ព័ត៌មានអន្ដរជាតិ
ស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ
ស្ថានទូតនៃប្រទេសអាល់បានី អាហ្សង់ទីន ម៉ុងតេណេហ្គ្រោ ប៉ាឡេស្ទីន ព័រទុយហ្គាល់ និងម៉ាសេដ្វានខាងជើង ត្រូវបានខូចខាត ក្នុងការវាយប្រហារដោយមីស៊ីលរុស្ស៊ី ទៅលើរដ្ឋធានីកៀវ នៃប្រទេសអ៊ុយក្រែន កាលពីថ្ងៃសុក្រទី២០ធ្នូ។
លោក Heorhiy Tykhy អ្នកនាំពាក្យក្រសួងការបរទេសអ៊ុយក្រែន បានប្រាប់ថា៖ «ស្ថានទូតទាំងអស់នេះស្ថិតនៅក្នុងអគារតែមួយ ដែលរងការខូចខាតយ៉ាងខ្លាំងដោយការវាយប្រហារដោយមីស៊ីលរបស់រុស្ស៊ី។ ទាំងនេះគឺជាស្ថានទូតនៃប្រទេសអាល់បានី អាហ្សង់ទីន ប៉ាឡេស្ទីន ម៉ាសេដ្វានខាងជើង ព័រទុយហ្គាល់ និងម៉ុងតេណេហ្គ្រោ។ អគារនោះបានបាក់បង្អួច ទ្វារ និងខូចខាតបំណែកនៃពិដាន»។
លោកបានបន្ថែមថា៖ «នេះគឺជាការវាយប្រហារ និងបំផ្ទុះដ៏ព្រៃផ្សៃដោយរុស្ស៊ី ចំពោះស្ថាប័នការទូត»។
រដ្ឋាភិបាលប្រទេសម៉ាសេដ្វានខាងជើង និងអាល់បានី បានធ្វើការថ្កោលទោសយ៉ាងខ្លាំងចំពោះការវាយប្រហាររបស់រុស្ស៊ី។ ចំណែកឯប្រធានផ្នែកការទូតថ្មីរបស់សហភាពអឺរ៉ុប លោក Kaja Kallas ក៏បានថ្កោលទោសការវាយប្រហារដែលបានបំផ្លាញស្ថានទូតព័រទុយហ្គាល់ផងដែរ។
សូមបញ្ជាក់ថា ក្រោយលោកប្រធានាធិបតីវ្ល៉ាឌីមៀរ ពូទីន បង្អួតសមត្ថភាពយោធារបស់ខ្លួនបានមួយថ្ងៃប៉ុណ្ណោះ ស្រាប់តែរុស្ស៊ី បាញ់មីស៊ីល Ballistic ចំនួន៨គ្រាប់ សន្ធាប់លើទីក្រុងកៀវ ខណៈមានសេចក្តីរាយការណ៍ថា មនុស្សម្នាក់បានស្លាប់ និង១២នាក់រងរបួស។ តាមការបញ្ជាក់ពីភាគីអ៊ុយក្រែន, មីស៊ីលទាំង៨គ្រាប់នោះ រួមមានទាំងប្រភេទ Iskander-M និងមីស៊ីល KN-23 របស់កូរ៉េខាងជើងផងដែរ ប៉ុន្តែក្នុងនោះមាន ៥គ្រាប់ត្រូវបាញ់ទម្លាក់៕
ដោយ៖ ឈាង
ចុចអាន៖ រុស្ស៊ី បាញ់មីស៊ីល Ballistic សន្ធាប់លើទីក្រុង កៀវ, មួយថ្ងៃ ក្រោយ លោក ពូទីន បង្អួតកម្លាំងទ័ព
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ