ព័ត៌មានអន្ដរជាតិ
អាមេរិក៖ ប៉ាណាម៉ា ត្រូវបញ្ឈប់ឥទ្ធិពលចិននៅលើព្រែកជីក ឬក៏ត្រូវរងវិធានការរបស់អាមេរិក
មេដឹកនាំប៉ាណាម៉ាលោក Jose Raul Mulino ត្រូវបានរដ្ឋមន្ត្រីការបរទេសអាមេរិក លោក Marco Rubio ចេញសារព្រមានកាលពីថ្ងៃអាទិត្យទី២ខែកុម្ភៈឆ្នាំ២០២៥ ឲ្យកាត់បន្ថយភ្លាមៗនូវអ្វីដែលប្រធានាធិបតី ដូណាល់ ត្រាំ ចាត់ទុកថាជាឥទ្ធិពលរបស់ចិន លើតំបន់ព្រែកជីកប៉ាណាម៉ា។ លោក Rubio បានប្រាប់ថា បើមិនដូច្នោះទេ នោះប៉ាណាម៉ានឹងប្រឈមមុខនឹងការសងសឹកយ៉ាងចាស់ដៃពីសហរដ្ឋអាមេរិក។
យោងតាមការចុះផ្សាយរបស់ទីភ្នាក់ងារព័ត៌មាន AP លោក Rubio បានធ្វើដំណើរទស្សនកិច្ចនៅព្រែកជីកប៉ាណាម៉ា ដែលនេះគឺជាដំណើរទស្សនកិច្ចបរទេសលើកដំបូងក្នុងនាមជាអ្នកការទូតកំពូលរបស់សហរដ្ឋអាមេរិក។
ប្រធានាធិបតីប៉ាណាម៉ា លោក Mulino បានប្រាប់ថា លោក Rubio មិនបានធ្វើការគំរាមកំហែងជាក់ស្ដែងណាមួយ ឬគំរាមប្រើប្រាស់កងកម្លាំង ក្នុងគោលបំណងដណ្តើមយកព្រែកជីកនោះទេ។
លោក Rubio បានលើកឡើងថា វត្តមានរបស់ចិន ធ្វើឡើងតាមរយៈក្រុមហ៊ុនហុងកុង ដែលកំពុងប្រតិបត្តិការនៅកំពង់ផែចំនួន២ក្នុងច្រកចេញចូលព្រែកជីកប៉ាណាម៉ា ហើយនេះគឺជាការគំរាមកំហែងលើផ្លូវទឹក ហើយក៏ជាការបំពានសន្ធិសញ្ញាអាមេរិក-ប៉ាណាម៉ាឆ្នាំ១៩៩៩។
ក្រសួងការបរទេសអាមេរិក បានចេញសេចក្តីសង្ខេបនៃកិច្ចប្រជុំថា៖«លោករដ្ឋមន្ត្រី Rubio បានបញ្ជាក់យ៉ាងច្បាស់ថា ស្ថានភាពនេះគឺមិនអាចទទួលយកបាន ហើយថាអវត្តមាននៃការផ្លាស់ប្តូរភ្លាមៗ វានឹងតម្រូវឲ្យអាមេរិកចាត់វិធានការចាំបាច់ ដើម្បីការពារសិទ្ធិរបស់ខ្លួនក្រោមសន្ធិសញ្ញា»។
ជាការឆ្លើយតប លោក Mulino បានបញ្ជាក់ថា ប៉ាណាម៉ានឹងមិនបន្តកិច្ចព្រមព្រៀងរបស់ខ្លួនជាមួយនឹងគំនិតផ្តួចផ្តើមខ្សែក្រវាត់ និងផ្លូវរបស់ចិនទៀតទេ នៅពេលដែលវាផុតកំណត់។ ប៉ាណាម៉ា បានចូលរួមក្នុងគំនិតផ្ដួចផ្ដើមខ្សែក្រវាត់ និងផ្លូវរបស់ចិន បន្ទាប់ពីបានលុបចោលនូវការទទួលស្គាល់ការទូតជាមួយកោះតៃវ៉ាន់។
គំនិតផ្តួចផ្តើមនេះ ត្រូវគេរិះគន់ថាជាអន្ទាក់នាំឲ្យសមាជិកជាប្រទេសក្រីក្រជំពាក់បំណុលរបស់ចិន៕
ដោយ៖ ឈាង
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ