ព័ត៌មានអន្ដរជាតិ
ប៉ូលិសចាប់ឃុំខ្លួនបុរសម្នាក់ទៀត សង្ស័យឃុបឃិតជាមួយជនដៃដល់ហក់ចាក់ ក មេបក្សប្រឆាំង កូរ៉េខាងត្បូង
ទីភ្នាក់ងារព័ត៌មាន Yonhap បានចុះផ្សាយថា ប៉ូលិសបានចាប់ឃុំខ្លួនបុរសម្នាក់ទៀតវ័យ ៧០ ឆ្នាំក្រោមបទសង្ស័យឃុបឃិត និងសមគំនិតជាមួយជនដៃដល់ក្នុងការវាយប្រហារចាក់កញ្ចឹង ក លោក Lee Jae-myung មេបក្សប្រឆាំងដ៏ធំបំផុតរបស់កូរ៉េខាងត្បូងកាលពីសប្ដាហ៍មុន ។
មន្ត្រីប៉ូលិសទីក្រុង Busan បានដាក់ឃុំខ្លួនបុរសរូបនេះជាបណ្ដោះអាសន្នក្រោមបទសង្ស័យជួយលាក់បាំងការប្រព្រឹត្តបទល្មើសរបស់ជនដៃដល់នាមត្រកូល Kim ដែលមានវ័យ ៦៧ ឆ្នាំ ទោះបីជាជនសង្ស័យបានដឹងពីគម្រោងការប៉ុនប៉ងធ្វើឃាតនេះហើយក៏ដោយ ហើយប៉ូលិសក៏សុំរក្សាសិទ្ធិមិនទាន់បញ្ចេញអត្តសញ្ញាណជនសង្ស័យរូបនេះផងដែរ ។
ទន្ទឹមនោះ មុនពេលប្រព្រឹត្តបទល្មើស ជនដៃដល់នាមត្រកូល Kim ក៏បានសរសេរ “លិខិតសូមទោស” មួយច្បាប់ផងដែរ ដើម្បីរ៉ាយរ៉ាប់ពីមូលហេតុនៃការធ្វើសកម្មភាព និងជំនឿនយោបាយរបស់ខ្លួន ហើយបន្ទាប់មកជនសង្ស័យវ័យ ៧០ ឆ្នាំខាងលើក៏បានព្រមព្រៀងទទួលយក និងដាក់ចិត្តដាក់កាយផ្ញើសំបុត្រនេះជំនួសជនដៃដល់ ទៅតាមទីតាំងដែលបានកំណត់ ។
ពាក់ព័ន្ធនឹងជំនឿនយោបាយនេះដែរ ជនដៃដល់មានការថ្នាំងថ្នាក់ចិត្ត និងខឹងសម្បារយ៉ាងខ្លាំងចំពោះលោក Lee រួមជាមួយនឹងបញ្ហាស្ថានភាពនយោបាយ និងសេដ្ឋកិច្ចរបស់ប្រទេសជាតិផង ។ ក្នុងលិខិតនោះជនដៃដល់ដែលមាននាមត្រកូល Kim បានសរសេររ៉ាយរ៉ាប់ថា សេដ្ឋកិច្ចជាតិរបស់កូរ៉េខាងត្បូងនឹងត្រូវដួលរលំ មិនថាអ្នកណាឈ្នះការបោះឆ្នោតជ្រើសរើសប្រធានាធិបតីកាលពីខែមីនា ឆ្នាំ២០២២ នោះទេ ។
គួរបញ្ជាក់ថា លោក Lee Jae-myung មេដឹកនាំគណបក្សប្រជាធិបតេយ្យដែលជាបក្សប្រឆាំងដ៏ធំបំផុតរបស់កូរ៉េខាងត្បូងត្រូវបានជនដៃដល់នាមត្រកូល Kim ដកកាំបិតហក់ទៅចាក់កញ្ចឹង ក ខាងឆ្វេងកាលពីពេលវេលាម៉ោង ១០ និង ២៧ នាទីព្រឹកថ្ងៃទី២ ខែមករា ឆ្នាំ២០២៤ នៅពេលដែលអ្នកនយោបាយវ័យ ៥៩ ឆ្នាំរូបនេះចុះទៅទីក្រុងកំពង់ផែ Busan ហើយជនដៃដល់ក៏ត្រូវចាប់ខ្លួននៅនឹងកន្លែងផងដែរ ខណៈបច្ចុប្បន្នតុលាការកំពុងរង់ចាំព័ស្តុតាងពីការស៊ើបអង្កេតរបស់ប៉ូលិសដើម្បីចេញការចោទប្រកាន់ជាផ្លូវការ ៕
ប្រែសម្រួលដោយ ៖ ជីវ័ន្ត
ចុចអាន ៖ ហេតុអ្វីបានជាប៉ូលិសមិនទាន់បញ្ចេញឈ្មោះពេញជនដៃដល់ហក់ចាក់កញ្ចឹង ក មេបក្សប្រឆាំង កូរ៉េខាងត្បូង?
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត