ការផ្គត់ផ្គង់វ៉ាក់សាំងកូវីដទៅឲ្យប្រទេសមីយ៉ាន់ម៉ា ត្រូវពន្យារពេលដោយសារជម្លោះនយោបាយ

ការដឹកជញ្ជូនលើកទីពីរនៃវ៉ាក់សាំងការពារជំងឺកូវីដ១៩ពីប្រទេសឥណ្ឌា ទៅកាន់ប្រទេសមីយ៉ាន់ម៉ាត្រូវបានពន្យារពេលដោយសារតែជម្លោះនយោបាយ របស់ប្រទេសនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានទូតឥណ្ឌាក្នុងប្រទេសមីយ៉ាន់ម៉ាបាននិយាយថា កាលបរិច្ឆេទដឹកជញ្ជូនតាមការកំណត់ត្រូវបានពន្យារទៅដល់ថ្ងៃទី១១ខែកុម្ភៈវិញ ដោយសារតែការផ្ទេរអំណាចទាំងបង្ខំ។

វ៉ាក់សាំងត្រូវបានគេសន្មត់ថានឹងទៅដល់ទីក្រុង យ៉ាំងហ្គោន នៅថ្ងៃទី៤ខែកុម្ភៈនេះ។ ពីដំបូង ប្រទេសនេះមានផែនការចាក់វ៉ាក់សាំងដល់ប្រជាជននៅថ្ងៃទី៥ខែកុម្ភៈ។

មីយ៉ាន់ម៉ា បានទិញវ៉ាក់សាំងចំនួន៣០លានដូសពីប្រទេសឥណ្ឌា ហើយការដឹកជញ្ជូននេះត្រូវបានគេរំពឹងថា នឹងដឹកមក២លានដូសសិនដើម្បីត្រៀមរៀបចំសម្រាប់កម្មវិធីចាក់វ៉ាក់សាំងរបស់ប្រទេស។

ចំនួននេះគឺបន្ថែមទៅលើវ៉ាក់សាំង១.៥លានដូសដែលត្រូវបានផ្តល់ដោយរដ្ឋាភិបាលឥណ្ឌា កា​លពីថ្ងៃទី២២ខែមករា៕

ប្រែសម្រួលដោយ៖ Vann Vann

ប្រភព៖ Myanmar Times

ចុចអាន៖ តើមានអ្វីកើតឡើងចំពោះប្រទេសមីយ៉ាន់ម៉ា ប្រសិនបើអាមេរិកដាក់ទណ្ឌកម្មថ្មី?