Connect with us

ព័ត៌មានអន្ដរជាតិ

ឥណ្ឌូណេស៊ី៖ មីយ៉ាន់ម៉ា មិនបានធ្វើអ្វីរីកចម្រើនលើផែនការសន្តិភាពទេ, អាស៊ានត្រូវតែរួបរួម

បានផុស

នៅ

ប្រធានាធិបតីឥណ្ឌូណេស៊ី បាននិយាយនៅថ្ងៃព្រហស្បតិ៍ទី១១ខែឧសភាថា យោធាដែលកំពុងកាន់អំណាចរបស់ប្រទេសមីយ៉ាន់ម៉ា មិនបានធ្វើឲ្យមានការរីកចម្រើនគួរឲ្យកត់សម្គាល់លើការអនុវត្តផែនការសន្តិភាពដែលបានព្រមព្រៀងជាមួយអាស៊ានកាលពី២ឆ្នាំមុនទេ ហើយប្លុកនេះត្រូវតែបង្ហាញពីការរួបរួម ដើម្បីដោះស្រាយវិបត្តិដែលកំពុងញាំញី។

ប្រធានាធិបតីឥណ្ឌូណេស៊ី លោក Joko Widodo
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Joko Widodo ដែលជាប្រធានអាស៊ានឆ្នាំនេះ បាននិយាយនៅថ្ងៃទីពីរនៃកិច្ចប្រជុំកំពូលក្នុងទីក្រុង Labuan Bajo ថា “ខ្ញុំសូមនិយាយដោយស្មោះ ចំពោះការអនុវត្តកុងសង់ស៊ីសទាំង៥ចំណុច មិនទាន់មានការរីកចម្រើនគួរឲ្យកត់សម្គាល់អ្វីនោះទេ។ ដូច្នេះ​ការ​រួបរួម​អាស៊ាន ​ត្រូវ​បាន​ទាមទារ​ក្នុង​ការ​សម្រេច​ចិត្ត​លើ​ជំហាន​បន្ទាប់”។

ស្របពេលជាមួយគ្នានោះ លោកប្រធានាធិបតី បានអំពាវនាវដល់សមាជិកទាំង១០ ឲ្យរៀបចំផែនការឆ្ពោះទៅមុខដើម្បីកាត់បន្ថយអំពើហិង្សាដែលកំពុងកើនឡើងនៅក្នុងប្រទេសមីយ៉ាន់ម៉ា ចាប់តាំងពីកងទ័ពបានផ្តួលរំលំរដ្ឋាភិបាលដែលដឹកនាំដោយម្ចាស់ពានរង្វាន់ណូបែលសន្តិភាពលោកស្រី អ៊ុងសាន ស៊ូជី ក្នុងឆ្នាំ២០២១។

រដ្ឋប្រហារ​នោះ បាន​បង្ក​ឲ្យ​មានការ​តវ៉ារីក​រាលដាល ហើយកងទ័ពបានប្រយុទ្ធជាមួយក្រុមបះបោរជនជាតិភាគតិច និងសម្ព័ន្ធមិត្តដែលគាំទ្រលទ្ធិប្រជាធិបតេយ្យ។

ក្នុង​នាម​ជា​ប្រធាន​អាស៊ាន ប្រទេស​ឥណ្ឌូណេស៊ី​បាន​ពិភាក្សា​ជាមួយ​ភាគី​ទាំង​អស់​នា​រយៈពេល​ប៉ុន្មាន​ខែ​ថ្មីៗ​នេះ ​ក្នុង​ក្តីសង្ឃឹម​ធ្វើ​ឲ្យ​កិច្ចចរចា​ដំណើរការ​ទៅ​មុខ។ ហើយកាលពីខែមុន អាស៊ាន បានថ្កោលទោសយោធាមីយ៉ាន់ម៉ា ចំពោះការវាយប្រហារអាកាស និងជាការវាយប្រហារសាហាវបំផុត ដែលបានសម្លាប់មនុស្សយ៉ាងតិច១០០នាក់ ប៉ុន្តែយោធានិយាយថា ខ្លួនកំពុងប្រយុទ្ធជាមួយ ភេរវករ៕

ប្រែសម្រួល៖ Vann Vann

ប្រភព៖ CNA

ចុចអាន៖ ទីម័រខាងកើត ចាត់ទុកការចូលរួមកិច្ចប្រជុំកំពូល អាស៊ាន នៅ ឥណ្ឌូណេស៊ី ជាពេលវេលាប្រវត្តិសាស្ត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣២ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៣ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

ព័ត៌មានជាតិ៤ ម៉ោង មុន

ទូតអង់គ្លេស៖ រាជរដ្ឋាភិបាលថ្មីរបស់សម្ដេច ហ៊ុន ម៉ាណែត មានសកម្មភាពមមាញឹក ពិសេសការជំរុញពាណិជ្ជកម្ម

Sokha Hotels

ព័ត៌មានពេញនិយម