ព័ត៌មានអន្ដរជាតិ

រុស្ស៊ីគ្រោងបង្កើតរោងចក្រថាមពលនុយក្លេអ៊ែរនៅលើឋានព្រះចន្ទនៅឆ្នាំ២០៣៦

បានផុស

៧ ខែ មុន

នៅ

ថ្ងៃពុធ ២៤ ធ្នូ ២០២៥

ដោយ

រុស្ស៊ីគ្រោងនឹងដាក់ដំណើរការរោងចក្រថាមពលនុយក្លេអ៊ែរនៅលើឋានព្រះចន្ទក្នុងមួយទសវត្សរ៍ក្រោយ ដើម្បីផ្គត់ផ្គង់ថាមពលលើយានអវកាសរបស់ខ្លួន ដែលជាស្ថានីយ៍ស្រាវជ្រាវរួមរុស្ស៊ីនិងចិន ខណៈមហាអំណាចធំៗប្រញាប់រុករកផ្កាយរណបធម្មជាតិតែមួយគត់របស់ភពផែនដី។ នេះបើតាមសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីអាកាសយានិកសូវៀត លោក Yuri Gagarin បានក្លាយជាមនុស្សដំបូងគេដែលបានឡើងទៅកាន់ទីអវកាសក្នុងឆ្នាំ១៩៦១ ប្រទេសរុស្ស៊ីមានអំណួតថា ខ្លួនជាមហាអំណាចឈានមុខគេក្នុងការរុករកនៅឯទីអវកាស ប៉ុន្តែក្នុងរយៈពេលថ្មីៗនេះ រុស្ស៊ីបានធ្លាក់ចុះវិញ ក្រោយសហរដ្ឋអាមេរិក និងចិនកាន់តែមានអំណាចខ្លាំងជាង។

មហិច្ឆតារបស់រុស្ស៊ីបានរងការវាយប្រហារយ៉ាងខ្លាំងនៅក្នុងខែសីហា ឆ្នាំ២០២៣ នៅពេលដែលបេសកកម្មយន្តហោះ Luna-២៥ គ្មានមនុស្សបើករបស់ខ្លួនបានបុកទៅលើផ្ទៃភពព្រះចន្ទ ខណៈដែលព្យាយាមចុះចត។ ចំណែកលោក Elon Musk បានដំណើរការបង្ហោះយានអវកាសរបស់ខ្លួនជំនួសវិញ ដែលនេះធ្លាប់ជាជំនាញរបស់ប្រទេសរុស្ស៊ី។

ក្រុមហ៊ុនអវកាសរដ្ឋរបស់រុស្ស៊ី Roscosmos បាននិយាយនៅក្នុងសេចក្តីថ្លែងការណ៍មួយថា ខ្លួនគ្រោងនឹងសាងសង់រោងចក្រថាមពលនៅលើភពព្រះចន្ទនៅឆ្នាំ២០៣៦ និងបានចុះហត្ថលេខាលើកិច្ចសន្យាជាមួយក្រុមហ៊ុនអាកាសចរណ៍ Lavochkin Association ដើម្បីធ្វើវា។

ក្រុមហ៊ុន Roscosmos បាននិយាយថា គោលបំណងនៃការបង្កើតរោងចក្រនេះគឺដើម្បីផ្តល់ថាមពលតាមរយៈកម្មវិធីចន្ទគតិរបស់រុស្ស៊ី រួមទាំងរថយន្តរ៉ូវ័រ (rovers) ដែលជាកន្លែងសង្កេត និងហេដ្ឋារចនាសម្ព័ន្ធនៃស្ថានីយស្រាវជ្រាវភពព្រះចន្ទអន្តរជាតិរួមរុស្ស៊ី-ចិនផងដែរ។

ក្រុមហ៊ុន Roscosmos បន្តថា៖«គម្រោងនេះគឺជាជំហានដ៏សំខាន់មួយឆ្ពោះទៅរកការបង្កើតស្ថានីយ៍តាមរយៈព្រះចន្ទ និងជាវិទ្យាសាស្ត្រដែលដំណើរការជាអចិន្ត្រៃយ៍ ហើយផ្លាស់ប្តូរពីបេសកកម្មក្នុងរយៈពេលខ្លី ទៅជាកម្មវិធីរុករកតាមព្រះចន្ទក្នុងរយៈពេលវែង»។

ប្រធានរបស់ក្រុមហ៊ុនអវកាស Roscosmos លោក Dmitry Bakanov បាននិយាយកាលពីខែមិថុនាថា៖«គោលបំណងតែមួយរបស់យើងគឺដើម្បីដាក់រោងចក្រថាមពលនុយក្លេអ៊ែរនៅលើព្រះចន្ទ និងដើម្បីស្វែងយល់ពីភព Venus ដែលត្រូវបានគេស្គាល់ថាជាភព «បងប្អូនស្រី» របស់ផែនដី។

ព្រះចន្ទស្ថិតនៅចម្ងាយ ៣៨៤,៤០០គីឡូម៉ែត្រ ពីភពផែនដី ដើម្បីសម្រួលនៃការវិលជុំវិញរបស់ផែនដីលើអ័ក្សរបស់វា ដែលធានាបាននូវអាកាសធាតុមានស្ថេរភាពជាងមុន។ វាក៏បណ្តាលឱ្យមានខ្យល់ជំនោរនៅក្នុងមហាសមុទ្រពិភពលោកផងដែរ៕

ប្រែសម្រួល៖ ណឺ មិនា