ព័ត៌មានអន្ដរជាតិ

បន្ទាប់ពីវាយប្រហារម៉ិកស៊ិក ព្យុះ Helene ដ៏ខ្លាំងក្លានឹងបន្តមានឥទ្ធិពលនៅរដ្ឋ Florida

បានផុស

២ years មុន

នៅ

ថ្ងៃព្រហស្បតិ៍ ២៦ កញ្ញា ២០២៤

ដោយ

ខ្យល់ព្យុះ Helene ដ៏ខ្លាំងក្លាបានបោកបក់ផ្នែកខ្លះនៃប្រទេសម៉ិកស៊ិកកាលពីថ្ងៃពុធ កំពុងឆ្ពោះទៅរដ្ឋ Florida ដែលត្រូវបានព្យាករណ៍ថា ជាព្យុះដ៏មហន្តរាយមួយដែលអាចកាច់បំបាក់ផ្ទះប្រជាពលរដ្ឋបានយ៉ាងងាយស្រួល ដែលជុំរុញឲ្យអាជ្ញាធរបិទសាលារៀន និងប្រកាសភាពអាសន្ននៅទូទាំងភាគអាគ្នេយ៍នៃរដ្ឋនៅជាប់សមុទ្រ។ នេះបើយោងតានការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី២៦ខែកញ្ញានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលព្យុះសង្ឃាជាតិរបស់សហរដ្ឋអាមេរិក បាននិយាយថា ព្យុះដ៏មានឥទ្ធិពល Helene ស្ថិតនៅចម្ងាយប្រហែល ៧៣៥គីឡូម៉ែត្រភាគនិរតីនៃទីក្រុង Tampa រដ្ឋ Florida។ ព្យុះសង្ឃរានេះត្រូវបានគេរំពឹងថា នឹងកើនឡើង និងបង្កើនល្បឿននៅពេលដែលវាឆ្លងកាត់ឈូងសមុទ្រម៉ិកស៊ិកឆ្ពោះទៅកាន់តំបន់ Big Bend ឆ្នេរសមុទ្រភាគពាយ័ព្យនៃរដ្ឋ Florida ដែលវាអាចជាព្យុះប្រភេទទី៤ដ៏ធំមួយមានខ្យល់បក់លើសពី១២៩គីឡូម៉ែត្រក្នុងមួយម៉ោង។

លើសពីនេះ ក្រុមអ្នកព្យាករណ៍ បាននិយាយថា ព្យុះ Helene អាចបង្កើតព្យុះដែលគំរាមកំហែងដល់អាយុជីវិត ខណៈកម្លាំងខ្យល់របស់វាបានអូសបន្លាយដល់ទៅ៥៥៥គីឡូម៉ែត្រពីចំណុចកណ្តាលរបស់វា។

ជាមួយគ្នានេះ មជ្ឈមណ្ឌលខ្យល់ព្យុះបានប្រកាសការព្រមានអំពីព្យុះសង្ឃរានិងការព្រមានអំពីព្យុះត្រូពិចបក់កាត់ភាគខាងជើងរហូតដល់រដ្ឋ North Carolina ខណៈភាគអាគ្នេយ៍អាចជួបប្រទះនឹងការដាច់ចរន្តអគ្គិសនីរយៈពេលយូរ អាចបណ្ដាលឲ្យដើមឈើដួលរលំ និងទឹកជំនន់ដ៏គ្រោះថ្នាក់ផងដែរ។

មួយរយៈចុងក្រោយនេះមានខ្យល់ព្យុះនិងគ្រោះទឹកជំនន់យ៉ាងធ្ងន់ធ្ងរវាយប្រហារប្រទេសនានានៅទូទាំងពិភពលោក ជាពិសេសប្រទេសនៅអាស៊ីអាគ្នេយ៍ដូចជាប្រទេសថៃ វៀតណាម ឡាវ និង មីយ៉ាន់ម៉ា ខណៈនៅអឺរ៉ុបកណ្ដាលក៏មាន គ្រោះទឹកជំនន់ដ៏ធ្ងន់ធ្ងរផងដែរ៕