បេសកកម្មយានរុករកនៅឋានព្រះចន្ទជិតកន្លះសតវត្សរបស់ រុស្ស៊ី រងបរាជ័យ

ទីភ្នាក់ងារអវកាសរុស្ស៊ីបាននិយាយថា ការស៊ើបអង្កេត ក៏ដូចជាការរុករកលើឋានព្រះចន្ទលើកដំបូងរបស់ខ្លួនក្នុងរយៈពេលជិតកន្លះសតវត្សកន្លងមកនេះទទួលរងបរាជ័យ នៅពេលដែលយានអវកាសគ្មានមនុស្សបើកបានធ្លាក់លើផ្ទៃឋានព្រះចន្ទ ។

លទ្ធផលនៃការវិភាគបឋមបង្ហាញថា យាន Luna-25 ដែលបាញ់បង្ហោះកាលពីថ្ងៃទី១១ ខែសីហា បានផ្លាស់ទីទៅក្នុងគន្លងដែលមិនអាចដឹងជាមុនបាន និងបាត់បង់សញ្ញាទាក់ទង បន្ទាប់ពីបុកជាមួយផ្ទៃព្រះចន្ទ ក្រោយព្យាយាមចុះចត ។

គួរបញ្ជាក់ថា បេសកម្មយាន Luna-25 គឺជាការស៊ើបអង្កេតលើឋានព្រះចន្ទលើកដំបូងបង្អស់របស់រុស្ស៊ី បន្ទាប់ពីយាន Luna-24 បានបញ្ជប់បេសកកម្ម ដោយបានយកគំរូដីពីឋានព្រះចន្ទក្នុងសម័យសូវៀតឆ្នាំ ១៩៧៦ ។

ទន្ទឹមនោះ ប្រសិនបើមិនមានឧបសគ្គបែបនេះទេ យាន Luna-25 ត្រូវបានគេរំពឹងថា នឹងធ្វើការចុះចតជាលើកដំបូងនៅជិតប៉ូលខាងត្បូងរបស់ផ្ទៃព្រះចន្ទនៅថ្ងៃទី២១ ខែសីហានេះតែម្ដង ហើយបន្ទាប់មកវានឹងចំណាយពេល ១ ឆ្នាំដើម្បីរុករកប្រភពទឹក និងធនធានផ្សេងទៀត ៕

ប្រែសម្រួល៖ នាង រតនៈ

ប្រភព៖ NHK

ចុចអាន៖ រុស្ស៊ី ធានា ចេញមុខសងសឹកជួស បើអ្នកណាហ៊ានវាយប្រហារសម្ព័ន្ធមិត្តរបស់ខ្លួន