ព័ត៌មានអន្ដរជាតិ

ក្រិក បិទតំបន់ទេសចរណ៍ល្បី Acropolis និងសាលារៀន ព្រោះរលកកម្ដៅកើនដល់ ៤៣អង្សា

បានផុស

២ years មុន

នៅ

ថ្ងៃព្រហស្បតិ៍ ១៣ មិថុនា ២០២៤

ដោយ

Chheang

រដ្ឋាភិបាលក្រិក បានប្រកាសបិទសាលារៀន និងតំបន់ទេសចរណ៍បុរាណដ៏ល្បី Acropolis ក្រោយពីទទួលរងនូវឥទ្ធិពលរលកកម្ដៅជាលើកដំបូង សម្រាប់ឆ្នាំ២០២៤។ បន្ថែមពីនេះ ក្រិកក៏បានដាក់ពង្រាយក្រុមគ្រូពេទ្យចល័តនៅពាសពេញរដ្ឋធានី Athens ផងដែរ។ នេះបើយោងតាមការចុះផ្សាយដោយទីភ្នាក់ងារព័ត៌មាន Reuters នៅថ្ងៃទី១៣ ខែមិថុនា ឆ្នាំ២០២៤។

តំបន់ទេសចរណ៍បុរាណ Acropolis (រូបភាព៖ EPA)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សីតុណ្ហភាព បានកើនឡើងដល់ ៤៣អង្សា កាលពីថ្ងៃពុធ និងនៅថ្ងៃព្រហស្បតិ៍សប្ដាហ៍នេះ ក្នុងតំបន់មួយចំនួននៅប្រទេសក្រិក ដែលកត្តានេះបង្កឡើងដោយសារខ្យល់បក់មកពីភាគខាងត្បូង នាំមកជាមួយខ្យល់ក្ដៅ និងធូលីពីអាហ្វ្រិកខាងជើង។

តំបន់ភ្នំ Acropolis ដែលជាកន្លែងទេសចរណ៍បុរាណដ៏ល្បីល្បាញមួយនៅលើពិភពលោក ត្រូវបានបិទកាលពីល្ងាចម៉ោង៥ ថ្ងៃទី១២មិថុនា ខណៈដែលក្រុមការងារកាកបាទក្រហមបានយកដបទឹកទៅចែកឲ្យអ្នកទេសចរនៅទីនោះ។ ចំណែកឯសាលារៀនត្រឹមកម្រិតមត្តេយ្យ និងបឋម ទូទាំងប្រទេស ត្រូវបិទនិងឈប់សម្រាករយៈពេល២ថ្ងៃ។

ក្រិក គឺជាប្រទេសមួយក្នុងចំណោមប្រទេស ដែលទទួលរងផលប៉ះពាល់អាកាសធាតុខ្លាំងបំផុតនៅអឺរ៉ុប។ កាលពីឆ្នាំ២០២៣ ការកើនឡើងសីតុណ្ហភាព បានបង្កជាភ្លើងឆេះព្រៃយ៉ាងសន្ធោរសន្ធៅ និងមានភ្លៀងធ្លាក់ខ្លាំង បណ្ដាលឲ្យមានគ្រោះទឹកជំនន់ដ៏អាក្រក់បំផុតក្នុងប្រវត្តិសាស្ត្រប្រទេសក្រិក។

ក្រុមអ្នកវិទ្យាសាស្ត្រ បាននិយាយថា រដូវរងាឆ្នាំ២០២៣ មានសភាពក្ដៅជាងឆ្នាំណាណាទាំងអស់ ហើយចំនួនភ្លៀងធ្លាក់ក៏តិចណាស់ដែរ ដែលជាហេតុនាំឲ្យមានករណីភ្លើងឆេះព្រៃកាន់តែច្រើនឡើងៗ។ ករណីឆេះព្រៃ កើតឡើងច្រើននៅភាគខាងត្បូងអឺរ៉ុប ដែលមានដូចជា ប្រទេសព័រទុយហ្គាល់ បារាំង អេស្បាញ និងអ៊ីតាលី ហើយបានសម្លាប់មនុស្សអស់រាប់សិបនាក់ឯណោះ៕

ដោយ៖ ឈាង

Related Topics:ប្រទេសក្រិក

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា