ព័ត៌មានអន្ដរជាតិ
ទូរទស្សន៍ ថៃ ត្រៀមដាក់ដំណើរការអ្នកផ្សាយព័ត៌មាន AI មួយរូបទៀត (មានវីដេអូ)
បន្ទាប់ពីដាក់ដំណើរការពិធីការិនី AI ឈ្មោះ “Natcha” ឲ្យនិយាយព័ត៌មានកាលពីខែមុនមក ពេលនេះស្ថានីយទូរទស្សន៍ថៃ Nation TV បានបញ្ចេញពិធីករ AI មួយរូបទៀតមានឈ្មោះថា “Natrans” ដើម្បីសម្រួលទៅដល់ការផ្សាយព័ត៌មាន ២៤ ម៉ោង ។
បច្ចុប្បន្នពិធីការិនី AI ឈ្មោះ Natcha បានផ្សាយព័ត៌មានរួចទៅហើយនៅក្នុងកម្មវិធី Nation News Alert ដែលចាក់ផ្សាយជារៀងរាល់ថ្ងៃនៅវេលាម៉ោង ២:០៥ នាទីរសៀលដល់ម៉ោង ២:៥៥ នាទីរសៀល ខណៈពិធីករ AI ឈ្មោះ Natrans នឹងនាំយកព័ត៌មានថ្មីៗពីជុំវិញពិភពលោកមកផ្សាយជូនទស្សនិកជនក្នុងកម្មវិធី Nation World News ចាប់ពីថ្ងៃទី៧ ខែឧសភាតទៅ ។
កម្មវិធីនេះនឹងផ្សាយពីម៉ោង ៨:៣៥ យប់ដល់ម៉ោង ១០:២៥ នាទីយប់រៀងរាល់ថ្ងៃចន្ទដល់ថ្ងៃសុក្រ និងពីម៉ោង ៨:១៥ នាទីយប់ដល់ម៉ោង ៩:៥៥ នាទីយប់នៅថ្ងៃចុងសប្ដាហ៍ ហើយពិធីករ Natrans នឹងផ្សាយព័ត៌មានថ្មីៗអំពីសេដ្ឋកិច្ច និងកីឡាជូនប្រិយមិត្តទស្សនាក្នុងកម្មវិធី Nation News Alert ។
ពាក់ព័ន្ធនឹងការដាក់ដំណើរការពិធីការិនី Natcha ឲ្យផ្សាយព័ត៌មានកាលពីខែមុននេះដែរ នាយកគ្រប់គ្រងរបស់ស្ថានីយទូរទស្សន៍ Nation TV លោកស្រី Apirawee Pichayadecha បានលើកឡើងថា “ពិធីការិនី AI នឹងជួយសម្រួលដល់ការងាររបស់បុគ្គលិកជាមនុស្ស ធ្វើឲ្យពួកគេមានពេលវេលាច្រើនជាងមុន ដើម្បីផ្តោតលើការប្រមូល និងផ្ទៀងផ្ទាត់ព័ត៌មាន ហើយសេចក្ដីរាយការណ៍ពិធីករ និងពិធីការិនីទាំងពីរនឹងត្រូវបានអមដោយខ្លឹមសារព័ត៌មានស្វ័យប្រវត្តិ ដូច្នេះអ្នកទស្សនាមានអារម្មណ៍ថាដូចកំពុងស្តាប់មនុស្សពិតនិយាយផ្ទាល់” ។
គួរបញ្ជាក់ថា ចាប់តាំងពីការដាក់ដំណើរការលើកដំបូងនៃអ្នកនិយាយព័ត៌មានដែលប្រើបច្ចេកវិទ្យា AI បានទទួលមតិរិះទាំងវិជ្ជមាន និងអវិជ្ជមានពីអ្នកទស្សនា និងដៃគូអាជីវកម្ម ប៉ុន្តែយ៉ាងណាក៏ដោយ ស្ថានីយទូរទស្សន៍ Nation TV ក៏នៅតែបង្ហាញចំណាប់អារម្មណ៍ក្នុងការបន្តប្រើអ្នកនិយាយព័ត៌មាន AI ជាពិសេសតាមរយៈវីដេអូខល ៕
សូមទស្សនាវីដេអូ!
ដោយ ៖ សុខ ជីវ័ន្ត
ចុចអាន ៖ លោក ត្រាំ មានយុទ្ធសាស្ត្រពន្លត់ភ្លើងសង្គ្រាមនៅ អ៊ុយក្រែន តែសុំលាក់សិន
-
ជីវិតកម្សាន្ដ១ សប្តាហ៍ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ២ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៣ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៧ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៧ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៥ ថ្ងៃ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានអន្ដរជាតិ១ សប្តាហ៍ ago
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien
-
ព័ត៌មានអន្ដរជាតិ៣ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់