ព័ត៌មានអន្ដរជាតិ
លោក ត្រាំ ចេញបញ្ជាធ្វើយ៉ាងណាឲ្យអ៊ីរ៉ង់មិនអាចលក់ប្រេងសូម្បីមួយតំណក់
ប្រធានាធិបតីអាមេរិកលោក ដូណាល់ ត្រាំ កាលពីថ្ងៃអង្គារទី៤ខែកុម្ភៈឆ្នាំ២០២៥ បានចេញបទបញ្ជាឡើងវិញនូវការអនុវត្តយុទ្ធនាការ «សម្ពាធអតិបរមា» របស់គាត់លើប្រទេសអ៊ីរ៉ង់ ដែលរួមបញ្ចូលទាំងការធ្វើយ៉ាងណាជំរុញការនាំចេញប្រេងរបស់អ៊ីរ៉ង់ឲ្យធ្លាក់ចុះដល់សូន្យ ដើម្បីបញ្ឈប់រដ្ឋាភិបាលតេហេរ៉ង់ពីការទទួលបានអាវុធនុយក្លេអ៊ែរ។
វិធានការនេះ បាននាំមកនូវគោលនយោបាយដ៏តឹងតែងរបស់អាមេរិកលើអ៊ីរ៉ង់ ដែលលោក ត្រាំ ធ្លាប់អនុវត្តពេញមួយអាណត្តិដំបូងរបស់គាត់។ លោក ត្រាំ បានចោទប្រកាន់អតីតប្រធានាធិបតី ចូ បៃដិន ថាបានធ្វើឲ្យការសម្រេចចិត្តរបស់សហរដ្ឋអាមេរិកចុះខ្សោយចំពោះអ៊ីរ៉ង់។
លោក ត្រាំ បានចុះហត្ថលេខាលើអនុស្សរណៈប្រធានាធិបតី ដោយដាក់ឡើងវិញនូវគោលនយោបាយដ៏តឹងតែងរបស់ទីក្រុងវ៉ាស៊ីនតោន ស្តីពីប្រទេសអ៊ីរ៉ង់ មុនពេលកិច្ចប្រជុំរបស់គាត់ជាមួយនាយករដ្ឋមន្រ្តីអ៊ីស្រាអែល លោក បេនចាមីន ណេតាន់យ៉ាហ៊ូ។
នៅពេលដែលចុះហត្ថលេខាលើអនុស្សរណៈនេះ ប្រធានាធិបតីអាមេរិកបាននិយាយថា លោកបានបើកចំហចំពោះកិច្ចព្រមព្រៀងជាមួយអ៊ីរ៉ង់ ហើយបានបង្ហាញឆន្ទៈក្នុងការពិភាក្សាជាមួយមេដឹកនាំអ៊ីរ៉ង់។
លោក ត្រាំ បានមានប្រសាសន៍ថា៖ «ជាមួយខ្ញុំ វាសាមញ្ញណាស់៖ អ៊ីរ៉ង់មិនអាចមានអាវុធនុយក្លេអ៊ែរបានទេ»។ នៅពេលសួរថាតើទីក្រុងតេហេរ៉ង់ជិតឈានទៅដល់អាវុធនុយក្លេអ៊ែរប៉ុណ្ណានោះ លោក ត្រាំ បានឆ្លើយថា៖ «ពួកគេជិតសម្រេចវាបានមែនទែនហើយ»។
បេសកជនអ៊ីរ៉ង់ប្រចាំអង្គការសហប្រជាជាតិនៅទីក្រុងញូវយ៉ក មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។
អនុស្សរណៈរបស់លោក ត្រាំ ក្នុងចំណោមអនុស្សរណៈផ្សេងៗទៀត បញ្ជាឲ្យរដ្ឋមន្ត្រីក្រសួងរតនាគារអាមេរិកដាក់ «សម្ពាធសេដ្ឋកិច្ចអតិបរមា» លើប្រទេសអ៊ីរ៉ង់ រួមទាំងការដាក់ទណ្ឌកម្ម និងយន្តការអនុវត្តលើអ្នកដែលបំពានលើទណ្ឌកម្មដែលមានស្រាប់។
អនុស្សរណៈនេះក៏បញ្ជាឲ្យក្រសួងរតនាគារ និងក្រសួងការបរទេសអនុវត្តយុទ្ធនាការមួយក្នុងគោលបំណង «ជំរុញការនាំចេញប្រេងរបស់អ៊ីរ៉ង់ឲ្យធ្លាក់ដល់សូន្យ»។
ការនាំចេញប្រេងរបស់ទីក្រុងតេហេរ៉ង់ បាននាំមកនូវទឹកប្រាក់ចំនួន ៥៣ពាន់លានដុល្លារក្នុងឆ្នាំ២០២៣ និង ៥៤ពាន់លានដុល្លារកាលពីឆ្នាំមុន។ នេះបើយោងតាមការប៉ាន់ប្រមាណរបស់រដ្ឋបាលព័ត៌មានថាមពលអាមេរិក។ វាជាចំណូលដ៏ខ្ពស់បំផុតគិតចាប់តាំងពីឆ្នាំ២០១៨ ដោយផ្អែកលើទិន្នន័យរបស់អង្គការ OPEC៕
ដោយ៖ ឈាង
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ