ព័ត៌មានអន្ដរជាតិ

ការងារទាំង២៧ ថៃទុកសម្រាប់តែប្រជាជនខ្លួនប៉ុណ្ណោះ បើពលករចំណាកស្រុកហ៊ានធ្វើ គឺខុសច្បាប់ (មានវីដេអូ)

បានផុស

១ year មុន

នៅ

ថ្ងៃព្រហស្បតិ៍ ១៦ កុម្ភៈ ២០២៣

ដោយ

Sok Sovann

កាលពីពេលថ្មីៗនេះ ប្រទេសថៃ បានប្រកាសពិន័យលើពលករចំណាកស្រុក ប្រសិនបើរកឃើញថា ពួកគេលួចការងាររបស់ប្រជាជនថៃ។

លោកនាយករដ្ឋមន្ត្រី ប្រាយុទ្ធ ចាន់អូចា បានបញ្ជាឲ្យនាយកដ្ឋានការងារ អនុវត្តច្បាប់ជាបន្ទាន់ ខណៈមានពលករចំណាកស្រុកកាន់តែច្រើនឡើងៗ កំពុងធ្វើការងារដែលថៃកំណត់ទុកឲ្យពលរដ្ឋរបស់ខ្លួន។

នាយកដ្ឋានការងារបានពិនិត្យពលករចំណាកស្រុកចំនួន ១៩៦៤០២នាក់ ដែលក្នុងនោះមានមីយ៉ាន់ម៉ា២៦៤នាក់, កម្ពុជា១២១នាក់, ឡាវ១២១នាក់, វៀតណាម៩៧នាក់, ឥណ្ឌា៣៩នាក់, និង២៨នាក់មកពីប្រទេសផ្សេងៗ ហើយរកឃើញថា ក្នុងចំណោមពួកគេ មាន៦០០នាក់ បានធ្វើការងារ ដែលគេបម្រុងទុកប្រជាជនថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងការងារ លោក Suchart Chomklin បានព្រមានថា ពលករចំណាកស្រុកដែលត្រូវបានគេរកឃើញថា ធ្វើការដោយគ្មានប័ណ្ណការងារត្រឹមត្រូវ ឬកំពុងធ្វើការងារមានកម្រិត អាចនឹងត្រូវពិន័យជាប្រាក់រហូតដល់៥០០០០បាត។

លើសពីនេះ និយោជកដែលត្រូវគេរកឃើញថា បានជួលកម្មករចំណាកស្រុកបែបនេះ ក៏នឹងត្រូវពិន័យជាប្រាក់ដល់ទៅ ១០០ ០០០បាតផងដែរ សម្រាប់ការបំពានច្បាប់ឆ្នាំ២០១៧។