ព័ត៌មានអន្ដរជាតិ

ក្រុមហ៊ុនហិរញ្ញវត្ថុ អាមេរិក JPMorgan បិទសាខាចំនួន ២១ របស់ធនាគារ First Republic

បានផុស

២ years មុន

នៅ

ថ្ងៃសុក្រ ២ មិថុនា ២០២៣

ដោយ

ក្រុមហ៊ុនសេវាកម្មហិរញ្ញវត្ថុរបស់អាមេរិក JPMorgan Chase ដែលបានកាន់កាប់ទ្រព្យសម្បត្តិរបស់ធនាគារ First Republish នឹងបិទសាខានៃធនាគារមួយនេះចំនួន ២១ ក្នុងចំណោមសាខាចំនួន ៨៤ នៅចុងឆ្នាំនេះ ។

ក្រុមហ៊ុន JPMorgan បាននិយាយថា ដោយសារទីតាំងទាំងនេះមានបរិមាណប្រតិបត្តិការទាប ហើយជាទូទៅស្ថិតនៅក្នុងកិច្ចសន្យារយៈពេលខ្លីជាមួយការិយាល័យធនាគារ First Republic ដូច្នេះខាងក្រុមហ៊ុនបានសម្រេចចិត្តបិទ ប៉ុន្តែទោះជាយ៉ាងណា អតិថិជនក៏នឹងបន្តទទួលបានសេវាកម្មកម្រិតដូចគ្នាដោយរលូនដដែរ ។

ពាក់ព័ន្ធនឹងបញ្ហានេះដែរ អ្នកនាំពាក្យក្រុមហ៊ុន JPMorgan បានប្រាប់សារព័ត៌មាន CNN ថា បុគ្គលិកចំនួន ១០០ នាក់នៅក្នុងសាខាដែលកំពុងបិទ នឹងត្រូវផ្លាស់ប្ដូរការងាររយៈពេល ៦ ខែ ។

បន្ថែមពីនេះ និយោជិតទាំងនោះ នឹងមានសិទ្ធិដាក់ពាក្យសុំការងារនៅធនាគារដែលនៅបើកដំណើរប្រហែល ១៣,០០០ កន្លែង ហើយប្រសិនបើពួកគេមិនស្វែងរកការងារជាមួយក្រុមហ៊ុន JPMorgan ទេនោះ ធនាគារក៏នឹងជួយពួកគេស្វែងរកការងារនៅកន្លែងផ្សេងផងដែរ ។

គួរបញ្ជាក់ថា ក្រុមហ៊ុន JPMorgan បានព្រមព្រៀងទិញទ្រព្យសម្បត្តិភាគច្រើនរបស់ធនាគារ First Republic បន្ទាប់ពីធនាគារដែលមានមូលដ្ឋាននៅទីក្រុង San Francisco មួយនេះត្រូវបានរឹបអូសដោយរដ្ឋាភិបាល ខណៈការបរាជ័យរបស់ធនាគារ First Republic នេះដែរ ក៏បានបង្ហាញឲ្យឃើញពីការបរាជ័យផ្នែកធនាគារដ៏ធំបំផុតទីពីរនៅក្នុងប្រវត្តិសាស្ត្រអាមេរិក ហើយបានកើតឡើងតែប៉ុន្មានសប្តាហ៍ប៉ុណ្ណោះ បន្ទាប់ពីការដួលរលំនៃធនាគារ Silicon Valley និង Signature Bank ៕

ប្រែសម្រួល៖ នាង រតនៈ

ប្រភព៖ CNN

ចុចអាន៖ បេឡារុស ថា លោកខាងលិច កំពុងរៀបចំធ្វើរដ្ឋប្រហារក្នុងប្រទេសសម្ព័ន្ធមិត្ត រុស្ស៊ី