ថៃ ចាប់ខ្លួនជាងកាត់សក់ជាជនបរទេសម្នាក់ ព្រោះលួចការងារពលរដ្ឋខ្លួន 

តាមសេចក្តីរាយការណ៍របស់ Bangkok Post, បុរសសញ្ជាតិស្វីសម្នាក់ដែលបើកហាងកាត់សក់លើកោះ Phangan អស់រយៈពេល៩ឆ្នាំមកហើយនោះ ពេលនេះត្រូវបានអាជ្ញាធរថៃ ចាប់ខ្លួន ដោយចោទប្រកាន់ថា គាត់បានលួចធ្វើការងារដែលថៃ ទុកសម្រាប់តែប្រជាជនរបស់ខ្លួនប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសវ័យ៥១ឆ្នាំរូបនេះមានឈ្មោះ Oliver Ehrat ហើយគាត់ត្រូវបានប៉ូលិសទេសចរណ៍និងអាជ្ញាធរមូលដ្ឋានសហការគ្នា ចាប់ខ្លួន កាលពីថ្ងៃអង្គារទី២៥ខែមិថុនា ក្រោយមើលឃើញពីការផ្សាយពាណិជ្ជកម្មហាងកាត់សក់របស់គាត់នៅលើបណ្តាញសង្គម Facebook។

ក្រោយពីការសាកសួរ ជនបរទេសរូបនេះ ត្រូវបានអាជ្ញាធរប្រគល់ឲ្យប៉ូលិសប៉ុស្តិ៍កោះ Phangan ដើម្បីចាត់ការតាមផ្លូវច្បាប់។

សូមបញ្ជាក់ថា ការងារទាំង ២៧ ដែលថៃទុកសម្រាប់តែប្រជាជនខ្លួនប៉ុណ្ណោះមានដូចជា៖

1. ជាងចម្លាក់ឈើ
2. អ្នកបើកបរដឹកជញ្ជូនសាធារណៈ
3. អ្នកធ្វើការងារខាងដេញថ្លៃ
4. អ្នកកាត់ត្បូង
5. ជាងកាត់សក់
6. អ្នកត្បាញក្រណាត់
7. អ្នកត្បាញកន្ទេល
8. អ្នកធ្វើក្រដាសខ្ចប់
9. ម្នាងសិលា
10. អ្នកផលិតឧបករណ៍ភ្លេងថៃ
11. អ្នកធ្វើនីឡូវែរ
12. ជាងមាស ប្រាក់ និងស្ពាន់
13. ការងារធ្វើពីលង្ហិនប៉ូលា
14. អ្នកធ្វើតុក្កតាថៃ
15. អ្នកធ្វើបាត្រលោក
16. អ្នកត្បាញក្រណាត់សូត្រធ្វើដោយដៃ
17. ជាងចម្លាក់ព្រះពុទ្ធរូប
18. អ្នកធ្វើឆ័ត្រក្រដាសប្រពៃណី
19. ភ្នាក់ងារឈ្មួញកណ្តាល
20. អ្នកធ្វើការងារម៉ាស្សាបែបប្រពៃណីថៃ
21. អ្នកមូរបារី
22. មគ្គុទេសក៍ទេសចរណ៍
23. អ្នកដើរលក់របស់កំប៉ិកកំប៉ុក
24. អ្នកវាយអក្សរ
25. អ្នកក្រងខ្សែអំបោះ
26. លេខា
27. អ្នកផ្តល់សេវាដោះស្រាយវិវាទ

អត្ថបទ៖ សុខ សុវណ្ណ

ចុចអាន៖ ការងារទាំង២៧ ថៃទុកសម្រាប់តែប្រជាជនខ្លួនប៉ុណ្ណោះ បើពលករចំណាកស្រុកហ៊ានធ្វើ គឺខុសច្បាប់ (មានវីដេអូ)