ព័ត៌មានអន្ដរជាតិ
មកស្គាល់ធនាគារធំៗចំនួន ៥ របស់ អាមេរិក ដែលប្រកាសក្ស័យធន
អាមេរិក ជាប្រទេសមូលធននិយមដែលមានធនាគាររាប់ពាន់កំពុងដំណើរការសព្វថ្ងៃ ប៉ុន្តែទន្ទឹមនឹងនោះ ក៏មានធនាគារតូចធំជាច្រើនផងដែរបានបានប្រកាសក្ស័យធនបិទទ្វាទៅវិញ ដែលភាគច្រើនបណ្ដាលមកពីការដំឡើងអត្រាការប្រាក់ដើម្បីទាញទម្លាក់អតិផរណា ។
ខាងក្រោមនេះជាធនាគារអាមេរិកចំនួន ៥ ដែលមានទ្រព្យសកម្មច្រើន ប៉ុន្តែនៅតែក្ស័យធនដដែល៖
១. ធនាគារ Silicon Valley
Silicon Valley ជាធនាគារដែលមានទ្រព្យសកម្ម ២០៩ ពាន់លានដុល្លារ ដោយស្ថិតក្នុងចំណាត់ថ្នាក់ទី ១៦ ក្នុងបញ្ជីធនាគារធំៗលំដាប់ទាំង ២០ នៅអាមេរិក ។

ធនាគារដែលបង្កើតឡើងនៅឆ្នាំ ១៩៨៣ ទើបតែប្រកាសក្ស័យធននៅថ្ងៃទី១០ ខែមីនានេះប៉ុណ្ណោះ ដោយមានរយៈពេលមិនដល់ ៤៨ ម៉ោងផង បន្ទាប់ពីអតិថិជននាំគ្នាសម្រុកដកលុយចេញពីធនាគារ ។
២. ធនាគារ Signature Bank

ធនាគារនេះមានវាសនាខុសគ្នាពីធនាគារ Silicon Valley តែ ២ ថ្ងៃប៉ុណ្ណោះ ពោល Signature Bank ក៏ប្រកាសក្ស័យធនដូចគ្នានៅឆ្នាំ ២០២៣ នេះ ។ ធនាគារនេះបង្កើ់តឡើងក្នុងឆ្នាំ ២០០១ ដែលមានទ្រព្យសកម្មរហូតដល់ ១១៨ ពាន់លានដុល្លារ ។
៣. ធនាគារ Washington Mutual
Washington Mutual ជាធនាគារស្ថិតនៅក្នុងចំណោមធនាគារធំៗរបស់អាមេរិកដែលបានក្ស័យធននៅឆ្នាំ ២០០៨ អំឡុងពេលវិបត្តិសេដ្ឋកិច្ចពិភពលោក ។

សាខារបស់ធនាគារនេះទាំងអស់ត្រូវបានសាជីវកម្មធានារ៉ាប់រងប្រាក់បញ្ញើសហព័ន្ធ (FDIC) លក់ទៅឲ្យធនាគារ JPMorgan Chase ក្នុងតម្លៃ ១.៩ ពាន់លានដុល្លារ ។ នៅពេលដែលដួលរលំ ធនាគារនេះមានទ្រព្យសកម្មរហូតដល់ ៣៨៦ ពាន់លានដុល្លារ ។
៤. ធនាគារ Continental Illinois

ធនាគារនេះបង្កើតឡើងនៅក្នុងឆ្នាំ ១៩១០ តែត្រូវបានបិទទ្វាបញ្ចប់នៅក្នុងឆ្នាំ ១៩៩៤ ។ ធនាគារ Continental Illinois ជាធនាគារពាណិជ្ជអាមេរិកដែលផ្តល់ជូនសេវាហិរញ្ញវត្ថុដល់អតិថិជន ។ ធនាគារនេះមានទ្រព្យសកម្មប្រហែលជា ១០៤ ពាន់លានដុល្លារ បើគិតតាមអត្រាការប្រាក់បច្ចុប្បន្ន ។
៥. ធនាគារ First Republic Bank Corporation

មានមូលដ្ឋាននៅរដ្ឋតិចសាស់ ធនាគារ First Republic Bank Corporation បានដួលរលំនៅឆ្នាំ ១៩៨៨ បើទោះជាមានទ្រព្យសកម្មប្រមាណជាង ៧៤ ពាន់លានដុល្លារក៏ដោយ ។
ពាក់ព័ន្ធនឹងបញ្ហានេះដែរ អ្នកជំនាញសេដ្ឋកិច្ចជាច្រើនយល់ឃើញថា បើសិនជាអាមេរិកនៅតែបន្តដំឡើងអត្រាការប្រាក់ដើម្បីទាញទម្លាក់អតិផរណា នោះធនាគារអាមេរិកជាច្រើនទៀតនឹងដួលរលំដូចគ្នាមិនខាន ៕
ប្រែសម្រួលដោយ ៖ នាង រតនៈ
ប្រភព ៖ Wikipedia
ចុចអាន ៖ អ្នកជំនាញ ៖ បើ អាមេរិក នៅតែបន្តដំឡើងអត្រាការប្រាក់ នោះធនាគារ ជាច្រើនទៀតនឹងដួលរលំ
-
ជីវិតកម្សាន្ដ៣ ថ្ងៃ មុន
តារាសម្ដែងថៃជួរមុខ ៦ ដួង ស៊ីថ្លៃខ្ពស់ជាងគេក្នុងឆ្នាំនេះ
-
ជីវិតកម្សាន្ដ២ ថ្ងៃ មុន
តារាសម្ដែងសិង្ហបុរី ទម្លាយថា មានវិញ្ញាណខ្មោចតាមដល់ផ្ទះ ក្រោយថតភាពយន្តនៅកម្ពុជា
-
ព័ត៌មានជាតិ៤ ថ្ងៃ មុន
ប្រវត្តិសង្ខេបរបស់ព្រះរាជដំណាក់ នៅក្រុងសៀមរាប
-
ព័ត៌មានជាតិ៣ ថ្ងៃ មុន
ស្វែងយល់ មកដល់ពេលនេះមានផ្លូវស្ពានណាខ្លះកំពុងសាងសង់ និងគ្រោងបញ្ចប់?
-
ជីវិតកម្សាន្ដ៤ ថ្ងៃ មុន
ទស្សនិកជនសរសើរគំនិត Mai Davika ក្រោយច្នៃឈុតដូចស្លឹកចេក ក្នុងកម្មវិធីប្រេនលំដាប់
-
ជីវិតកម្សាន្ដ៤ ថ្ងៃ មុន
Yaya បង្អួតប៊ីគីនីឆ្លុះសាច់ពណ៌ខ្មៅ លើកោះ ម៉ាល់ឌីវ
-
ជីវិតកម្សាន្ដ៦ ថ្ងៃ មុន
ឃ្លិប ២០ ឆ្នាំមុន ទស្សនិកជនស្ទើរមិនជឿថា ជាតារាស្រី ៣ ដួងកំពុងល្បីល្បាញសព្វថ្ងៃនេះ
-
កីឡា១ សប្តាហ៍ មុន
បីស្រ្ដីប្រហែល២ម៉ោងស្ពឹកដៃ តែ ព្រំ សំណាង តស៊ូដល់៨ម៉ោងបានរថយន្ត១គ្រឿង