ព័ត៌មានអន្ដរជាតិ
អ៊ីស្រាអែល យល់ព្រមដោះលែងអ្នកទោសប៉ាឡេស្ទីន ៧០០នាក់
តាមសេចក្តីរាយការណ៍របស់ប្រព័ន្ធផ្សព្វផ្សាយអ៊ីស្រាអែលដោយដកស្រង់ប្រភពផ្លូវការ, ទីក្រុងហ្ស៊េរុយសាឡិម បានយល់ព្រមដោះលែងអ្នកទោសប៉ាឡេស្ទីនចន្លោះពី៧០០ទៅ៨០០នាក់ ជាថ្នូរនឹងចំណាប់ខ្មាំង៤០នាក់ ដែលកំពុងស្ថិតក្នុងដៃក្រុមហាម៉ាស ហើយប្រសិនបើរឿងនេះជោគជ័យមែននោះ ការដោះដូរនេះនឹងក្លាយជាផ្នែកមួយនៃកិច្ចព្រមព្រៀងបទឈប់បាញ់អ៊ីស្រាអែល-ហាម៉ាស ដែលសម្របសម្រួលដោយសហរដ្ឋអាមេរិក។
យោងតាម Channel 12 និងគេហទំព័រព័ត៌មាន Walla ចុះផ្សាយនៅថ្ងៃចន្ទទី២៥ខែមីនា បានឲ្យដឹងថា ក្រុមអ្នកទោសដែលអ៊ីស្រាអែលសុខចិត្តដោះលែង ក៏រួមមានអ្នកទោសឃាតកម្មចំនួន១០០នាក់ផងដែរ។
ស្របពេលជាមួយគ្នានោះ ក៏មានសេចក្តីរាយការណ៍ដែរថា អ៊ីស្រាអែល ត្រៀមខ្លួនរួចជាស្រេចដើម្បីពិភាក្សាអំពីការអនុញ្ញាតឲ្យជនភៀសខ្លួនប៉ាឡេស្ទីន វិលត្រលប់ទៅភាគខាងជើងតំបន់ហ្គាហ្សាវិញ។
គេនៅចាំមិនភ្លេចថា លោកនាយករដ្ឋមន្ត្រី Benjamin Netanyahu ធ្លាប់ច្រានចោលសំណើបទឈប់បាញ់ និងការដោះដូរអ្នកទោស របស់ក្រុមហាម៉ាស ដោយទទូចថា កងកម្លាំងការពារអ៊ីស្រាអែល (IDF) ប្តេជ្ញាលុបបំបាត់វត្តមានរបស់ក្រុមសកម្មប្រយុទ្ធនេះនៅតំបន់ហ្គាហ្សា ទាំងស្រុង។
តាមសេចក្តីរាយការណ៍ គណៈប្រតិភូអ៊ីស្រាអែល បានជួបជាមួយនាយក CIA លោក William Burns ក្នុងប្រទេសកាតា កាលពីថ្ងៃសៅរ៍ ដើម្បីធ្វើយ៉ាងណា ត្រូវបញ្ចុះបញ្ចូល IDF ឲ្យបញ្ឈប់ការវាយលុករបស់ខ្លួននៅទីក្រុង Rafah ភាគខាងត្បូងតំបន់ហ្គាហ្សា ដែលជាជម្រកជនភៀសខ្លួនឲ្យខានតែបាន។
សូមជម្រាបជាថ្មី អ៊ីស្រាអែល បានប្រកាសសង្រ្គាមលើក្រុមហាម៉ាស កាលពីថ្ងៃទី៧ខែតុលាឆ្នាំ២០២៣ បន្ទាប់ពីចលនាសកម្មប្រយុទ្ធប៉ាឡេស្ទីនមួយនេះ បើកការវាយឆ្មក់ឆ្លងដែន ដោយសម្លាប់មនុស្សជាង១ ១០០នាក់និងចាប់២៥០នាក់ទៀត ធ្វើជាចំណាប់ខ្មាំង។
យ៉ាងណា មនុស្សរាប់សិបនាក់ ត្រូវបានដោះលែងវិញជាបន្តបន្ទាប់ តាមរយៈកិច្ចព្រមព្រៀងដោះដូរគ្នា អំឡុងពេលមានបទឈប់បាញ់មួយសប្តាហ៍ក្នុងខែវិច្ឆិកា ប៉ុន្តែបើយោងតាមការអះអាងពីមន្ត្រីអ៊ីស្រាអែល, ចំណាប់ខ្មាំងប្រហែល១៣០នាក់ទៀត នៅតែជាប់ឃុំក្នុងតំបន់ហ្គាហ្សា នៅឡើយ។
ចំណែកបើយោងតាមសេវាសុខភាពដែលគ្រប់គ្រងដោយក្រុមហាម៉ាស, ប្រជាជនប៉ាឡេស្ទីនជាង៣០ ០០០នាក់ ត្រូវបានសម្លាប់ក្នុងយុទ្ធនាការទម្លាក់គ្រាប់បែកនិងប្រតិបត្តិការជើងគោកសងសឹករបស់អ៊ីស្រាអែលទៅលើតំបន់ហ្គាហ្សា៕
អត្ថបទ៖ សុខ សុវណ្ណ
ចុចអាន៖ អ៊ីស្រាអែល យកការបង្អត់អាហារធ្វើអាវុធ, អាចជា “ឧក្រិដ្ឋកម្មសង្គ្រាម”
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច១ សប្តាហ៍ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល