ព័ត៌មានអន្ដរជាតិ
អង្គការណាសា កំពុងជ្រើសរើសមនុស្ស បញ្ជូនទៅឋានព្រះចន្ទ
តាមការចុះផ្សាយរបស់គេហទំព័រ Space.com កាលពីថ្ងៃពុធទី៦ខែមីនា, អង្គការណាសា កំពុងជ្រើសរើសបេក្ខជនឲ្យចូលរួមក្រុមមួយ ដើម្បីធ្វើដំណើរទៅរុករកនៅឋានព្រះចន្ទ ឬអាចធា្លយដល់ភពអង្គារទៀតផង។
ពាក់ព័ន្ធការជ្រើសរើសនេះដែរ អង្គការណាសា បានដាក់លក្ខខណ្ឌថា បេក្ខជនដាក់ពាក្យ ត្រូវតែជាជនជាតិអាមេរិកមានជំនាញខាងអវកាស រៀនចប់ថ្នាក់អនុបណ្ឌិតផ្នែកវិទ្យាសាស្ត្រ បច្ចេកវិទ្យា វិស្វកម្ម ឬគណិតវិទ្យា មានបទពិសោធន៍វិជ្ជាជីវៈផ្នែកវេជ្ជសាស្រ្តរយៈពេលបីឆ្នាំ ឬឆ្លងកាត់ការបើកយន្តហោះរយៈពេល១០០០ម៉ោង និងមានរាងកាយមាំមួន។
សម្រាប់ការដាក់ពាក្យ ណាសា នឹងបើកទទួលចាប់ពីថ្ងៃ២ខែមេសាទៅ ហើយព័ត៌មានលម្អិតសូមចូលទៅមើលគេហទំព័ររបស់ទីភ្នាក់ងារនេះផ្ទាល់គឺ www.nasa.gov។
មន្ត្រីអង្គការ NASA បានសរសេរនៅក្នុងសេចក្តីប្រកាសថា “អវកាសយានិក នឹងរុករកហើយធ្វើពិសោធន៍កន្លែងដែលមនុស្សមិនធ្លាប់ទៅ ពោលគឺនៅប៉ូលខាងត្បូងនៃព្រះចន្ទ។ ជាមួយនឹងផែនការរបស់ណាសាសម្រាប់ការរុករកនាថ្ងៃអនាគត, អវកាសយានិកថ្មីដែលជ្រើសរើសបាន នឹងហោះហើរទៅឆ្ងាយជាងអ្នកមុនៗ ហើយអាចជាក្រុមមនុស្សដំបូងគេ ដែលហោះហើរទៅដល់ភពព្រះអង្គារទៀតផង”។
សូមបញ្ជាក់ លើកចុងក្រោយដែលណាសា ជ្រើសរើសបានបេក្ខជនអវកាសយានិក គឺក្នុងឆ្នាំ ២០២១ ដែលកាលនោះមានមនុស្សជាង១២០០០នាក់បានដាក់ពាក្យ។ ទោះបីជាយ៉ាងណាក៏ដោយ ចំនួនបេក្ខជនចុងក្រោយដែលណាសាជ្រើសរើសបាន គឺកំណត់យកត្រឹម១០នាក់ប៉ុណ្ណោះ។
អ្នកជ្រើសរើសបាន នឹងត្រូវឆ្លងកាត់ការបណ្តុះបណ្តាលជំនាញអវកាសយានិកជាមូលដ្ឋានសិនដូចជា ការដើរលើលំហ ប្រតិបត្តិការស្ថានីយអវកាស ការបើកយាន T-38 និងការគ្រប់គ្រងដៃមនុស្សយន្ត មុនពេលណាសា បញ្ជូនពូកគេទៅឋានព្រះចន្ទ៕
អត្ថបទ៖ សុខ សុវណ្ណ
ចុចអាន៖ អង្គការណាសា ប្រកាសជ្រើសរើសអ្នកស្ម័គ្រចិត្ត ទៅរស់នៅភពអង្គារសិប្បនិម្មិត
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា