ព័ត៌មានអន្ដរជាតិ
[វិភាគអន្តរជាតិ] ស្ថានភាពសង្គ្រាមរុស្ស៊ី-អ៊ុយក្រែនអាចធ្វើឲ្យត្រាំបរាជ័យ ក្លាយជាសង្គ្រាមលោកលើកទី៣និងឈានទៅសង្គ្រាមនុយក្លេអ៊ែរ
ប្រធានាធិបតីជាប់ឆ្នោតរបស់សហរដ្ឋអាមេរិក លោក ដូណាល់ ត្រាំ ដែលសន្យានៅពេលយុទ្ធនាការរកការគាំទ្រឆ្នោតថា ខ្លួនអាចបញ្ចប់សង្គ្រាមអ៊ុយក្រែន-រុស្ស៊ីក្នុងរយៈពេលដ៏ខ្លីបំផុត ដែលពេលខ្លះថា «ត្រឹមតែ២៤ម៉ោង» នឹងចូលកាន់កៅអីសេតវិមានជាថ្មីម្តងទៀតនៅមិនដល់៨សប្តាហ៍ទៀតនោះទេ ប៉ុន្តែស្ថានភាពសង្គ្រាមចុងក្រោយនេះ អាចធ្វើឲ្យការសន្យារបស់លោករងការបរាជ័យ ឬត្រូវការពេលវេលាវែងបន្ថែមទៀត។
លោក ដូណាល់ ត្រាំ បានបង្ហាញឥទ្ធិពលដ៏ខ្លាំងចំពោះសង្គ្រាមនៅអ៊ុយក្រែនទាំងមុនការបោះឆ្នោតនិងក្រោយការបោះឆ្នោតសហរដ្ឋអាមេរិក ប៉ុន្តែលោកដូណាល់ ត្រាំ ក៏ត្រូវបានគេមើលឃើញថា កំពុងតែដាក់ស្ថានភាពនៅអ៊ុយក្រែនឲ្យស្ថិតនៅក្រោមភាពមិនច្បាស់លាស់ និងមានអំណោយផលដល់រុស្ស៊ី ដោយការថ្លែងពីការយល់ព្រមកាត់ដីអ៊ុយក្រែនដែលរុស្ស៊ីគ្រប់គ្រងក្នុងសង្គ្រាមឱ្យរុស្ស៊ីកាន់កាប់ជាផ្លូវការ។
ការព្រលយជាបន្តបន្ទាប់បែបនេះ បានធ្វើរុស្ស៊ីមានប្រៀបយ៉ាងខ្លាំងនិងបង្កើនការវាយប្រហារដើម្បីឈានទៅកាន់ការចរចា ហើយ វាក៏បានបែងចែកសណ្តាប់ធ្នាប់ពិភពលោកថ្មីយ៉ាងពិតប្រាកដ ដោយសារមហាអំណាចអឺរ៉ុបខាងលិចមិនឯកភាពចំពោះដំណោះស្រាយរបស់លោកត្រាំឡើយ។
នៅមិនដល់៨សប្តាហ៍ នឹងឈានទៅដល់ពិធីស្បថចូលកាន់តំណែងផ្លូវការនៅថ្ងៃទី២០ខែមករារបស់លោក ដូណាល់ ត្រាំ ដែលនឹងក្លាយជា«គ្រោះថ្នាក់» ឬក៏ «ភាពប្រាកដនិយម»ក្នុងការសម្រេចចិត្តរបស់លោក ត្រាំ ទាក់ទងនឹងអនាគតនៃសង្រ្គាមអ៊ុយក្រែន។
សម្រាប់ឆ្នាំកន្លងទៅ ទាំងអ៊ុយក្រែន និងរុស្ស៊ីបានមើលឃើញថា ការបោះឆ្នោតអាមេរិកនឹងក្លាយជារបត់សង្គ្រាមមួយនេះ។ ដំបូងឡើយ គេមើលឃើញថា អ៊ុយក្រែនមិនចង់ឲ្យលោកដូណាល់ ត្រាំឈ្នះការបោះឆ្នោតនោះទេ ប៉ុន្តែរឿងនេះមិនអាចគេចរួច ដែលលោកត្រាំឈ្នះឆ្នោតជាថ្មី ហើយពិភពលោកបានឈានចូលដល់របត់ថ្មីដែលទាំងមេដឹកនាំអ៊ុយក្រែន រុស្ស៊ី និងមេដឹកនាំបស្ចឹមប្រទេសទទួលយកការផ្លាស់ប្តូរនេះ។
ថ្នាក់ដឹកនាំអ៊ុយក្រែនបានមើលដោយភ័យតក់ស្លុតនៅពេលដែលលោក ដូណាល់ ត្រាំ បានថ្លែងនៅក្នុងការជជែកដេញដោលនៅ CNN ក្នុងខែមិថុនា ថា លោកអាចដោះស្រាយសង្គ្រាមបានក្នុងរយៈពេល២៤ម៉ោង។ ក្រោយដឹងថា លោក ដូណាល់ ត្រាំ ឈ្មះឆ្នោត សង្គ្រាមនៅអ៊ុយក្រែនបានផ្លាស់ប្តូរយ៉ាងខ្លាំង ដោយរុស្ស៊ីបង្កើនការប្រយុទ្ធ ការបាញ់ផ្លោងមីស៊ីល និងយន្តហោះគ្មានមនុស្សបើកចូលទឹកដីអ៊ុយក្រែន និងស្ទើរពេញផ្ទៃប្រទេសអ៊ុយក្រែន។
មុនការអនុញ្ញាតរបស់លោក ចូ បៃដិន និងមេដឹកនាំផ្សេងៗទៀតរបស់អឺរ៉ុប មេដឹកនាំអ៊ុយក្រែន លោក វ៉ុលឌីមៀ ហ្សេលេនស្គី បានសារភាពថា សង្គ្រាមរបស់ខ្លួននឹងបញ្ចប់នៅឆ្នាំ២០២៥ ក្រោមការដឹកនាំរបស់លោក ដូណាល់ ត្រាំ។ ប៉ុន្តែក្រោយការអនុញ្ញាតឲ្យប្រើមីស៊ីលបាញ់ចូលទឹកដីរុស្ស៊ី មេដឹកនាំអ៊ុយក្រែន បានប្តូរទស្សនៈដោយមិនអនុញ្ញាតឲ្យរុស្ស៊ីកាត់ទឹកដីឡើយ។
ក្រោយឃើញការវាយសន្ធាប់របស់រុស្ស៊ី សហរដ្ឋអាមេរិកដែលកំពុងស្ថិតនៅក្រោមរដ្ឋបាលលោក ចូ បៃដិន ដែលតែងតែគាំទ្ររដ្ឋបាលរបស់ប្រធាធិបតីអ៊ុយក្រែន លោក វ៉ុលឌីមៀរ ហ្សេលេនស្គី ចាប់តាំងពីសង្គ្រាមបានផ្ទុះឡើងកាលពីខែកុម្ភៈឆ្នាំ២០២២ បានប្រកាសឲ្យអ៊ុយក្រែនប្រើប្រាស់មីស៊ីលរយៈចម្ងាយឆ្ងាយ ATACMS បាញ់ចូលទឹកដីរុស្ស៊ី។
ក្រោយឃើញអាមេរិកផ្តល់ការអនុញ្ញាតឱ្យអ៊ុយក្រែនបែបនេះ ប្រធានាធិបតីបារាំង លោក អេម៉ានូអែល ម៉ាក្រុង និង នាយករដ្ឋមន្ត្រីអង់គ្លេស លោក Keir Starmer ក៏បានអនុញ្ញាតឲ្យអ៊ុយក្រែនប្រើប្រាស់មីស៊ីលរយៈចម្ងាយឆ្ងាយរបស់ពួកគេសម្រាប់ការបាញ់ចូលរុស្ស៊ីដូចគ្នា។
សង្គ្រាមដ៏ក្តៅគគុកចុងក្រោយនៅលើទឹកដីអ៊ុយក្រែន និងទឹកដីរុស្ស៊ីនៅតំបន់ Kursk បានធ្វើឲ្យប្រធានាធិបតីរុស្ស៊ី វ៉្លាឌីមៀរ ពូទីន បានចេញក្រឹត្យមួយដែលកំណត់ការប្រើប្រាស់នុយក្លេអ៊ែរប្រឆាំងរដ្ឋដែលគ្មាននុយក្លេអ៊ែរ។
ការវិវឌ្ឍន៍ចុងក្រោយនៃសង្គ្រាមនៅអ៊ុយក្រែន បានធ្វើឲ្យប្រធានាធិបតីជាប់ឆ្នោត លោក ដូណាល់ ត្រាំ អាចប្រឈមការលំបាកក្នុងការស្វែងរកកិច្ចព្រមព្រៀងសន្តិភាពរវាងអ៊ុយក្រែន និងរុស្ស៊ី ហើយស្ថានភាពបែបនេះក៏អាចរុញច្រានពិភពលោកឲ្យឆ្ពោះទៅសង្គ្រាមលោកលើកទី៣ និងក្លាយជាសង្គ្រាមនុយក្លេអ៊ែរផងដែរ៕
ដោយ រ៉ាន់ រើយ
ផ្លូវក្រវាត់ព្រំដែនប្រវែង ១១ គ.ម តម្លៃ ២,៥ លាន ដុល្លារ ក្រាលបេតុងនៅក្រុងបាវិត សម្ពោធដាក់ឲ្យប្រើប្រាស់
TASS ៖ អ៊ីរ៉ង់ត្រៀមខ្លួនទទួលយកកិច្ចព្រមព្រៀងនុយក្លេអ៊ែរ ក្រោយ៣ថ្ងៃនៃការផ្ទុះអាវុធ
ឱកាសការងារ ២៣ ម៉ឺនកន្លែង រង់ចាំពលករចាប់ឱកាសការងារភ្លាមៗនៅព្រំដែនកម្ពុជា-ថៃ
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
ដាក់ពាក្យចូលរៀននៅ TVET បង្កើតឱកាសការងារ សាងក្តីសង្ឃឹមជំរុញលើកកម្ពស់ជីវភាព
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
ប្រទេស៣៦ទៀត រួមទាំងកម្ពុជាដែរ ប្រឈមការរឹតត្បិតឬហាមចូលអាមេរិក
ជម្លោះអ៊ីរ៉ង់-អ៊ីស្រាអែល៖ អ្នកស្លាប់និងរបួសកើនឡើង ចំពេលបង្កើនការវាយប្រហារគ្នា
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
កម្ពុជា បដិសេធដាច់អហង្កាមិនទទួលស្គាល់ផែនទីថៃគូសស្រេចតែចិត្តឯង ឬ«ផែនទីចោរ» ដែលសម្ដេចតេជោ បានហៅ
-
ព័ត៌មានអន្ដរជាតិ៥ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ២ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៥ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ១ សប្តាហ៍ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៥ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៣ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន