ព័ត៌មានអន្ដរជាតិ
រដ្ឋមន្ត្រីថៃ៖ លុយបាតមានភាពរឹងមាំខ្លាំងពេក ប៉ះពាល់ដល់ការនាំចេញ
រដ្ឋមន្ត្រីក្រសួងពាណិជ្ជកម្មថៃ បាននិយាយនៅថ្ងៃចន្ទនេះថា ប្រាក់បាតមានភាពរឹងមាំខ្លាំងពេក ហើយកំពុងប៉ះពាល់ដល់ការនាំចេញ ដែលត្រូវបានគេរំពឹងថានឹងមានកំណើនតិចតួចក្នុងឆ្នាំ២០២៤នេះ ហើយធនាគារកណ្តាលគួរតែចាត់វិធានការលើបញ្ហារូបិយប័ណ្ណ។
លោក Pichai Naripthaphan បានរៀបរាប់ថា ធនាគារកណ្តាលថៃ (BOT) គួរតែកាត់បន្ថយអត្រាការប្រាក់ ដើម្បីបង្កើនសន្ទនីយភាព ខណៈមានការបន្តការខ្វែងគំនិតគ្នាអស់ជាច្រើនខែរវាងរដ្ឋាភិបាល និងធនាគារកណ្តាលជុំវិញការកំណត់អត្រាការប្រាក់។
ប្រាក់បាតត្រូវបានជួញដូរក្នុងកម្រិតខ្ពស់ខ្លាំងបំផុតក្នុងរយៈពេលជាង១៨ខែ បើធៀបនឹងប្រាក់ដុល្លារអាមេរិក។
កាលពីខែសីហា ក្រសួងពាណិជ្ជកម្មបានរក្សាទិសដៅកំណើនការនាំចេញរបស់ខ្លួនសម្រាប់ពេញមួយឆ្នាំនៅកម្រិត ១% ទៅ ២%។ ចាប់ពីខែមករាដល់ខែកក្កដា ការនាំចេញបានកើនឡើង ៣,៨% បើធៀបនឹងរយៈពេលដូចគ្នាក្នុងឆ្នាំ២០២៣។
នៅក្នុងខែសីហា ធនាគារកណ្តាលបានរក្សាអត្រាការប្រាក់សំខាន់ៗនៅកម្រិត ២,៥% សម្រាប់កិច្ចប្រជុំចំនួន៦លើកជាប់ៗគ្នា ដោយនិយាយថា ការកំណត់គោលនយោបាយស្ថិតក្នុងកម្រិតអព្យាក្រឹត ខណៈបានប្រឆាំងនឹងការអំពាវនាវរបស់រដ្ឋាភិបាលឲ្យកាត់បន្ថយអត្រាការប្រាក់។
ការវាយតម្លៃអត្រាការប្រាក់បន្ទាប់ នឹងធ្វើឡើងនៅថ្ងៃទី១៦ខែតុលា។
នាយករដ្ឋមន្ត្រីថៃ លោកស្រី ផែថងថាន ស៊ីណាវ៉ាត្រា (Paetongtarn Shinawatra) ធ្លាប់បានប្រកាសកាលពីដើមឆ្នាំមុនពេលឡើងកាន់តំណែងថា ឯករាជ្យភាពរបស់ធនាគារកណ្តាលគឺជាឧបសគ្គក្នុងការដោះស្រាយបញ្ហាសេដ្ឋកិច្ច។
រដ្ឋាភិបាលដែលដឹកនាំដោយគណបក្សភឿថៃ បានអំពាវនាវម្តងហើយម្តងទៀតឲ្យកាត់បន្ថយអត្រាការប្រាក់ ដើម្បីស្របតាមការជំរុញសារពើពន្ធដែលបានគ្រោងទុក ខណៈដែលថៃមានបំណងក្លាយជាប្រទេសមានកំណើនសេដ្ឋកិច្ចធំលំដាប់ទី២នៅអាស៊ីអាគ្នេយ៍។
រដ្ឋាភិបាលថៃ នឹងចាប់ផ្តើមដំណាក់កាលដំបូងនៃកម្មវិធី «កាបូបឌីជីថល» នៅចុងខែកញ្ញានេះ ក្នុងទំហំទឹកប្រាក់ ១៤៥ពាន់លានបាត (៤,៤ពាន់លានដុល្លារ) ដល់ក្រុមប្រជាជនដែលងាយរងគ្រោះ។ វិធានការជំរុញសេដ្ឋកិច្ច មានចំនួនទឹកប្រាក់សរុប ៤៥០ពាន់លានបាត ដែលនឹងផ្តល់ប្រាក់ ១ម៉ឺនបាតដល់ប្រជាជនថៃចំនួន ៥០លាននាក់ ដើម្បីយកទៅចាយវាយនៅក្នុងសហគមន៍មូលដ្ឋានរបស់ពួកគេ។
គ្រោងការណ៍នេះត្រូវបានរិះគន់ដោយអ្នកសេដ្ឋកិច្ច រួមទាំងអតីតទេសាភិបាលធនាគារកណ្តាល២រូប ថាពុំមានការទទួលខុសត្រូវខាងសារពើពន្ធ។ រដ្ឋាភិបាលបានច្រានចោលរឿងនេះ ប៉ុន្តែបានព្យាយាមស្វែងរកប្រភពថវិកាសម្រាប់គ្រោងការណ៍របស់ខ្លួន។
រដ្ឋាភិបាលថៃបានទទូចថា គោលនយោបាយនេះគឺចាំបាច់ក្នុងការបង្កើនកំណើនសេដ្ឋកិច្ច ដែលធនាគារកណ្តាលរំពឹងថានឹងកើនឡើងត្រឹមតែ ២,៦%ប៉ុណ្ណោះនៅឆ្នាំនេះ ពោលគឺកើនឡើងពី ១,៩% បើធៀបនឹងឆ្នាំ២០២៣ និងតិចជាងដៃគូក្នុងតំបន់ភាគច្រើន។
ទេសាភិបាលធនាគារកណ្តាល លោក Sethaput Suthiwartnaruput បាននិយាយថា កំណើនគឺទាបជាងសក្តានុពល ក៏ដោយសារតែបញ្ហារចនាសម្ព័ន្ធ៕
ដោយ៖ ឈាង
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?