ព័ត៌មានអន្ដរជាតិ
អ៊ីស្រាអែល យកការបង្អត់អាហារធ្វើអាវុធ, អាចជា “ឧក្រិដ្ឋកម្មសង្គ្រាម”
អង្គការសហប្រជាជាតិ (UN) និយាយកាលពីថ្ងៃអង្គារទី១៩ខែមីនាថា ការរឹតត្បិតឥតបន្ធូរដៃរបស់អ៊ីស្រាអែល មិនឲ្យជំនួយចូលទៅកាន់តំបន់ហ្គាហ្សាដែលកំពុងរងការបំផ្លិចបំផ្លាញដោយសង្រ្គាម គួបផ្សំនឹងការវាយលុកយោធារបស់ខ្លួន គឺអាចស្មើនឹងការប្រើប្រាស់ការបង្អត់អាហារធ្វើជា “អាវុធនៃសង្គ្រាម” ដោយបង្កទៅជា “ឧក្រិដ្ឋកម្មសង្គ្រាម” ទៀតផង។
![](https://www.kampucheathmey.com/wp-content/uploads/2024/03/image-1018.png)
ប្រធានផ្នែកសិទ្ធិមនុស្សរបស់ UN លោក Volker Turk បានថ្កោលទោសចំពោះអ្នកទទួលខុសត្រូវបង្កភាពអត់ឃ្លាន និងគ្រោះទុរ្ភិក្សនៅតំបន់ហ្គាហ្សា ដោយនិយាយថា “ស្ថានភាពទាំងនេះ គឺជាលទ្ធផលនៃការរឹតបន្តឹងមិនលែងដៃរបស់អ៊ីស្រាអែល លើការដឹកចូលនិងចែកចាយជំនួយមនុស្សធម៌ និងទំនិញពាណិជ្ជកម្ម។ វាត្រូវបានផ្សារភ្ជាប់ទៅនឹង ការជម្លៀសរបស់ប្រជាជនភាគច្រើន ក៏ដូចជាការបំផ្លិចបំផ្លាញហេដ្ឋារចនាសម្ព័ន្ធស៊ីវិលសំខាន់ៗផងដែរ។
លោកគូសបញ្ជាក់ថា “វិសាលភាពនៃការរឹតបន្តឹងជាបន្តរបស់អ៊ីស្រាអែល ដែលមិនអនុញ្ញាតឲ្យជំនួយចូលទៅដល់តំបន់ហ្គាហ្សា រួមជាមួយវិធីដែលខ្លួនធ្វើប្រតិបត្តិការ គឺអាចស្មើនឹងការប្រើប្រាស់ភាពអត់ឃ្លានយកធ្វើជាវិធីសាស្រ្តនៃសង្រ្គាម ឈានដល់ក្លាយជាឧក្រិដ្ឋកម្មសង្គ្រាមទៀតផង។
![](https://www.kampucheathmey.com/wp-content/uploads/2024/03/image-1019-1024x576.png)
សេចក្តីអត្ថាធិប្បាយនេះកើតឡើង បន្ទាប់ពីការវាយតម្លៃអំពីសន្តិសុខស្បៀង ដែលគាំទ្រដោយ UN បានកំណត់ថា ទឹកដីប៉ាឡេស្ទីនដែលហែកហួរដោយសង្រ្គាម កំពុងប្រឈមនឹងគ្រោះទុរ្ភិក្សធ្ងន់ធ្ងរ។
ការវាយតម្លៃព្រមានថា សង្រ្គាមដ៏សាហាវចាប់តាំងពីការវាយប្រហារថ្ងៃទី៧ខែតុលាឆ្នាំ២០២៣ របស់ក្រុមហាម៉ាសលើប្រទេសអ៊ីស្រាអែល បានបណ្តាលឲ្យពលរដ្ឋហ្គាហ្សាប្រហែលពាក់កណ្តាល ពោលគឺប្រមាណ១.១លាននាក់ ត្រូវជួបប្រទះនឹងភាពអត់ឃ្លានដ៏មហន្តរាយជាទីបំផុត ហើយប្រសិនបើគ្មានជំនួយបន្ថែមទេ គ្រោះទុរ្ភិក្សនឹងបង្កទុក្ខវេទនាដល់មនុស្ស៣០០ ០០០នាក់នៅហ្គាហ្សា ត្រឹមខែឧសភាខាងមុខនេះ។
![](https://www.kampucheathmey.com/wp-content/uploads/2024/03/image-1020.png)
យោងតាមតួលេខផ្លូវការរបស់ AFP, មនុស្សប្រហែល១ ១៦០នាក់ ភាគច្រើនជាជនស៊ីវិល ត្រូវបានសម្លាប់ក្នុងប្រទេសអ៊ីស្រាអែល នៅពេលក្រុមហាម៉ាស បើកការវាយប្រហារយ៉ាងសាហាវមិនធ្លាប់មាន កាលពីថ្ងៃទី៧ខែតុលាឆ្នាំ២០២៣។ មិនត្រឹមប៉ុណ្ណឹង ក្រុមសកម្មប្រយុទ្ធប៉ាឡេស្ទីននេះ ក៏បានចាប់ចំណាប់ខ្មាំងប្រហែល ២៥០ នាក់ផងដែរ។
ទោះបីជាយ៉ាងណាក៏ដោយ អ៊ីស្រាអែលបានសងសឹកវិញ ដោយសម្លាប់មនុស្សជាង ៣១ ៨០០នាក់ ដែលភាគច្រើនជាស្ត្រី និងកុមារ៕
អត្ថបទ៖ សុខ សុវណ្ណ
ចុចអាន៖ អាមេរិក ព្រមានអ៊ីស្រាអែល ជាសាធារណៈ កុំលុកលុយទីក្រុង Rafah ឲ្យសោះ
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ