ព័ត៌មានអន្ដរជាតិ
អង់គ្លេស ត្រៀមបញ្ជូនមីស៊ីល៦៥០គ្រាប់បន្ថែមឲ្យអ៊ុយក្រែន
រដ្ឋាភិបាលចក្រភពអង់គ្លេស បានប្រកាសនៅថ្ងៃសុក្រនេះថា ខ្លួននឹងផ្តល់ឲ្យអ៊ុយក្រែននូវមីស៊ីលទម្ងន់ស្រាលចំនួន៦៥០គ្រាប់ ដែលមានតម្លៃជាង ២១៣លានដុល្លារ ដើម្បីជួយការពាររដ្ឋាភិបាលក្រុងកៀវពីយន្តហោះគ្មានមនុស្សបើក និងការទម្លាក់គ្រាប់បែករបស់រុស្ស៊ី។
រុស្ស៊ីកាលពីសប្តាហ៍មុនបានចាប់ផ្ដើមប្រតិបត្តិការវាយប្រហារតាមអាកាសដ៏ធំបំផុតរបស់ខ្លួនលើទឹកដីអ៊ុយក្រែន ចាប់តាំងពីសង្រ្គាមលុកលុយនៅដើមឆ្នាំ២០២២។ អ៊ុយក្រែនបានស្នើសុំម្តងហើយម្តងទៀតសម្រាប់ការគាំទ្រដែនអាកាសបន្ថែម ដើម្បីការពារខ្លួនពីការវាយប្រហារដោយមីស៊ីល និងយន្តហោះគ្មានមនុស្សបើក។
ការផ្គត់ផ្គង់មីស៊ីលថ្មីត្រូវបានប្រកាសនៅពេលដែលរដ្ឋមន្ត្រីក្រសួងការពារជាតិអង់គ្លេស លោក John Healey បានចូលរួមជាមួយក្រុមទំនាក់ទំនងការពារជាតិអ៊ុយក្រែន ដែលជាក្រុមចម្រុះនៃបណ្តាប្រទេសចំនួន៥០ នៅមូលដ្ឋានទ័ពអាកាសអាមេរិកក្នុងប្រទេសអាល្លឺម៉ង់។
ក្រសួងការពារជាតិអង់គ្លេស បានឲ្យដឹងថា ស្របតាមការប្តេជ្ញាចិត្តរបស់រដ្ឋាភិបាលថ្មីក្នុងការបង្កើនល្បឿននៃការផ្តល់ជំនួយដល់អ៊ុយក្រែន ការដឹកជញ្ជូនមីស៊ីលជើងទីមួយត្រូវបានគេរំពឹងថានឹងទៅដល់ដៃអ៊ុយក្រែននៅចុងឆ្នាំ២០២៤នេះ។
លោក Healey បាននិយាយនៅក្នុងសេចក្តីថ្លែងការណ៍មួយថា៖ «ការប្តេជ្ញាចិត្តថ្មីនេះនឹងផ្តល់នូវការជំរុញដ៏សំខាន់មួយដល់ការការពារដែនអាកាសរបស់អ៊ុយក្រែន»។
មីស៊ីលដែលអង់គ្លេសត្រៀមឲ្យអ៊ុយក្រែន ត្រូវបានផលិតដោយក្រុមហ៊ុនបារាំង Thales មានរយៈចម្ងាយជាង ៦គីឡូម៉ែត្រ ហើយអាចបាញ់ចេញពីគោលដៅគ្រប់ប្រភេទដូចជានៅលើដី សមុទ្រ និងអាកាស។
កាលពីថ្ងៃច័ន្ទកន្លងទៅ រុស្ស៊ីបានបាញ់មីស៊ីល និងប្រើយន្តហោះគ្មានមនុស្សបើកជាង២០០គ្រឿងទៅកាន់អ៊ុយក្រែន ដោយបានសម្លាប់មនុស្ស៧នាក់ និងវាយប្រហាររោងចក្រថាមពលទូទាំងប្រទេស។ ទីក្រុងកៀវ បានប្រកាសថានេះគឺជាការវាយប្រហារដ៏ធំបំផុតមិនធ្លាប់មានក្នុងសង្គ្រាមដែលមានរយៈពេលជាង២ឆ្នាំកន្លងទៅនេះ៕
ដោយ៖ ឈាង
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ