សេដ្ឋកិច្ច
អ្នកជំនាញ ៖ បើ អាមេរិក នៅតែបន្តដំឡើងអត្រាការប្រាក់ នោះធនាគារជាច្រើនទៀតនឹងដួលរលំ
បន្ទាប់ពីដួលរលំធនាគារដ៏ធំលំដាប់ទី ១៦ Silicon Valley, អ្នកជំនាញសេដ្ឋកិច្ចជាច្រើនយល់ឃើញថា បើសិនជាអាមេរិកនៅតែបន្តដំឡើងអត្រាការប្រាក់ដើម្បីទាញទម្លាក់អតិផរណា នោះធនាគារអាមេរិកជាច្រើនទៀតនឹងដួលរលំដូចគ្នាមិនខាន ។
លោក John Bugnaki អគ្គទីប្រឹក្សារង និងជានាយកផ្នែកបទប្បញ្ញត្តិ និងគោលនយោបាយនៅក្រុមហ៊ុន Tacen យល់ថា ចំពោះការដួលរលំធនាគារនេះ បណ្តាលមកពីការកើនឡើងអត្រាការប្រាក់ នាំឲ្យមានការធ្លាក់ចុះនៃប្រាក់បណ្តាក់ទុនក្នុងធនាគារ ។
នៅពេលធនាគារកណ្តាលអាមេរិក បង្កើនអត្រាមូលនិធិសហព័ន្ធយ៉ាងឆាប់រហ័ស បានធ្វើឲ្យការវិនិយោគ ធនាគារក្នុងតំបន់មិនទទួលផលចំណេញ ហើយធ្វើឲ្យធនាគារ Silicon Valley និងធានាគារផ្សេងៗទៀត ព្យាយាមបង្កើតឱនភាពដោយធានានូវការវិនិយោគបន្ថែម ។
ចំណែកលោក Marshall Auerback សហការីស្រាវជ្រាវនៅវិទ្យាស្ថាន Levy Economics Institute of Bard College ក៏យល់ឃើញដែរថា ធនាគារដែលដួលរលំទៅបាន គឺដោយសារតែសកម្មភាពខុសឆ្គងរបស់ធនាគារកណ្តាលអាមេរិក ដែលព្យាយាមដំឡើងអត្រាការប្រាក់កាន់តែខ្ពស់ និងឆាប់រហ័ស ។
អ្នកជំនាញរូបនេះបង្ហាញថា ធនាគារកណ្តាលអាមេរិក បានបង្កើតមូលនិធិដើម្បីបញ្ឈប់ការដាក់ប្រាក់ត្រឹមតែ ២៥ ពាន់លានដុល្លារប៉ុណ្ណោះ ប៉ុន្តែការខាតបង់របស់ធនាគារដែលបានមកពីការដំឡើងអត្រាការប្រាក់អាចមានរហូតដល់ ៦០០ ពាន់លានដុល្លារឯណោះ ។
ដូចនេះ សរុបជារួមមក បើសិនជាធនាការកណ្តាលអាមេរិក នៅតែមិនព្រមផ្អាកដំឡើងអត្រាការប្រាក់នោះទេ មិនយូរមិនឆាប់ ធនាគារផ្សេងៗទៀត ប្រកដជាក្ស័យធនជាក់ជាមិនខាន ៕
ប្រែសម្រូលដោយ ៖ នាង រតនៈ
ប្រភព ៖ Sputnik
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង