Connect with us

ព័ត៌មានអន្ដរជាតិ

វិស័យអចលនទ្រព្យនៅ វៀតណាម កំពុងដាំក្បាលចុះក្រោម ត្រឹមខែមករា បិទទ្វារ ២ ពាន់កន្លែង

បានផុស

នៅ

វិស័យអចលនទ្រព្យរបស់វៀតណាមចំនួន ២ ពាន់កន្លែងបានបិទទ្វារបញ្ឈប់ប្រតិបត្តិការជាបណ្ដោះអាសន្នត្រឹមតែក្នុងខែមករា ឆ្នាំ២០២៤ ពោលស្មើនឹង ១៣៨ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន ។ នេះបើយោងតាមការចេញផ្សាយដោយសារព័ត៌មាន Vietnam News កាលពីដើមសប្ដាហ៍កន្លងមក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទិន្នន័យនៅក្នុងរបាយការណ៍ស្តីពីស្ថានភាពសេដ្ឋកិច្ចសង្គមក្នុងខែមករា ឆ្នាំ ២០២៤ ដែលចេញដោយការិយាល័យស្ថិតិទូទៅបានឲ្យដឹងថា ចំនួនសហគ្រាសដែលប្រកាសក្ស័យធនមានចំនួន ១៤៩ ស្មើនឹង ៩៧.៤ ភាគរយ បើប្រៀបធៀបនឹងឆ្នាំមុន ខណៈនៅក្នុងខែមករា វៀតណាមទាំងមូលមានអាជីវកម្មអចលនទ្រព្យទើបបង្កើតថ្មីចំនួន ៣៤២ ស្មើនឹង ១០១.២ ភាគរយ បើធៀបនឹងរយៈពេលដូចគ្នាក្នុងឆ្នាំ ២០២២ ។

ទោះបីជាយ៉ាងណាក៏ដោយ អំឡុងពេលនេះក៏មានអាជីវកម្មអចលនទ្រព្យបើកដំណើរការឡើងវិញផងដែរ ក្នុងនោះមានសហគ្រាសចំនួន ៦៤៥ ស្មើនឹង ១២៩.៣ ភាគរយ បើប្រៀបធៀបនឹងឆ្នាំមុន បន្ទាប់ពីអាជីវកម្ម​អចលន​ទ្រព្យ​ជួបវិបត្តិ​ជា​ច្រើន​កាល​ពី​ឆ្នាំ​មុន ស្របពេលចំនួន​អាជីវកម្ម​​ទើប​បង្កើត​ថ្មី​ដែល​កំពុង​ប្រតិបត្តិការ​ក្នុង​វិស័យ​អចលន​ទ្រព្យ​មាន​ត្រឹមតែ​ ៤,៧២៥ ​ប៉ុណ្ណោះ ដោយ​ថយ​ចុះ​ជាង ​៤៥ ភាគរយ ​បើ​ធៀប​នឹង​ឆ្នាំ​ ២០២២ ។

ទន្ទឹមនឹងនោះ ចំនួនអាជីវកម្មដែលត្រូវរលាយ និងបញ្ឈប់តាមរយៈពេលកំណត់គឺមានជិត ៥,០០០ អាជីវកម្ម កើនឡើង ៥៥ ភាគរយ បើប្រៀបធៀបទៅនឹងឆ្នាំមុន ស្របពេលដែលការកាត់បន្ថយបុគ្គលិកនៅក្នុងអាជីវកម្មអចលនវត្ថុនៅតែកើតមានឡើងទាំងក្នុងអាជីវកម្មខ្នាតតូច និងខ្នាតធំ ។

ទាក់ទិននឹងស្ថានភាពទាក់ទាញទុនវិនិយោគពីបរទេសវិញ យោងរបាយការណ៍របស់ទីភ្នាក់ងារវិនិយោគបរទេសនៃក្រសួងផែនការ និងវិនិយោគបានឲ្យដឹងថា ឧស្សាហកម្មអាជីវកម្មអចលនទ្រព្យជាប់ចំណាត់ថ្នាក់លេខ ១ ដែលមានដើមទុនវិនិយោគសរុបកើនដល់ជាង ១.២៧ ពាន់លានដុល្លារ គិតត្រឹមថ្ងៃទី២០ ខែមករា ស្មើនឹង ៥៣.៩ ភាគរយនៃដើមទុនវិនិយោគដែលបានចុះបញ្ជីសរុប និងខ្ពស់ជាងរយៈពេលដូចគ្នា ២ ដង ។

ចំណែកឧស្សាហកម្មអចលនទ្រព្យជាប់ចំណាត់ថ្នាក់លេខ២ ក្នុងការទាក់ទាញមូលធនបរទេសកាលពីឆ្នាំមុន ជាមួយនឹងទុនវិនិយោគសរុបជិត ៤.៦៧ ពាន់លានដុល្លារ ដែលស្មើនឹងជាង ១២.៧ ភាគរយនៃទុនវិនិយោគដែលបានចុះបញ្ជីសរុប កើនឡើង ៤.៨ ភាគរយ បើធៀបនឹងឆ្នាំមុន ៕

ដោយ ៖ សុខ ជីវ័ន្ត

ចុចអាន ៖ មេធាវី ថៃ គាស់កកាយរឿងជិតមួយទសវត្សរ៍មុន ប្ដឹងលោក ថាក់ស៊ីន ពីបទ ប្រមាថព្រះមហាក្សត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៧ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

កីឡា២ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

ជីវិតកម្សាន្ដ៦ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

ចរាចរណ៍១ ថ្ងៃ មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

ជីវិតកម្សាន្ដ៣ ថ្ងៃ មុន

តួឆ្នាស​ Natinee ​ប្រកាសរៀប​​មង្គលការជាមួយស្វាមី ​ក្រោយ​ពន្យារ​ពេល​ជិត៤​ឆ្នាំ

Sokha Hotels

ព័ត៌មានពេញនិយម