ព័ត៌មានអន្ដរជាតិ

ត្រាំ ប្រាប់ភ្នាក់ងាររដ្ឋាភិបាលថា «មុនរើសបុគ្គលិកម្នាក់ ត្រូវបញ្ឈប់៤នាក់សិន»

បានផុស

១ year មុន

នៅ

ថ្ងៃពុធ ១២ កុម្ភៈ ២០២៥

ដោយ

Chheang

ទីភ្នាក់ងារព័ត៌មាន Bloomberg បានរាយការណ៍ថា នៅក្នុងយុទ្ធនាការកាត់បន្ថយការចំណាយរបស់រដ្ឋាភិបាល ប្រធានាធិបតីអាមេរិក លោក ដូណាល់ ត្រាំ បានណែនាំភ្នាក់ងាររដ្ឋាភិបាលទូទាំងប្រទេសឲ្យធ្វើការជាមួយសម្ព័ន្ធមិត្តកំពូលរបស់លោក គឺមហាសេដ្ឋី Elon Musk។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមឯកសារបានមកពីសេតវិមាន លោក ត្រាំ បានបញ្ជាឲ្យប្រធានទីភ្នាក់ងារធ្វើការងារជាមួយនាយកដ្ឋានប្រសិទ្ធភាពរដ្ឋាភិបាល (DOGE) របស់លោក Musk ដើម្បីកាត់បន្ថយចំនួនបុគ្គលិករដ្ឋ និងកំណត់ការជួលមនុស្សឲ្យត្រូវតួនាទី។

តាមបញ្ជារបស់ប្រធានាធិបតី ភ្នាក់ងាររដ្ឋនឹងត្រូវបានអនុញ្ញាតឲ្យជួលបុគ្គលិកតែម្នាក់ប៉ុណ្ណោះ ក្រោយពេលបុគ្គលិករដ្ឋចំនួន ៤នាក់ត្រូវបានបណ្តេញចេញ។ ភ្នាក់ងារដែលត្រូវបានលើកលែងពីសេចក្តីណែនាំនេះ មានដូចជា តួនាទីក្នុងការអនុវត្តច្បាប់ សន្តិសុខជាតិ អន្តោប្រវេសន៍ និងតួនាទីសុវត្ថិភាពសាធារណៈ។

គេនៅមិនដឹងច្បាស់ទេថា តើនាយកដ្ឋានប្រសិទ្ធភាពរដ្ឋាភិបាលរបស់លោក Musk អាចមានសិទ្ធិអំណាចក្នុងការបញ្ឈប់បុគ្គលិកនៅក្នុងទីភ្នាក់ងាររដ្ឋាភិបាលបានដែរឬក៏យ៉ាងណា។

សូមបញ្ជាក់ថា កាលពីពេលថ្មីៗកន្លងទៅ លោក ត្រាំ បានអះអាងថា នាយកដ្ឋានប្រសិទ្ធភាពរដ្ឋាភិបាល បានរកឃើញ «ការខ្ជះខ្ជាយ ការក្លែងបន្លំ និងការរំលោភបំពានជាច្រើនពាន់លានដុល្លា» នៅក្នុងជួររដ្ឋាភិបាលអាមេរិក។

នៅអំឡុងពេលជាងបីសប្តាហ៍ក្នុងតំណែងជាប្រធានាធិបតី លោក ត្រាំ បានបញ្ចេញនូវបទបញ្ជាប្រតិបត្តិយ៉ាងច្រើនគួរឲ្យកត់សម្គាល់ ក្នុងគោលបំណងកាត់បន្ថយការចំណាយរបស់សហព័ន្ធ៕

លោក Elon Musk និងលោក ដូណាល់ ត្រាំ (រូបថត៖ Bloomberg)

ដោយ៖ ឈាង

ចុចអាន៖ ត្រាំ៖ Elon Musk នឹងជួយរកលុយរាប់រយពាន់លានដុល្លារមកវិញ ពីការកេងបន្លំក្នុងជួររដ្ឋាភិបាល

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា