ព័ត៌មានអន្ដរជាតិ
រុស្ស៊ី ធានា ចេញមុខសងសឹកជួស បើអ្នកណាហ៊ានវាយប្រហារសម្ព័ន្ធមិត្តរបស់ខ្លួន
លោក Boris Gryzlov បេសកជនទីក្រុងមូស្គូប្រចាំប្រទេសបេឡារុស បានព្រមានថា រុស្ស៊ីនឹងចាត់ទុកការវាយប្រហារណាមួយលើប្រទេសបេឡារុស ថាជាការឈ្លានពាន ហើយនឹងប្រើកម្លាំងយោធាទាំងអស់របស់ខ្លួន ដើម្បីសងសឹក។
ថ្លែងទៅកាន់ទូរទស្សន៍ STV របស់បេឡារុស, អ្នកការទូតដែលធ្លាប់កាន់តំណែងជារដ្ឋមន្ត្រីក្រសួងមហាផ្ទៃរុស្ស៊ីរូបនេះ បានព្រមានភាគីទីបី កុំឲ្យវាយប្រហារសម្ព័ន្ធមិត្តដ៏សំខាន់របស់ខ្លួនឲ្យសោះ។
ដោយហាក់ដូចជាបង្ហើបពីការប្រើប្រាស់អាវុធនុយក្លេអ៊ែរ លោក Gryzlov បញ្ជាក់ថា “ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយយ៉ាងច្បាស់ថា នៅក្នុងព្រឹត្តិការណ៍នៃការវាយប្រហារលើប្រទេសបេឡារុស យើងនឹងចាត់ទុកវា ដូចជាការវាយប្រហារលើប្រទេសរុស្ស៊ីដែរ។ ក្នុងករណីបែបនេះ គោលលទ្ធិយោធានៃសហព័ន្ធរុស្ស៊ី បានអនុញ្ញាតឲ្យមានការឆ្លើយតបជាមួយនឹងសព្វាវុធរបស់យើងទាំងអស់”។
រុស្ស៊ី និងបេឡារុស បានបង្កើនកិច្ចសហប្រតិបត្តិការយោធារបស់ពួកគេ ចំពេលមានជម្លោះដែលកំពុងបន្តរវាងទីក្រុងមូស្គូនិងទីក្រុងកៀវ។
កាលពីដើមឆ្នាំនេះ រុស្ស៊ីបានប្រកាសដាក់ពង្រាយអាវុធនុយក្លេអ៊ែររបស់ខ្លួននៅក្នុងប្រទេសបេឡារុស បន្ទាប់ពីការស្នើសុំម្តងហើយម្តងទៀតពីទីក្រុង Minsk ខណៈថ្នាក់ដឹកនាំបេឡារុសបានលើកឡើងពីគោលនយោបាយដ៏គឃ្លើនរបស់លោកខាងលិច ចំពោះប្រទេសនេះ និងការគម្រាមកំហែងដែលបង្កឡើងដោយអាវុធនុយក្លេអ៊ែររបស់សហរដ្ឋអាមេរិក។
បច្ចុប្បន្ន បេឡារុសកំពុងមានភាពតានតឹងខ្លាំង ជាមួយអ្នកជិតខាងធំបំផុតរបស់ខ្លួនគឺប៉ូឡូញ។ ទំនាក់ទំនងប្រទេសទាំងពីរ បានឈានដល់កម្រិតកាន់តែយ៉ាប់យ៉ឺនទៅៗ បន្ទាប់ពីការបោះឆ្នោតប្រធានាធិបតីឆ្នាំ ២០២០ នៅប្រទេសបេឡារុស ដែលបង្កឲ្យមានបាតុកម្មទ្រង់ទ្រាយធំនៅក្នុងប្រទេស ខណៈលទ្ធផលត្រូវបានជំទាស់ដោយក្រុមប្រឆាំង។
ហើយថ្មីៗនេះ ប្រទេសទាំងពីរក៏មើលមុខគ្នាលែងចំផងដែរ ពាក់ព័ន្ធការចោទប្រកាន់អំពីការរំលោភលើអធិបតេយ្យគ្នា ទៅវិញទៅមក៕
ប្រែសម្រួល៖ Vann Vann
ប្រភព៖ RT
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង