សមាជិករដ្ឋសភាអ៊ីស្រាអែលមួយរូប ជំរុញឲ្យប្រើអាវុធប្រល័យលោក ដើម្បីកម្ទេចជ្រោយហ្គាហ្សា

សមាជិករដ្ឋសភាអ៊ីស្រាអែលឈ្មោះ Revital Gotliv មកពីគណបក្ស Likud ដែលកំពុងកាន់អំណាច បាននិយាយថា “ប្រទេស គួរតែប្រើមីស៊ីល Jericho ដើម្បីកម្ទេចជ្រោយហ្គាហ្សាឲ្យហ្មត់ បន្ទាប់ពីការវាយប្រហារដោយក្រុមហាម៉ាស់”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Gotliv បាន​បង្ហោះ​លើបណ្តាញសង្គម X ថា “មីស៊ីល Jericho! នេះជាការជូនដំណឹង មុន​នឹង​ពិចារណា​លើ​ការ​ដាក់​ពង្រាយ​កម្លាំង។ គំនិតរបស់ខ្ញុំ​គឺចង់ឲ្យប្រើអាវុធប្រល័យលោក។ សូម​ព្រះ​រក្សា​កម្លាំង​របស់​យើង​ទាំង​អស់”។

Jericho គឺជាឈ្មោះមីស៊ីលផ្លោងអន្តរទ្វីប (ICBM) របស់អ៊ីស្រាអែល ដែលគេគិតថា មានសមត្ថភាពវាយប្រហារស្ទើរតែគ្រប់ទីកន្លែងក្នុងពិភពលោក ហើយអ៊ីស្រាអែល ​ត្រូវ​បាន​គេជឿ​ថា​មាន​ក្បាល​គ្រាប់​នុយក្លេអ៊ែរ​ពី១០០ទៅ២០០គ្រាប់។

ក្រោយនិយាយអំពីមីស៊ីលនុយក្លេអែរនេះហើយ លោកស្រី Jericho បានបង្ហោះសារមួយទៀត ដោយអំពាវនាវឲ្យកម្ទេចតំបន់ហ្គាហ្សាឲ្យខ្ទេចហ្មត់ផងដែរ។

លោកស្រីសរសេរថា “មានតែការផ្ទុះ ដែលអង្រួនតំបន់មជ្ឈិមបូព៌ាប៉ុណ្ណោះ ដែលនឹងស្ដារឡើងវិញនូវសេចក្តីថ្លៃថ្នូរ កម្លាំង និងសន្តិសុខរបស់ប្រទេសនេះ! ដល់ពេល បាញ់មីស៊ីលដ៏មានអានុភាពគ្មានដែនកំណត់ហើយ”។

ទោះបីជាយ៉ាងណាក៏ដោយ បណ្តាញសង្គម​X បានចាត់ទុកការ​បង្ហោះ​របស់​លោកស្រី​ថា ​អាច​បំពាន​ច្បាប់​ប្រឆាំង​នឹង​ការប្រើពាក្យពេចន៍​ហិង្សា ប៉ុន្តែ​មិន​បាន​លុប​​ចោល​ទេ៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ពូទីន បន្ទោសអាមេរិក ចំពោះសង្គ្រាម អ៊ីស្រាអែល-ប៉ាឡេស្ទីន