ព័ត៌មានអន្ដរជាតិ
លោក Zelensky ចុះហត្ថលេខាលើច្បាប់កែប្រែការចូលបម្រើទ័ព
ប្រធានាធិបតីអ៊ុយក្រែនលោក Volodymyr Zelensky បានចុះហត្ថលេខាលើក្រឹត្យមួយដែលជាច្បាប់ផ្លាស់ប្តូរការចូលបម្រើទ័ពរបស់ប្រទេស ។ នេះបើយោងតាមការចេញផ្សាយរបស់សារព័ត៌មាន Al Jazeera កាលពីថ្ងៃទី១៦ ខែមេសាកន្លងទៅ ។

ច្បាប់ថ្មីនេះបានកំណត់នូវតម្រូវការថ្មីមួយសម្រាប់បុរសទាំងអស់ដែលមានអាយុចន្លោះពី ១៨ ទៅ ៦០ ឆ្នាំចុះឈ្មោះធ្វើជាយោធាអ៊ុយក្រែន ខណៈរដ្ឋាភិបាលនិយាយថា គោលបំណងនេះគឺធ្វើឲ្យដំណើរការជ្រើសរើសបុគ្គលិកកាន់តែមានប្រសិទ្ធភាព និងតម្លាភាព ហើយច្បាប់នេះក៏មិនមានបទប្បញ្ញត្តិរំសាយទាហានដែលបានចំណាយពេលប្រយុទ្ធជាយូរមកហើយនោះដែរ ។
ច្បាប់នេះត្រូវបានសមាជិកសភាអ៊ុយក្រែនជជែកគ្នាអស់ជាច្រើនខែថាតើត្រូវអនុញ្ញាតឲ្យទាហានអ៊ុយក្រែនដែលបម្រើលើសមរភូមិយូរមកហើយមានឱកាសវិលត្រលប់មកមាតុប្រទេសវិញឬយ៉ាងណា ប៉ុន្តែការវាយលុកជាថ្មីរបស់រុស្ស៊ីមិនអាចមានលទ្ធភាពអនុញ្ញាតឲ្យទាហានដែលបម្រើការយូរបានសម្រាកនោះទេ ។

មុននឹងឈានដល់ការសម្រេចលើសេចក្តីព្រាងច្បាប់នេះត្រូវបានធ្វើវិសោធនកម្មច្រើនជាង ៤,០០០ ដង ចាប់តាំងពីវាត្រូវបានស្នើជាលើកដំបូង ប៉ុន្តែនៅទីបំផុតសភាអ៊ុយក្រែនបានលុបចោលផែនការសម្រាប់ការដកទ័ព បើទោះបីជាបម្រើការយូរយារណាស់មកហើយក៏ដោយ ដើម្បីរក្សាទាហានឲ្យបានច្រើននៅសមរភូមិជួរមុខ ដែលធ្វើឲ្យគ្រួសារអ៊ុយក្រែនជាច្រើនខកចិត្ត ព្រោះច្បាប់មុនៗកំណត់ថា ការចូលបម្រើទ័ពគឺរយៈពេល ៣ ប៉ុណ្ណោះ ។
គួរបញ្ជាក់ថា ការចុះហត្ថលេខាលើច្បាប់ថ្មីនេះរបស់លោក Zelensky បានកើតឡើងភ្លាមៗ បន្ទាប់ពីមេបញ្ជាការអ៊ុយក្រែននៅសមរភូមិជួរមុខប៉ែកខាងកើតបានព្រមានថា ទាហានរុស្ស៊ីមានចំនួនច្រើនជាងអ៊ុយក្រែនរហូតដល់ ១០ ដងឯណោះ ។ យ៉ាងណាមិញបន្ទាប់ពីច្បាប់នេះបានអនុម័តកាលពីសប្តាហ៍មុន ប្រពន្ធ និងសាច់ញាតិរបស់ទាហានរាប់សិបនាក់បានប្រមូលផ្តុំគ្នានៅខាងក្រៅសភារបស់ប្រទេសអ៊ុយក្រែនដើម្បីតវ៉ា និងទាមទារឲ្យបញ្ចូលរយៈពេលកំណត់នៃការបម្រើទ័ព ៕

អត្ថបទ ៖ ប៊ុន សុភាព

-
ព័ត៌មានជាតិ១៨ ម៉ោង ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៤ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៦ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៦ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៤ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២០ ម៉ោង ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន
-
សន្តិសុខសង្គម៦ ថ្ងៃ ago
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ