Connect with us

ព័ត៌មានអន្ដរជាតិ

យោធា មីយ៉ាន់ម៉ា ចាប់ខ្លួនមនុស្ស ៣២ នាក់ពីបទបង្កផលប៉ះពាល់ដល់ស្ថិរភាពរូបិយប័ណ្ណជាតិ

បានផុស

នៅ

រដ្ឋាភិបាលយោធាមីយ៉ាន់ម៉ាបានបង្រ្កាបអ្នកជួញដូរមាស ប្ដូរប្រាស់បរទេស និងភ្នាក់ងារលក់អចលនវត្ថុបរទេសដោយមានការចាប់ខ្លួនមនុស្សចំនួន ៣៥ នាក់ក្នុងរយៈពេល ២ ថ្ងៃចុងក្រោយនេះ ដែលជាផ្នែកនៃកិច្ចខិតខំប្រឹងប្រែងដើម្បីរក្សាស្ថិរភាពរូបិយប័ណ្ណជាតិដែលកំពុងធ្លាក់ចុះយ៉ាងឆាប់រហ័ស ។ នេះបើយោងតាមការចេញផ្សាយរបស់ទីភ្នាក់ងារសារពត៌មាន Reuters កាលពីថ្ងៃទី៥ ខែមិថុនាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកាសែត Global New Light of Myanmar បានឲ្យដឹងថា រដ្ឋាភិបាលកាន់អណាចកំពុងធ្វើការឆ្ពោះទៅរកស្ថិរភាពរបស់ប្រទេស ដោយត្រៀមឆាប់ខ្លួនជនសង្ស័យរាប់សិបនាក់ទៀត និងចាត់វិធានការប្រឆាំងពាណិជ្ជករដែលចូលរួមក្នុងការរារាំងដល់កិច្ចការអភិវឌ្ឍសេដ្ឋកិច្ចរបស់ប្រទេស ។

ទន្ទឹមនោះ ក្នុងចំណោមជនសង្ស័យដែលត្រូវបានចាប់ខ្លួនទាំង ៣៥ នាក់នេះមាន ៥ នាក់ត្រូវបានចោទប្រកាន់ពីបទលក់ខុនដូខុសច្បាប់នៅក្នុងប្រទេសថៃ ហើយ ១៤ នាក់ចោទប្រកាន់ពីបទធ្វើឲ្យមានអស្ថិរភាពនៃអត្រាប្តូរប្រាក់រូបិយប័ណ្ណបរទេស ខណៈ ២១ នាក់ទៀតពីបទធ្វើឲ្យតម្លៃមាសអស្ថិរភាព ។

ចាប់តាំងពីឡើងកាន់អំណាច រដ្ឋាភិបាលយោធាបានបោះពុម្ពរូបិយបណ្ណយ៉ាងច្រើន និងបង្កើនការចំណាយលើយោធា ដែលធ្វើឲ្យបញ្ហាសេដ្ឋកិច្ចរបស់ប្រទេសនេះកាន់តែធ្ងន់ធ្ងរឡើងៗ ។ បើយោងតាមពាណិជ្ជករប្តូរប្រាក់បរទេសបានឲ្យដឹងថា ប្រាក់គីយ៉ាត់របស់មីយ៉ាន់ម៉ាធ្លាក់ដល់កម្រិតទាបបំផុតកាលពីសប្តាហ៍មុន មកនៅត្រឹមប្រហែល ៤,៥០០ គីយ៉ាត់ក្នុងមួយដុល្លារនៅលើទីផ្សារងងឹត ខណៈតម្លៃលើទីផ្សាររបស់ធនាគារជាតិគឺ ២,១០០ គីយ៉ាត់ក្នុងមួយដុល្លារ ។

គួរបញ្ជាក់ថា ប្រទេសមីយ៉ាន់ម៉ា មានប្រជាជនប្រហែល ៥៥ លាននាក់បានស្ថិតក្នុងភាពចលាចលនយោបាយ និងសេដ្ឋកិច្ចធ្លាក់ចុះ ចាប់តាំងពីរដ្ឋប្រហារឆ្នាំ ២០២១ នៅពេលដែលយោធាបានបណ្តេញរដ្ឋាភិបាលស៊ីវិល និងធ្វើកំណែទម្រង់សេដ្ឋកិច្ច ដែលធ្វើសេដ្ឋកិច្ចរបស់ប្រទេសនេះកាន់តែមានភាពផុយស្រួយ ជាពិសេសគឺជំងឺកូវីដ ១៩ បូករួមការវិនិយោគបរទេសបានធ្លាក់ចុះ ដោយសារទណ្ឌកម្មរបស់លោកខាងលិច ។

ការធ្លាក់ចុះនៃសេដ្ឋកិច្ចនេះបានធ្វើឲ្យអត្រានៃភាពក្រីក្របានកើនឡើងស្ទើរតែទ្វេដងពី ២៤.៨ ភាគរយក្នុងឆ្នាំ ២០១៧ ឡើងដល់ ៤៩.៧ ភាគរយក្នុងឆ្នាំ ២០២៣ ។ នេះបើយោងតាមកម្មវិធីអភិវឌ្ឍន៍របស់អង្គការសហប្រជាជាតិ ៕

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម