Connect with us

ព័ត៌មានអន្ដរជាតិ

លោក Netanyahu សុខចិត្តព្រមពង្រីកបទឈប់បាញ់មនុស្សធម៌ តែសុំមាន​លក្ខខណ្ឌមួយ

បានផុស

នៅ

នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃពុធថា រដ្ឋាភិបាលរបស់លោកនឹងទទួលយកលទ្ធភាពពង្រីកបន្ថែមទៀតនៃការផ្អាកបាញ់មនុស្សធម៌នៅក្នុងតំបន់ហ្គាហ្សា ប៉ុន្តែលោកក៏សុំភាគីពាក់ព័ន្ធទាំងអស់គោរពតាមលក្ខខណ្ឌរបស់លោកផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Netanyahu បាននិយាយនៅក្នុងសេចក្តីថ្លែងការណ៍ជាវីដេអូមួយដែលត្រូវបានផ្សព្វផ្សាយដោយការិយាល័យនាយករដ្ឋមន្ត្រីថា លោកសុខចិត្តទទួលយកការពង្រីកបន្ថែមទៀតនៃការផ្អាកបាញ់មនុស្សធម៌ ប៉ុន្តែក្រុមហាម៉ាសត្រូវតែដោះលែងចំណាប់ខ្មាំងចំនួន ១០ នាក់ជារៀងរាល់ថ្ងៃជាថ្នូរនឹងសេចក្ដីសម្រេចមួយនេះ ។

ទោះយ៉ាងណា លោកបានសង្កត់ធ្ងន់ថា បន្ទាប់ពីការផ្អាកបាញ់មនុស្សធម៌នេះហើយ អ៊ីស្រាអែលក៏នឹងបន្តប្រតិបត្តិការយោធារបស់ខ្លួន ជាមួយនឹងគោលបំណងចុងក្រោយនោះ គឺកម្ចាត់ក្រុមហាម៉ាសចេញពីផែនដី ហើយចំណាប់ខ្មាំងដែលនៅសេសសល់ទាំងអស់ ត្រូវតែត្រឡប់មកវិញផងដែរ ។

កាលពីសប្តាហ៍មុន អ៊ីស្រាអែល និងក្រុមហាម៉ាសបានប្រកាសបទឈប់បាញ់រយៈពេល ៤ ថ្ងៃដើម្បីដោះដូរអ្នកទោស និងចំណាប់ខ្មាំងមួយចំនួន ក៏ដូចជាអនុញ្ញាតឲ្យផ្ដល់ជំនួយមនុស្សធម៌ទៅកាន់តំបន់ហ្គាហ្សាផងដែរ ។ រហូតដល់ថ្ងៃទី២៧ ខែវិច្ឆិកា កាតាប្រកាសសម្រេចបានកិច្ចព្រមព្រៀងថ្មី ដោយបន្តបទឈប់បាញ់មនុស្សធម៌រយៈពេល ២ ថ្ងៃបន្ថែមទៀត ប៉ុន្តែអស់សុពលភាពកាលពីថ្ងៃពុធ ខណៈក្នុងរយៈពេល ៦ ថ្ងៃកន្លងមកនេះ ក្រុមហាម៉ាសបានដោះលែងជនជាតិអ៊ីស្រាអែល ៩៣ នាក់ និងជនបរទេស ២៤ នាក់ ហើយខាងអ៊ីស្រាអែលបានដោះលែងជនជាតិប៉ាឡេស្ទីនជាង ១៤០ នាក់ ។

គួរបញ្ជាក់ថា កាលពីថ្ងៃទី៧ ខែតុលា ក្រុមប្រដាប់អាវុធប៉ាឡេស្ទីនហាម៉ាសបានបើកការវាយប្រហារដោយបាញ់គ្រាប់រ៉ុកកែតយ៉ាងសន្ធាប់ចេញពីតំបន់ហ្គាហ្សាស្ទ្រីបមកលើទឹកដីនៃប្រទេសអ៊ីស្រាអែល ហើយថែមទាំងបានវាយឆ្មក់ចូលតាមព្រំដែនដោយចាប់ពង្រត់ និងសម្លាប់ពលរដ្ឋអ៊ីស្រាអែលប្រហែល ១,២០០ នាក់ ។

ជាការឆ្លើយតប អ៊ីស្រាអែលបានបើកការវាយប្រហារទាំងតាមផ្លូវអាកាស និងផ្លូវគោកដោយមិនប្រណីដៃទៅលើតំបន់ហ្គាហ្សាស្ទ្រីប រួមទាំងមន្ទីរពេទ្យ កន្លែងស្នាក់នៅ និងវិហារឥស្លាមផងដែរ ដោយរហូតមកដល់ពេលនេះបណ្ដាលឲ្យជនស៊ីវិលលើស ១៥,០០០ នាក់ រួមទាំងកុមារ និងស្ត្រីសរុប ១០,១៥០ នាក់ត្រូវបានសម្លាប់ ។

ក្រៅ​ពី​ចំនួន​អ្នក​ស្លាប់ដ៏ច្រើនសន្ធឹកសន្ធាប់នេះ ក្រសួងសុខាភិបាលដែលគ្រប់គ្រងដោយក្រុមហាម៉ាសបាននិយាយថា ការវាយប្រហារសងសឹករបស់អ៊ីស្រាអែលលើតំបន់ហ្គាហ្សា ក៏បានបណ្ដាលឲ្យមនុស្សជាង ៣៦,០០០ នាក់ រងរបួសផងដែរ ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ លោក Netanyahu ថា អ៊ីស្រាអែល នឹងបោសសម្អាតវិហារឥស្លាមដែល បំពាក់បំប៉នមនោគមវិជ្ជាបែបបំពុល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤៤ នាទី មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ២ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង២ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម៣ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ៣ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម