ព័ត៌មានអន្ដរជាតិ
អាជីវករខឹងសម្បារនឹងរដ្ឋាភិបាល ឥណ្ឌូណេស៊ី ដែលហាមមិនឲ្យលក់ខោអាវជជុះ
អាជីវករលក់សម្លៀកបំពាក់ឥណ្ឌូណេស៊ីជាច្រើននាក់ មិនពេញចិត្តឡើយដែលរដ្ឋាភិបាលចេញច្បាប់ហាមប្រាមមិនឲ្យលក់ខោអាវជជុះដែលនាំចូលពីក្រៅប្រទេស ។
រដ្ឋាភិបាលឥណ្ឌូណេស៊ី បានចេញច្បាប់ប្រឆាំងមិនឲ្យមានការលក់ខោអាវជជុះនាំចូលពីក្រៅប្រទេសនោះឡើយ ចាប់តាំងពីឆ្នាំ ២០១៥ មក ។ ហេតុផលនោះ គឺដោយសារតែព្រួយបារម្ភចំពោះបញ្ហាសុខភាពពលរដ្ឋដែលស្លៀកពាក់ជជុះ ក៏ដូចជាគំរាមកំហែងដល់សុខភាពសាធារណៈ និងឧស្សាហកម្មវាយនភណ្ឌក្នុងស្រុកជាដើម ។
ចំពោះច្បាប់ហាមប្រាមនេះ អាជីវករលក់ខោអាវជជុះជាច្រើន ត្អូញត្អែរពីផលលំបាកនៃអាជីវកម្មរបស់ខ្លួន ជាពិសេសនាពេលថ្មីៗទើបតែមានការចាប់ការនាំចូលខោអាវជជុះនៅកំពង់ផែពីប្រទេសសិង្ហបុរី ។ តាមរយៈនេះ អាជីវករជជុះជាច្រើនលើកឡើងថា គឺមានការព្រួយបារម្ភយ៉ាងខ្លាំង ព្រោះខ្លាចពេលនាំចូលមកត្រូវគយចាប់បានយកទៅដុតចោល ។
ការលាតត្រដាងនេះបានជំរុញឲ្យទីក្រុងហ្សាកាតាប្រកាសបង្កើនការត្រួតពិនិត្យគយ និងការត្រួតពិនិត្យនៅតាមកំពង់ផែ ខណៈរដ្ឋមន្ត្រីពាណិជ្ជកម្មឥណ្ឌូណេស៊ី លោក Zulkifli Hasan បានប្រកាសសង្រ្គាមជាថ្មីលើសម្លៀកបំពាក់ជជុះ ដែលនឹងកំណត់គោលដៅមិនត្រឹមតែការនាំចូលខុសច្បាប់ប៉ុណ្ណោះទេ ប៉ុន្តែក៏នឹងត្រួតពិនិត្យនៅក្នុងហាងទំនិញក្នុងស្រុកផងដែរ ។
ដោយឡែក កាលពីខែមុន នៅខេត្ត West Java អាជ្ញាធរបានបំផ្លាញសម្លៀកបំពាក់ដែលនាំចូលខុសច្បាប់ជាង ៧,០០០ បាច់ ដែលមានតម្លៃ ៥.៣ ពាន់លានដុល្លារ ។
ទន្ទឹមនឹងនេះ អ្នកជំនាញមួយចំនួនយល់ថា វិធានការរបស់រដ្ឋាភិបាលគឺជារឿងល្អប្រសើរ ព្រោះប្រសិនបើប្រជាពលរដ្ឋនៅតែបន្តប្រើរបស់ជជុះ អាចធ្វើឲ្យប៉ះពាល់ដល់វិស័យឧស្សាហកម្មវាយនភណ្ឌឥណ្ឌូណេស៊ី ។
គួរបញ្ជាក់ថា នៅប្រទេសឥណ្ឌូណេស៊ី មានប្រជាជនប្រមាណជាង ២៦ លាននាក់ កំពុងតែរស់នៅក្រោមស្ថានភាពក្រីក្រ ដែលធ្វើឲ្យពួកគេ មិនមានលទ្ធភាពក្នុងការទិញសម្លៀកបំពាក់ថ្លៃៗបានឡើយ ៕
ប្រែសម្រួលដោយ ៖ នាង រតនៈ
ប្រភព៖ Al Jazeera
ចុចអាន ៖ អ្នកក្រុងឈៀងម៉ៃ ប្តឹងរដ្ឋាភិបាលថៃ ជុំវិញវិបត្តិការបំពុលបរិយាកាស
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ