ព័ត៌មានអន្ដរជាតិ
ផ្ទុះឆេះឃ្លាំងស្តុកសារធាតុគីមីពុលនៅខេត្តភាគកណ្ដាល ថៃ អាជ្ញាធរដាក់ការសង្ស័យមកពីអាកាសធាតុក្ដៅខ្លាំង
ឃ្លាំងស្តុកសារធាតុគីមីពុល និងកាកសំណល់ឧស្សាហកម្មនៅក្នុងស្រុក Phachi នៃខេត្តអយុធ្យាប្រទេសថៃកាលពីថ្ងៃពុធបានផ្ទុះឆាបឆេះយ៉ាងសន្ធោរសន្ធៅ ដោយបង្ខំឲ្យជម្លៀសអ្នកជំងឺក្នុងមន្ទីរពេទ្យស្រុក និងប្រជាពលរដ្ឋដែលរស់នៅជុំវិញឃ្លាំងនោះ ។ នេះបើយោងតាមការចេញផ្សាយដោយសារព័ត៌មាន Thai PBS នៅថ្ងៃទី២ ខែឧសភានេះ ។
អ្នកស្រុកបានឮស្នូរផ្ទុះបន្តកន្ទុយគ្នា ហើយក្រោយមកអណ្ដាតភ្លើង និងផ្សែងខ្មៅខ្មួលខ្មាញ់ត្រូវបានគេមើលឃើញហុយឡើងលើមេឃក្នុងភូមិទី ២ នៃស្រុក Phachi ហើយមន្ត្រីសាលាស្រុកបានណែនាំដល់ប្រជាពលរដ្ឋដែលរស់នៅក្នុងតំបន់កើតហេតុត្រូវពាក់ម៉ាស និងនៅក្រៅផ្ទះ ខណៈលោកអភិបាលខេត្តក៏បានបញ្ជាឲ្យផ្ទេរអ្នកជំងឺប្រមាណ ៤០ នាក់ចេញពីមន្ទីរពេទ្យ Phachi ទៅមន្ទីរពេទ្យផ្សេងទៀតក្នុងខេត្តផងដែរ ។
ស្របពេលជាមួយគ្នានេះ អាជ្ញាធរក៏បានបញ្ចេញរថយន្តពន្លត់អគ្គិភ័យផ្ទុកទៅដោយពពុះសាប៊ូ និងក្រុមអ្នកជំនាញពន្លត់អគ្គិភ័យមកពីខេត្ត Suphan Buri ទៅជួយពន្លត់ភ្លើងឆេះនេះផងដែរ ខណៈលោកវេជ្ជបណ្ឌិត Opart Karnkawinpong លេខាធិការអចិន្ត្រៃយ៍នៃមន្ទីរសុខភាពសាធារណៈខេត្តបាននិយាយថា ការិយាល័យសុខាភិបាលខេត្តអយុធ្យា បានបង្កើតមជ្ឈមណ្ឌលសង្គ្រោះបន្ទាន់មួយដើម្បីដាក់ និងព្យាបាលអ្នកជំងឺដែលស្រូបផ្សែងគីមី ប៉ុន្តែរហូតមកដល់ពេលនេះមិនទាន់មានអ្នករងរបួសពីការរលាកភ្លើងនោះទេ ។
ចំណែកលោក Jullapong Thaveesri អគ្គនាយកនៃនាយកដ្ឋានការងារឧស្សាហកម្មបាននិយាយកាលពីយប់ថ្ងៃពុធថា សារធាតុគីមី ជ័ររលាយ និងកាកសំណល់ឧស្សាហកម្មប្រហែល ៣,០០០ តោនក៏ត្រូវបានរក្សាទុកនៅក្នុងឃ្លាំងដែលនៅជាប់គ្នាជាមួយឃ្លាំងផ្ទុះឆេះនោះដែរ ប៉ុន្តែអ្នកជំនាញការខាងពន្លត់អគ្គិភ័យបានព្យាយាមទប់ស្កាត់ទាន់ពេលវេលា ។
គួរបញ្ជាក់ថា រហូតមកដល់ពេលនេះមូលហេតុពិតប្រាកដនៃហេតុការណ៍ផ្ទុះឆាបឆេះឃ្លាំងស្តុកសារធាតុគីមីនៅខេត្តអយុធ្យាប្រទេសថៃមិនទាន់ត្រូវបានគេដឹងនៅឡើយទេ ប៉ុន្តែអ្នកជំនាញការបានដាក់មុខព្រួញនៃឧបទ្ទវហេតុនេះគឺដោយសារតែបញ្ហាអាកាសធាតុក្ដៅខ្លាំង ដោយសារតែបច្ចុប្បន្នសីតុណ្ហភាពក្នុងខេត្តមួយនេះហក់ឡើងដល់ ៤០ អង្សាសេឯណោះ ៕
ដោយ ៖ សុខ ជីវ័ន្ត
-
ជីវិតកម្សាន្ដ៥ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៩ ម៉ោង ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ១ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៥ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ព័ត៌មានអន្ដរជាតិ៦ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
-
សន្តិសុខសង្គម១ សប្តាហ៍ ago
ស្នងការខេត្តកំពត អញ្ជើញម្ចាស់គណនីហ្វេសប៊ុក ឈ្មោះ Santa kh ចូលបំភ្លឺ