេសជប៉ុន និងសមាជិកអាស៊ានផងដែរ ។
ទន្ទឹមនោះ ក្រសួងការពារជាតិជប៉ុនក៏បាននិយាយដែរថា ជប៉ុននឹងប្រើប្រាស់បណ្តាញទូរស័ព្ទទាន់ហេតុការណ៍ដើម្បីពង្រឹងទំនាក់ទំនងជាមួយបណ្តាប្រទេសអាស៊ាន នៅពេលដែលប្រទេសចិនបង្កើនឥទ្ធិពលរបស់ខ្លួននៅក្នុងតំបន់ ។
គួរបញ្ជាក់ថា ជប៉ុនជាប្រទេសមិនមែនសមាជិកអាស៊ានដំបូងគេ ដែលបានបើកដំណើរការបណ្ដាញទូរស័ព្ទបន្ទាន់ជាមួយក្រុមប្រទេសដែលសមាជិកទាំង ១០ នេះ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ១ សប្តាហ៍ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
កីឡា១៣ ម៉ោង agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សន្តិសុខសង្គម៦ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
សេដ្ឋកិច្ច២ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ