ប្រទេសអាស៊ីអាគ្នេយ៍មួយទៀតទទួលវ៉ាក់សាំង Sinopharm របស់ចិន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ប្រទេសអាស៊ីអាគ្នេយ៍មួយទៀតទទួលវ៉ាក់សាំង Sinopharm របស់ចិន

Published

on

ក្រសួងសុខាភិបាលព្រុយណេបាននិយាយនៅក្នុងសេចក្តីប្រកាសព័ត៌មានមួយកាលពីថ្ងៃពុធថា ប្រទេសនេះបានទទួលវ៉ាក់សាំងការពារជំងឺកូវីដ ១៩ របស់ក្រុមហ៊ុន Sinopharm ដែលផ្តល់ដោយចិនកាលពីថ្ងៃអង្គារ ហើយកំពុងពិនិត្យមើលយុទ្ធនាការចាក់វ៉ាក់សាំង ។

ក្រសួងបាននិយាយថា ពួកគេកំពុងពិនិត្យឡើងវិញនូវផែនការសម្រាប់ការចែកចាយវ៉ាក់សាំងដោយអនុលោមតាមអាទិភាពដែលបានណែនាំ ។

យោងតាមស្ថានទូតចិនប្រចាំនៅប្រទេសព្រុយណេបានឲ្យដឹងថា រដ្ឋមន្រ្តីក្រសួងការបរទេសលោក Haji Erywan បានចូលរួមពិធីប្រគល់វ៉ាក់សាំងនេះ និងបានជួបពិភាក្សាជាមួយលោកស្រី Yu Hong ឯកអគ្គរដ្ឋទូតចិនប្រចាំព្រុយណេ ។

លោក Haji Erywan បានថ្លែងអំណរគុណចំពោះប្រទេសចិនដោយនិយាយថានេះគឺជាវ៉ាក់សាំងការពារជំងឺកូវីដ ១៩ ដែលទទួលបានដោយព្រុយណេត្រូវបានចាត់ទុកថាជាអំណោយដែលប្រជាជនចិនផ្តល់ជូនប្រជាជនព្រុយណេឆ្លុះបញ្ចាំងពីមិត្តភាពប្រពៃណីយូរអង្វែង និងការទុកចិត្តគ្នាទៅវិញទៅមករវាងប្រទេសទាំងពីរ ។

លោកស្រីឯកអគ្គរដ្ឋទូត Yu Hong បានប្រាប់លោក Haji Erywan ថា ជំនួយវ៉ាក់សាំងការពារជំងឺកូវីដ ១៩ របស់ចិនដល់ព្រុយណេឆ្លុះបញ្ចាំងពីកម្រិតខ្ពស់បំផុតនៃកិច្ចសហប្រតិបត្តិការទ្វេភាគីប្រឆាំងនឹងរោគរាតត្បាតកូវីដ ១៩ ។

លោកស្រី Yu បានសម្តែងក្តីសង្ឃឹមថា ជំនួយវ៉ាក់សាំងនេះនឹងជួយរួមចំណែកដល់ជ័យជម្នះចុងក្រោយរបស់ប្រទេសព្រុយណេក្នុងការប្រយុទ្ធប្រឆាំងនឹងការរីករាលដាលនៃជំងឺកូវីដ ១៩ ។

គួរបញ្ជាក់ថា គិតត្រឹមពេលនេះប្រទេសព្រុយណេមានករណីឆ្លងជំងឺកូវីដ ១៩ ចំនួន ១៨៣ ករណី និងមានអ្នកស្លាប់ ៣ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ លម្អិតលក្ខណៈពិសេសយន្តហោះខ្នាតយក្សដឹកវ៉ាក់សាំងកូវីដ ១៩ របស់យោធាចិនមកកម្ពុជា ម្សិលមិញ

ចុចអាន ៖ វ៉ាក់សាំងកូវីដរបស់ក្រុមហ៊ុនចិន Sinopharm មានសុវត្ថិភាពសម្រាប់ក្រុមមនុស្ស ២ ប្រភេទនេះ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services