ព័ត៌មានអន្ដរជាតិ

អ៊ុយក្រែន អំពាវនាវឲ្យបេឡារុសដកទ័ពចេញពីព្រំដែន

បានផុស

២ years មុន

នៅ

ថ្ងៃចន្ទ ២៦ សីហា ២០២៤

ដោយ

Chheang

អ៊ុយក្រែន កាលពីថ្ងៃអាទិត្យបានអំពាវនាវឲ្យប្រទេសបេឡារុសដកក្រុមកងទ័ពពិសេសរបស់ខ្លួនចេញពីតំបន់ព្រំដែនរួមគ្នារវាងប្រទេសទាំង២។ នេះបើយោងតាមការចុះផ្សាយរបស់ទីភ្នាក់ព័ត៌មាន Reuters នៅថ្ងៃទី២៦ខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការបរទេសអ៊ុយក្រែន បានព្រមានបេឡារុសកុំឲ្យប្រព្រឹត្ត «កំហុសសោកនាដកម្ម» ខណៈពេលដែលខ្លួនស្ថិតនៅក្រោមសម្ពាធពីទីក្រុងមូស្គូ។ សេចក្តីថ្លែងការណ៍របស់អ៊ុយក្រែន បានជំរុញឲ្យកងកម្លាំងប្រដាប់អាវុធបេឡារុស «បញ្ឈប់សកម្មភាពមិនរាក់ទាក់» និងដកកងទ័ពរបស់ពួកគេចេញពីបន្ទាត់ព្រំដែន។

បើយោងតាមក្រសួងការបរទេសអ៊ុយក្រែន ក្នុងចំណោមទ័ពដែលបេឡារុសដាក់ពង្រាយនៅព្រំដែន រួមមានទាំងកងកម្លាំងពិសេស និងក្រុមអតីតយុទ្ធជនស៊ីឈ្នួល Wagner។ ចំណែកឯសព្វាវុធរបស់ពួកគេ មាន រថក្រោះ កាំភ្លើងធំ ខែលការពារដែនអាកាស និងសម្ភារៈវិស្វកម្ម ដែលមានទីតាំងនៅតំបន់ Gomel ជិតព្រំដែនភាគខាងជើងប្រទេសអ៊ុយក្រែន។

សេចក្តីថ្លែងការណ៍អ៊ុយក្រែន បានប្រកាសថា អ៊ុយក្រែន «មិនដែល ហើយនឹងមិនចាត់វិធានការមិនរាក់ទាក់ណាមួយប្រឆាំងនឹងប្រជាជនបេឡារុសនោះទេ»។

ប្រធានាធិបតីបេឡារុស លោក Alexander Lukashenko ធ្លាប់បាននិយាយកាលពីថ្ងៃទី១៨ខែសីហាថា អ៊ុយក្រែនបានឈរជើងទាហានជាង ១២ម៉ឺននាក់ នៅព្រំដែនជាមួយប្រទេសបេឡារុស ហើយបានដាក់ពង្រាយកងកម្លាំងប្រដាប់អាវុធជិតមួយភាគបីរបស់ខ្លួននៅតាមព្រំដែនទាំងមូល។

បេឡារុស្ស បានប្រកាសកាលពីថ្ងៃចន្ទថា ខ្លួនបានបញ្ជូនយន្តហោះ កងកម្លាំងការពារដែនអាកាស និងរថពាសដែកទៅកាន់ព្រំដែនរបស់ខ្លួនជាមួយអ៊ុយក្រែន៕

ដោយ៖ ឈាង