WHO ចេញសេចក្តីណែនាំថ្មីស្តីពីការព្យាបាលអ្នកជំងឺកូវីដ-១៩

កាលពីថ្ងៃអង្គារទី២៦ខែមករា អង្គការសុខភាពពិភពលោក (WHO) បានចេញដំបូន្មានថ្មីចំពោះការព្យាបាលអ្នកជំងឺកូវីដ រួមទាំងអ្នកដែលបង្ហាញរោគសញ្ញាមិនឈប់បន្ទាប់ពីជាសះស្បើយផងដែរហើយនិយាយថា ខ្លួនសូមណែនាំឲ្យប្រើថ្នាំប្រឆាំងកំណកឈាមក្នុងកម្រិតទាបដើម្បីការពារការកកឈាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យ WHO លោកស្រី Margaret Harris បានប្រាប់សន្និសីទសារព័ត៌មានរបស់អង្គការសហប្រជាជាតិនៅទីក្រុងហ្សឺណែវថា “អ្វីផ្សេងទៀតនៅក្នុងការណែនាំថ្មីនេះគឺថា អ្នកជំងឺកូវីដនៅផ្ទះ គួរតែប្រើប្រាស់ឧបករណ៍ពិនិត្យជីពចរដែលវាស់កម្រិតអុកស៊ីហ្សែន ដូច្នេះអ្នកអាចកំណត់ថាតើការនៅផ្ទះធ្វើឲ្យអ្នកកាន់តែយ៉ាប់យ៉ឺនហើយល្អប្រសើរជាងការទទួលការព្យាបាលនៅមន្ទីរពេទ្យដែរឬក៏អត់”។

លោកស្រីនិយាយថា WHO សូមណែនាំដល់គ្លីនិកឲ្យដាក់អ្នកជំងឺ ស្ថិតក្នុងទីតាំងដែលងាយនឹងភ្ញាក់ដើម្បីធ្វើឲ្យប្រសើរឡើងនូវលំហូរអុកស៊ីហ្សែន។

លោកស្រី Harris និយាយថា “យើងក៏ណែនាំផងដែរ យើងសូមណែនាំឲ្យប្រើថ្នាំប្រឆាំងនឹងកំណកឈាមក្នុងកម្រិតទាបដើម្បីការពារការកកឈាមក្នុងសរសៃឈាម។ យើងណែនាំឲ្យប្រើថ្នាំក្នុងកម្រិតទាបជាជាងកម្រិតខ្ពស់ ពីព្រោះកម្រិតខ្ពស់អាចបណ្តាលឲ្យមានបញ្ហាផ្សេងទៀត”។

ស្របពេលជាមួយគ្នានោះ លោកស្រីបានបដិសេធធ្វើអត្ថាធិប្បាយលើរបាយការណ៍នៃការពន្យារពេលផ្គត់ផ្គង់វ៉ាក់សាំងនៅសហភាពអឺរ៉ុប។ លោកស្រីនិយាយថា លោកស្រីមិនមានទិន្នន័យជាក់លាក់ទេហើយអាទិភាពរបស់ WHO គឺថា បុគ្គលិកសុខាភិបាលនៅគ្រប់ប្រទេសទាំងអស់នឹងត្រូវចាក់វ៉ាក់សាំងក្នុងរយៈពេល១០០ថ្ងៃដំបូងនៃឆ្នាំនេះ។

ក្រុមហ៊ុន AstraZeneca ដែលអភិវឌ្ឍវ៉ាក់សាំងរបស់ខ្លួនជាមួយសាកលវិទ្យាល័យ Oxford បានប្រាប់ EU កាលពីថ្ងៃសុក្រថា ខ្លួនមិនអាចបំពេញតាមគោលដៅផ្គត់ផ្គង់ដែលព្រមព្រៀងគ្នាបានទេរហូតដល់ចុងខែមីនា៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ វ៉ាក់សាំងកូវីដដែលកម្ពុជាទទួលយកពីចិន ជិតទទួលបានភ្លើងខៀវឲ្យប្រើប្រាស់ពី WHO