ព័ត៌មានអន្ដរជាតិ
ចិន៖អាមេរិកគួរដោះស្រាយបញ្ហាសិទ្ធិមនុស្សក្នុងប្រទេសខ្លួន កុំចេះតែជ្រៀតជ្រែកផ្ទៃក្នុងប្រទេសគេ
ទីភ្នាក់ងារព័ត៌មានចិន Xinhua បានចុះផ្សាយកាលពីថ្ងៃទី១៧ខែកក្កដាថា ប្រទេសចិនបានជំរុញឲ្យសហរដ្ឋអាមេរិក ដោះស្រាយបញ្ហាសិទ្ធិមនុស្សរបស់ខ្លួនប្រកបដោយប្រសិទ្ធភាពជាមុនសិន ដោយជាញឹកញាប់កុំយកបញ្ហាសិទ្ធិមនុស្សនេះធ្វើជាលេសដើម្បីដាក់ទណ្ឌកម្ម និងជ្រៀតជ្រែកកិច្ចការផ្ទៃក្នុងរបស់ប្រទេសដទៃ។
អ្នកនាំពាក្យក្រសួងការបរទេសចិន លោក Lin Jian បានលើកឡើងយ៉ាងដូច្នេះនៅក្នុងសន្និសីទសារព័ត៌មានមួយ ដើម្បីឆ្លើយតបទៅនឹងការរឹតបន្តឹងទិដ្ឋាការរបស់សហរដ្ឋអាមេរិកទៅលើក្រុមមន្ត្រីចិន។
លោក Lin បាននិយាយថា សហរដ្ឋអាមេរិកមានចេតនាផ្សព្វផ្សាយព័ត៌មានមិនពិតធ្វើឲ្យខូចដល់ស្ថានភាពសិទ្ធិមនុស្សរបស់ប្រទេសចិន ដាក់ទណ្ឌកម្មទិដ្ឋាការលើមន្ត្រីចិន ជ្រៀតជ្រែកខ្លាំងចំពោះកិច្ចការផ្ទៃក្នុងរបស់ចិន និងបំពានយ៉ាងធ្ងន់ធ្ងរលើច្បាប់អន្តរជាតិ ក៏ដូចជាបទដ្ឋានជាមូលដ្ឋានដែលគ្រប់គ្រងលើទំនាក់ទំនងអន្តរជាតិ។
លោក Lin បានលើកឡើងថា ៖«ប្រទេសចិនមានការមិនពេញចិត្តជាខ្លាំងនិងប្រឆាំងដាច់ខាតចំពោះរឿងនេះ ហើយបានឆ្លើយតបយ៉ាងម៉ឺងម៉ាត់ទៅកាន់សហរដ្ឋអាមេរិក»។
លោក បានបន្ថែមថា ជាវិធានការតបត ប្រទេសចិននឹងអនុលោមតាមច្បាប់ ហើយដាក់កំហិតទិដ្ឋាការទៅវិញទៅមកដូចគ្នាលើមន្ត្រីអាមេរិកណា ដែលនិយាយកុហកចំពោះបញ្ហាសិទ្ធិមនុស្សទាក់ទងនឹងប្រទេសចិន ក្នុងគោលបំណងជំរុញការដាក់ទណ្ឌកម្មប្រឆាំងនឹងរដ្ឋាភិបាលក្រុងប៉េកាំង និងធ្វើឲ្យប៉ះពាល់ដល់ផលប្រយោជន៍របស់ចិន។
លោក បន្តទៀតថា ផ្ទុយពីសហរដ្ឋអាមេរិក សហគមន៍អន្តរជាតិបានយល់ស្របនឹងចិន ពាក់ព័ន្ធនឹងការដោះស្រាយដោយជោគជ័យចំពោះបញ្ហាសិទ្ធិមនុស្ស។ ដោយជាការកត់សម្គាល់កន្លងមក ក្រុមប្រឹក្សាសិទ្ធិមនុស្សអង្គការសហប្រជាជាតិបានទទួលយកជាឯកច្ឆន្ទចំពោះការចូលរួមរបស់ចិន នៅក្នុងកិច្ចប្រជុំលើកទី៤នៃយន្តការ UPR (Universal Periodic Review) ស្ដីពីសិទ្ធិមនុស្សរបស់ប្រទេសជាសមាជិកនៅរៀងរាល់៤ឆ្នាំកន្លះម្ដង។
លោក Lin បានសង្កត់ធ្ងន់ថា៖«សហរដ្ឋអាមេរិកមិនមានសិទ្ធិ ឬលក្ខណៈសម្បត្តិគ្រប់គ្រាន់ក្នុងការធ្វើអត្ថាធិប្បាយលើស្ថានភាពសិទ្ធិមនុស្សនៅក្នុងប្រទេសផ្សេងទៀត និងធ្វើការកត់សម្គាល់ដោយគ្មានការទទួលខុសត្រូវនោះទេ»។
លោក Lin បានរៀបរាប់ទៀតថា ប្រសិនបើសហរដ្ឋអាមេរិកពិតជាយកចិត្តទុកដាក់ចំពោះសិទ្ធិមនុស្ស ខ្លួនគួរណាស់តែបោះបង់ចោលនូវគោលនយោបាយស្តង់ដាពីរ «Double Standards» ហើយក្រឡេកមើលទៅក្នុងកញ្ចក់នូវការរំលោភបំពានសិទ្ធិមនុស្សរបស់ខ្លួនវិញវាល្អជាង៕
ដោយ៖ ឈាង
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ