មនុស្ស៣៥នាក់ ធ្លាក់អណ្តូងស្លាប់នៅ ឥណ្ឌា

មនុស្សចំនួន៣៥នាក់បានស្លាប់ បន្ទាប់ពីធ្លាក់ចូលអណ្តូងជម្រៅជិត១២ម៉ែត្រ ខណៈពេលកំពុងថ្វាយបង្គំព្រះនៅវិហារមួយកន្លែងក្នុងទីក្រុង Indore នៃរដ្ឋ Madhya Pradesh ភាគកណ្តាលប្រទេសឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះ មនុស្សចំនួន១៤នាក់ផ្សេងទៀត ត្រូវបានជួយសង្គ្រោះ ខណៈមនុស្សម្នាក់នៅតែបាត់ខ្លួន។

ប៉ូលិស​​និយាយ​ថា ជន​រង​គ្រោះ​កំពុង​ឈរ​លើ​ផ្ទាំង​បេតុងដែលយកទៅគ្រប​អណ្ដូង ពេល​វា​បាក់ដោយសារផ្ទុកលើសទម្ងន់។

ឧប្បត្តិហេតុនេះ កើតឡើងកាលពីថ្ងៃព្រហស្បតិ៍ទី៣០ខែមីនា ក្នុងអំឡុងពិធីបួងសួងដែលរៀបចំនៅព្រះវិហារ Beleshwar Mahadev Jhulelal អំឡុងពិធីបុណ្យហិណ្ឌូ Ram Navami។

មន្ត្រីជាន់ខ្ពស់ឈ្មោះ Illayaraja T បានប្រាប់បណ្តាញព័ត៌មាន ANI ថា មនុស្សចំនួន១៨នាក់ត្រូវបានបញ្ជូនទៅមន្ទីរពេទ្យបន្ទាប់ពីជួយសង្គ្រោះ ហើយពេលនេះ មនុស្ស២នាក់ត្រូវបានអនុញ្ញាតឲ្យចេញពីមន្ទីរពេទ្យហើយ។ លោក​​បន្ថែម​ថា ប្រតិបត្តិការ​ស្វែង​រក​មនុស្សនៅ​តែ​បន្ត។

ទន្ទឹមនោះ នាយករដ្ឋមន្ត្រីឥណ្ឌា បាន​ផ្ញើ​សារ​រំលែក​ទុក្ខ​ដល់​ក្រុម​គ្រួសារ​ជន​រង​គ្រោះ ហើយ​ក៏​បាន​ប្រកាស​ផ្តល់​សំណងជាទឹកប្រាក់​ចំនួន ២០០០០០ រូពី​សម្រាប់​ពួក​គេផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ ឥណ្ឌា ប្រាប់ឲ្យប្រជាជន ឱបគោ នៅថ្ងៃ១៤កុម្ភៈ