ក្មេងប្រុសវ័យ១៥ឆ្នាំ សម្លាប់មនុស្ស៥នាក់ក្នុងគ្រួសារ ខណៈប្អូនស្រីនៅរស់ព្រោះធ្វើពុតជាដេកស្លាប់

រឿងរ៉ាវឃាតកម្មមួយនេះ កើតឡើងកាលពីថ្ងៃទី ២៥ ខែតុលា ឆ្នាំ ២០២៤ ដោយខ្មាន់កាំភ្លើងអាយុ ១៥ ឆ្នាំនៅទីក្រុង Fall City រដ្ឋ Wash បានសម្លាប់រង្គាលក្នុងគ្រួសារចំនួន៥នាក់ និងទម្លាក់កំហុសទៅប្អូនប្រុសអាយុ១៣ឆ្នាំថាជាឃាតកសម្លាប់គ្រួសារ ទើបសម្លាប់ខ្លួនឯងតាមក្រោយ។ ប៉ុន្តែប្អូនស្រីអាយុ១១ឆ្នាំដែលរួចជីវិតព្រោះធ្វើពុតជាស្លាប់ បានលាតត្រដាងការពិត។

ប៉ូលិសបានទៅផ្ទះមួយនៅ Fall City រដ្ឋ Washington ហើយបានរកឃើញគ្រួសារ Humiston ទាំងមូលត្រូវបានសម្លាប់។ ការិយាល័យពិនិត្យសុខភាពរបស់ King County បានកំណត់អត្តសញ្ញាណអ្នកស្លាប់មាន Sarah អាយុ ៤២ ឆ្នាំ, Mark អាយុ ៤៣ ឆ្នាំ និងកូនរបស់ពួកគេ Katherine អាយុ ៧ ឆ្នាំ Joshua អាយុ ៩ឆ្នាំ និង Benjamin អាយុ ១៣ ឆ្នាំ។

យ៉ាងណាក៏ដោយ មានតែមនុស្សពីរនាក់ប៉ុណ្ណោះដែលនៅរស់រានមានជីវិតដែលមានរួមមាន ជនសង្ស័យ និងប្អូនស្រីអាយុ ១១ឆ្នាំ(ត្រូវបាញ់ចំនួន២គ្រាប់)។ ក្មេងប្រុសនេះត្រូវបានចោទប្រកាន់ពីបទមនុស្សឃាតចំនួន ៥ ករណីក្រោមច្បាប់រដ្ឋវ៉ាស៊ីនតោន។ សវនាការ​ត្រូវ​បាន​ទាមទារ​ដើម្បី​កំណត់​ថា​ តើ​ករណី​នេះ​នឹង​ត្រូវ​ផ្ទេរ​ទៅ​តុលាការ​អនីតិជន​ឬ​អត់។

បើ​តាម​របាយការណ៍​របស់​ប៉ូលិស ជន​ជាប់​ចោទ​បាន​ព្យាយាមទម្លាក់កំហុសទៅកាន់​ប្អូន​ប្រុស​របស់​ខ្លួន​ដែល​បាន​ស្លាប់។ ប៉ុន្តែ​ប្អូន​ស្រី​អាយុ ១១ ឆ្នាំដែលរួចរស់ជីវិតពីការបាញ់ប្រហារកាលពីថ្ងៃច័ន្ទបានប្រាប់អ្នកស៊ើបអង្កេតថា ជន​ជាប់​ចោទ​មាន​បញ្ហា​កាល​ពី​ពេល​ថ្មីៗ​នេះ​ដោយសារ​ការ​ប្រឡងនៅសាលា​ ហើយ​កាំភ្លើង​ដែល​ប្រើ​ក្នុង​ការ​វាយ​ប្រហារ​នោះ​ជា​របស់​ឪពុក​នាង ដោយ​ក្នុង​ចំណោម​កូនៗ នាង​ជា​មនុស្ស​តែ​ម្នាក់​គត់​ដែល​ដឹង​លេខ​កូដ​ក្នុង​ប្រអប់​សោ​ដែល​ឪពុក​គេ​ទុក​កាំភ្លើង។

​បើ​តាម​ការ​បញ្ជាក់​របស់​អ្នក​ស៊ើប​អង្កេត Aaron Thompson មកពីការិយាល័យតម្រួត King County ។ ជនសង្ស័យបានទូរស័ព្ទទៅលេខ ៩១១ នៅម៉ោងប្រហែល ៥ ព្រឹកថ្ងៃចន្ទ ដើម្បីរាយការណ៍ថា ប្អូនប្រុសរបស់គាត់អាយុ ១៣ ឆ្នាំ បានបាញ់សម្លាប់សមាជិកគ្រួសារនៅផ្ទះរបស់ពួកគេនៅ Fall City ។ ព្រោះ​គាត់​ត្រូវ​បាន​គេ​ដាក់​ទោស​បន្ទាប់​ពី​ចាប់​បាន​មើល​រឿង​អាសអាភាស។

ប៉ុន្មាននាទីក្រោយមក អ្នកជិតខាងម្នាក់បានទូរស័ព្ទទៅលេខ ៩១១ ដើម្បីរាយការណ៍ថាក្មេងស្រីអាយុ ១១ ឆ្នាំដែលរងរបួសបានមកផ្ទះរបស់គាត់ ហើយ​បាន​និយាយ​ថា គ្រួសារ​របស់​នាង​ត្រូវ​បានបងប្រុស​​បាញ់​សម្លាប់។ នៅពេលមន្ត្រីមកដល់ ឃាត់ខ្លួន​ក្មេង​ប្រុស​អាយុ​១៥​ឆ្នាំ​ម្នាក់​ ហើយប្រទះឃើញ​សាកសព​ស្លាប់ក្នុងទីតាំងផ្សេងៗគ្នា។

យ៉ាងណាមិញ អ្នកស៊ើបអង្កេតជឿថា ក្មេងជំទង់ពិតជាបានសម្លាប់ឪពុកម្តាយរបស់គាត់ បងប្អូនពីរនាក់ និងបងស្រីម្នាក់ ហើយព្យាយាម​សម្លាប់​ប្អូនស្រី​អាយុ ១១ ឆ្នាំ​របស់គាត់ និងព្រមទាំង​រៀបចំ​កន្លែង​កើតហេតុ​។ មុនពេលមន្រ្តីមកដល់ នេះបើយោងតាមឯកសាររបស់តុលាការ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ដោយសារខឹងមានថ្មី ស្ត្រី​វៀតណាមម្នាក់ ដាក់ថ្នាំ Cyanide បំពុលគូស្នេហ៍ឲ្យស្លាប់ភ្លាមៗ