មនុស្ស​យ៉ាងហោច​២៣​នាក់​រង​របួស​ក្នុង​ហេតុ​ការណ៍​ឆេះ​កន្រ្តក​វិល​នៅ​អាល្លឺម៉ង់

មនុស្សយ៉ាងហោចណាស់២៣នាក់បានរងរបួសក្នុងហេតុការណ៍អគ្គីភ័យបានឆាបឆេះកន្ត្រកវិល​​នៅ​កន្លែង​កម្សាន្ត​នៅភាគខាងកើតប្រទេសអាល្លឺម៉ង់។ នេះបើយោងតាមការចេញផ្សាយរបស់ទីភ្នាក់ងារព័ត៌មាន APនៅថ្ងៃទី១៩ខែសីហានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិស បានឲ្យដឹងថា ហេតុការណ៍នេះបានកើតឡើងនៅនៅក្នុងពិធីបុណ្យតន្ត្រី Highfield នៅក្បែរបឹង Stoermthaler នៅជិតទីក្រុង Leipzig ភាគខាងកើតប្រទេសអាល្លឺម៉ង់ ដោយភ្លើងបានចាប់ផ្តើមឆេះនៅក្នុងកន្រ្តកមួយ ហើយបន្ទាប់មកបានរាលដាលដល់កន្ត្រកទីពីរ។ មនុស្ស​៥៥​​នាក់​បាន​រង​របួស​ ក្នុង​នោះ​៤​នាក់​​របួស​ដោយសារ​រលាក​ភ្លើង និង​ម្នាក់​ទៀត​រង​របួស​ដោយសារ​កន្រ្តករលំ​។ ជាមួយគ្នានេះក៏មានមន្រ្តីប៉ូលិសយ៉ាងហោចណាស់៤នាក់ត្រូវបានបញ្ជូនទៅមន្ទីពេទ្យបន្ទាប់ពីស្រូបផ្សែងពីភ្លើងដែលបានឆាបឆេះ។

ចំនួនពិតប្រាកដនៃអ្នកស្លាប់ និងរបួសក៏មិនត្រូវបានដឹងជាក់លាក់នៅឡើយនោះទេ ខណៈអ្នកគ្រប់គ្រងកន្ត្រកវិលបានឲ្យដឹងថា គ្មានអ្នកដំណើរណាម្នាក់អង្គុយនៅក្នុងកន្រ្តក ដែលភ្លើងបានឆេះនោះទេ។ ប៉ូលិស​កំពុង​តែ​ស៊ើបអង្កេត​ពី​មូលហេតុ​នៃ​ការ​ឆេះ​នេះ និងមិន​ទាន់​អាច​ផ្តល់​ព័ត៌មាន​ជាក់​លាក់​ណា​មួយ​អំពី​ស្ថានភាព​អ្នក​រង​របួស​នោះ​ទេ៕

អត្ថបទ៖ ប៊ុនណ សុភាព