ព័ត៌មានអន្ដរជាតិ

មេដឹកនាំថ្មីក្រុមហេសបូឡា បាត់ទំនាក់ទំនង មិនដឹងស្លាប់ឬរស់ ក្រោយអ៊ីស្រាអែលវាយប្រហារ

បានផុស

២ years មុន

នៅ

ថ្ងៃអាទិត្យ ៦ តុលា ២០២៤

ដោយ

Chheang

ប្រភពសន្តិសុខលីបង់ បាននិយាយកាលពីថ្ងៃសៅរ៍ទី៥ខែតុលាថា អ្នកស្នងតំណែងថ្មីជាមេដឹកនាំក្រុមហេសបូឡា បានដាច់ទំនាក់ទំនងចាប់តាំងពីថ្ងៃសុក្រ បន្ទាប់ពីការវាយប្រហារតាមដែនអាកាសរបស់អ៊ីស្រាអែល។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី៦ខែតុលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងយុទ្ធនាការរបស់ខ្លួនប្រឆាំងនឹងក្រុមលីបង់ដែលគាំទ្រដោយអ៊ីរ៉ង់ អ៊ីស្រាអែលបានធ្វើការវាយប្រហារដ៏ធំមួយលើតំបន់ជាយក្រុងភាគខាងត្បូងនៃទីក្រុងបេរូត កាលពីល្ងាចថ្ងៃព្រហស្បតិ៍ ហើយប្រភពពីមន្ត្រីអ៊ីស្រាអែល៣រូប បានឲ្យដឹងថា ការវាយប្រហារនេះកំណត់គោលដៅលើលោក Hashem Safieddine នៅក្នុងលេនដ្ឋានក្រោមដីមួយកន្លែង។

ប្រភពសន្តិសុខលីបង់៣រូបផ្សេងទៀត បានប្រាប់ថា នៅតំបន់ Dahiyeh ដែលជាលំនៅដ្ឋាន និងបន្ទាយដ៏រឹងមាំរបស់ក្រុមហេសបូឡា នៅភាគខាងត្បូងទីក្រុងបេរូត មានការរារាំងបុគ្គលិកជួយសង្គ្រោះមិនឲ្យចូលទៅដល់ទីតាំងដែលរងការវាយប្រហារដោយអ៊ីស្រាអែលចាប់តាំងពីសុក្រ។

ក្រុមហេសបូឡា មិនបានធ្វើអត្ថាធិប្បាយទេរហូតមកទល់នឹងពេលនេះអំពីជោគវាសនារបស់លោក Safieddine ដែលជាមេដឹកនាំថ្មីរបស់ខ្លួន។

អ្នកនាំពាក្យយោធាអ៊ីស្រាអែល លោក Daniel Hagari បាននិយាយថា អ៊ីស្រាអែលបានសម្លាប់យុទ្ធជនហេសបូឡាបានចំនួន ៤៤០នាក់នៅក្នុងប្រតិបត្តិការជើងគោកនៅភាគខាងត្បូងប្រទេសលីបង់ និងបានបំផ្លាញគោលដៅក្រុមហេសបូឡា ចំនួន ២០០០កន្លែង៕

ដោយ៖ ឈាង

ចុចអាន៖ ចិន ជម្លៀសប្រជាជនចេញពីលីបង់ជាង២០០នាក់

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា