Connect with us

ព័ត៌មានអន្ដរជាតិ

អតីតមន្ត្រីយោធារុស្ស៊ីព្រមានថា សង្រ្គាមនុយក្លេអ៊ែរនឹងផ្ទុះ បើស៊ុយអែត ចូលណាតូ

បានផុស

នៅ

កាលពីចុងសប្តាហ៍ មន្ត្រីយោធារុស្ស៊ីចូលនិវត្តន៍ម្នាក់បានចេញមុខព្រមានថា លោក វ្ល៉ាឌីមៀរ ពូទីន អាចចាប់ផ្តើមសង្រ្គាមនុយក្លេអ៊ែរប្រឆាំងនឹង អង្គការសន្ធិសញ្ញាអាត្លង់ទិកខាងជើង (NATO) ប្រសិនបើប្រទេសស៊ុយអែតចូលរួមជាមួយអង្គការមួយនេះ ។

មីស៊ីលរុស្ស៊ី (រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាព​តានតឹងហក់​ឡើងខ្ពស់ ​ខណៈរុស្ស៊ីគំរាមកាន់តែខ្លាំងចំពោះ​ជម្លោះ​នុយក្លេអ៊ែរ​ ​ជាមួយ​លោក​ខាង​លិច ​ខណៈទីក្រុងមូស្គូ បើកប្រតិបត្តិការយោធា នៅ​អ៊ុយក្រែនរយៈពេលជិត ២ ឆ្នាំមកនេះ ។

យោងតាមសារព័ត៌មាន Newsweek បានឲ្យដឹងថា លោក Anton Gerashchenko ទីប្រឹក្សារដ្ឋមន្ត្រីកិច្ចការផ្ទៃក្នុងអ៊ុយក្រែន និងជាអ្នកអត្ថាធិប្បាយលើប្រព័ន្ធផ្សព្វផ្សាយសង្គមដ៏ល្បី បានចែករំលែកវីដេអូឃ្លីបរបស់វរសេនីយ៍ឯករុស្ស៊ីចូលនិវត្តន៍ឈ្មោះ Mikhail Khodaryonok ដែលពិភាក្សាអំពីភាពតានតឹងជាមួយប្រទេសនានានៅសមុទ្របាល់ទិក ក្នុងកម្មវិធីមួយរបស់ទូរទស្សន៍រដ្ឋ។

លោក​ Khodaryonok បាន​ព្រមាន​ស៊ុយអែត កុំឲ្យចូលអង្គការណាតូឲ្យសោះ ហើយអះអាងថា ភាពតានតឹងក្នុងតំបន់ នឹងនាំឲ្យមានជម្លោះនុយក្លេអ៊ែរ ចៀសមិនផុតជាមួយសមាជិកណាតូផ្សេងទៀតនៅក្នុងតំបន់នោះឡើយ ។

លោក Mikhail Khodaryonok (រូបថត៖ BBC)

ស៊ុយអែត គឺជាប្រទេសមួយក្នុងចំណោមបណ្តាប្រទេសអ៊ឺរ៉ុបមួយចំនួន រួមទាំងអ៊ុយក្រែន និងហ្សកហ្ស៊ី ផងដែរដែលប៉ុនប៉ងចូលរួមជាមួយអង្គការណាតូ ។

ពាក់ព័ន្ធនឹងបញ្ហានេះដែរ មន្ត្រីវិមានក្រឹមឡាំង មេដឹកនាំយោធា និងប្រព័ន្ធផ្សព្វផ្សាយជាច្រើន បានបង្ហើបថា រុស្ស៊ី អាចប្រើអាវុធនុយក្លេអ៊ែរប្រឆាំងនឹងបស្ចិមប្រទេសមែន ថ្វីបើអ្នកជំនាញទាំងឡាយ ហាក់នៅស្រពិចស្រពិលចំពោះរឿងនេះក៏ដោយ។

កាលពីដើមឆ្នាំ២០២៣ លោក ពូទីន ក៏បានផ្អាកជាបណ្តោះអាសន្នផងដែរ នូវការចូលរួមរបស់ប្រទេសលោក ក្នុងសន្ធិសញ្ញា New START ជាមួយសហរដ្ឋអាមេរិក ហើយនៅខែមីនា ពួកគេថែមទាំងប្រកាសថា ទីក្រុងមូស្គូនឹងសាងសង់ទីតាំងផ្ទុកអាវុធនុយក្លេអ៊ែរយុទ្ធសាស្ត្រក្នុងប្រទេសបេឡារុសផងដែរ៕

ប្រែសម្រួល៖ Vann Vann

ប្រភព៖ Daily Star

ចុចអាន៖ លោក ពូទីន គំរាមថា ជម្លោះនៅអ៊ុយក្រែន អាចក្លាយជា សង្គ្រាមនុយក្លេអ៊ែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

វប្បធម៌ ជំនឿ៨ នាទី មុន

រដ្ឋមន្ត្រីវប្បធម៌ ស្នើទប់ស្កាត់ការធ្វើឱ្យខូចទ្រង់ទ្រាយដើមលើបេតិកភណ្ឌ

ជីវិតកម្សាន្ដ១៧ នាទី មុន

ទំព័រហ្វេកប៊ុកហ្វេក Aum ប្រតិកម្មទៅអ្នកបង្កើតព័ត៌មានថា​ នាងមិនពេញចិត្តនឹងមនុស្សហៅថាម្តាយ

ព័ត៌មានជាតិ១៧ នាទី មុន

​តម្លៃផ្លែមៀន​ប៉ៃលិន ​បន្តមានហាងឆេងល្អ​ ២ ឆ្នាំ ជាប់គ្នា ក្រោយទទួលបានការអនុញ្ញាតនាំទៅចិន

សន្តិសុខសង្គម៣០ នាទី មុន

បុរសវ័យ៦៤ឆ្នាំ កាប់ប្រហារបុរសវ័យ៨២ឆ្នាំរបួសធ្ងន់ ដោយសារស្នេហាត្រីកោណ

ព័ត៌មានជាតិ៤១ នាទី មុន

ដើមឆ្នាំនេះ ភ្ញៀវអន្តរជាតិជាមធ្យមប្រមាណ ៣០០ នាក់ បានចេញ-ចូល ផ្សារបុរាណទួលទំពូង ក្នុងមួយថ្ងៃៗ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម