ព័ត៌មានអន្ដរជាតិ
កាហ្វេ វៀតណាម នឹងត្រូវហាមឃាត់នាំចេញទៅទីផ្សារ អឺរ៉ុប បើមិនអនុវត្តតាមច្បាប់ថ្មី
សហភាពអឺរ៉ុប (EU) គ្រោងនឹងហាមឃាត់ការនាំចូលកាហ្វេដែលផលិតនៅលើដីដែលកាប់បំផ្លាញព្រៃឈើ ឬរិចរិលចាប់ពីចុងឆ្នាំ ២០២៤ តទៅ ដោយដាក់សម្ពាធលើវិស័យកាហ្វេវៀតណាមឲ្យប្រឹងប្រែងអស់ពីសមត្ថភាពដើម្បីអនុវត្តតាមបទប្បញ្ញត្តិថ្មីនេះ ។
ច្បាប់ថ្មីរបស់ EU នេះ ជាផ្នែកមួយនៃបទប្បញ្ញត្តិគ្មានការកាប់បំផ្លាញព្រៃឈើ (EUDR) ដែលត្រូវបានអនុម័តថ្ងៃទី១៩ ខែមេសា ដើម្បីធានាថា ផលិតផលដែលពលរដ្ឋសហភាពអឺរ៉ុបប្រើប្រាស់ គឺមិនបានរួមចំណែកដល់ការកាប់បំផ្លាញព្រៃឈើ ឬការរិចរិលព្រៃឈើទូទាំងពិភពលោក ។
យោងតាមសមាគមកាហ្វេ និងកាកាវវៀតណាម (Vicofa) បានឲ្យដឹងថា ច្បាប់ថ្មីនេះនឹងចូលជាធរមាននៅខែធ្នូ ឆ្នាំ ២០២៤ និងខែមករា ឆ្នាំ ២០២៥ ដែលមានន័យថា វិស័យកាហ្វេវៀតណាមមានពេលប្រហែល ១៨ ខែទៀតដើម្បីរៀបចំខ្លួនបំពេញតាមស្តង់ដាររបស់ EUDR ។
ចំពោះច្បាប់ថ្មីនេះដែរ លោក Nguyen Nam Hai ប្រធានក្រុមហ៊ុន Vicofa យល់ឃើញថា វាជាបញ្ហាប្រឈមមួយចំពោះឧស្សាហកម្មកាហ្វេដែលមានតម្លៃរាប់ពាន់លានដុល្លាររបស់វៀតណាម ចាប់តាំងពីព្រៃឈើ ៩ ម៉ឺនហិកតាដែលបានបាត់បង់ក្នុងឆ្នាំ ២០២១ ហើយមានប្រហែល ៨ ពាន់ហិកតាស្ថិតនៅក្នុងតំបន់ដាំដុះកាហ្វេ ។
ទន្ទឹមនឹងនេះ ការអនុលោមយ៉ាងតឹងរ៉ឹងជាមួយបទប្បញ្ញត្តិថ្មីនេះ នឹងជួយឲ្យផលិតផលកាហ្វេរបស់ប្រទេសវៀតណាម មានការប្រកួតប្រជែងខ្លាំងនៅក្នុងទីផ្សារ EU ជាងផលិតផលមកពីប្រទេសដែលមិនទាន់បានឆ្លើយតបតាមច្បាប់ថ្មីមួយនេះ ។
គួរបញ្ជាក់ថា សហភាពអឺរ៉ុប គឺជាទីផ្សារនាំចេញដ៏សំខាន់សម្រាប់កាហ្វេវៀតណាម ដោយក្នុងឆ្នាំ ២០២២ វៀតណាមនាំចេញកាហ្វេដល់ទៅ ៦៦២,០០០ តោន ដែលមានតម្លៃជិត ១.៦៨ ពាន់លានដុល្លារ ខណៈវៀតណាម គឺជាអ្នកផ្គត់ផ្គង់កាហ្វេធំបំផុតទី២ របស់ប្លុកនេះ ៕
ប្រែសម្រួល៖ នាង រតនៈ
ប្រភព៖ Tuoi Tre
ចុចអាន ៖ អាមេរិក ដាក់ទណ្ឌកម្មលើក្រុមហ៊ុនមាសដែលផ្ដល់មូលនិធិដល់ទាហានស៊ីឈ្នួល រុស្ស៊ី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ