ព័ត៌មានអន្ដរជាតិ
ត្រាំ ចំអន់អឺរ៉ុបថាជះលុយទិញប្រេងពីរុស្ស៊ី ច្រើនជាងផ្ដល់ជំនួយឲ្យអ៊ុយក្រែន
លោកប្រធានាធិបតីអាមេរិក ដូណាល់ ត្រាំ បានចំអន់ឲ្យអឺរ៉ុបសម្រាប់ការចំណាយលុយទិញប្រេងពីរុស្ស៊ី ច្រើនជាងជំនួយដល់អ៊ុយក្រែន ខណៈដែលសម្ព័ន្ធមិត្តទាំងនោះបានទាមទារឲ្យអាមេរិកចាត់វិធានការបន្ថែមទៀតដើម្បីជួយដល់ទីក្រុងកៀវ។
លោក ត្រាំ បានសរសេរបង្ហោះនៅលើបណ្ដាញសង្គម Truth Social នៅថ្ងៃអង្គារទី៤ខែមីនានេះថា៖ «អឺរ៉ុបបានចំណាយលើការទិញប្រេង និងឧស្ម័នរុស្ស៊ី ច្រើនជាងពួកគេចំណាយលើការការពារអ៊ុយក្រែនទៅទៀត»។
មេដឹកនាំអ៊ឺរ៉ុប បានសម្តែងនូវការគាំទ្រ និងជូនពរយ៉ាងគគ្រឹកគគ្រេងសម្រាប់អ៊ុយក្រែនកាលពីចុងសប្តាហ៍ បន្ទាប់ពីកើតមានជម្លោះបែកផ្សែងនៅការិយាល័យពងក្រពើរវាងប្រធានាធិបតីអ៊ុយក្រែនលោក វ៉ុលឡូឌីមៀរ ហ្សេលេនស្គី និងលោក ត្រាំ កាលពីថ្ងៃសុក្រសប្ដាហ៍មុន។
លោក ត្រាំ បានហៅសកម្មភាពរបស់មេដឹកនាំអឺរ៉ុបថាគ្មានទំនួលខុសត្រូវ និងមិនស្មោះត្រង់។
ការសិក្សាមួយកាលពីសប្តាហ៍មុនដោយមជ្ឈមណ្ឌលស្រាវជ្រាវថាមពល និងខ្យល់ស្អាត (CREA) ដែលមានមូលដ្ឋាននៅប្រទេសហ្វាំងឡង់ និងទិន្នន័យពីវិទ្យាស្ថាន Kiel សម្រាប់សេដ្ឋកិច្ចពិភពលោក បានបង្ហាញថា បណ្តាប្រទេសសហភាពអឺរ៉ុបបានចំណាយប្រហែល ២១,៩ពាន់លានអឺរ៉ូ (២៣ពាន់លានដុល្លារ) លើឥន្ធនៈហ្វូស៊ីលរុស្ស៊ីកាលពីឆ្នាំ២០២៤ ខណៈជំនួយអឺរ៉ុបដែលផ្ញើទៅឲ្យអ៊ុយក្រែនក្នុងរយៈពេលដូចគ្នានេះ មានត្រឹម ១៨,៧ពាន់លានអឺរ៉ូ (១៩,៦ពាន់លានដុល្លារ)។
សូមបញ្ជាក់ថា ប្រាក់ចំណូលសរុបរបស់រុស្ស៊ីពីប្រេង និងឥន្ធនៈហ្វូស៊ីលផ្សេងទៀត មានចំនួន ២៤២ពាន់លានអឺរ៉ូ (២៥៣,៨ពាន់លានដុល្លារ) កាលពីឆ្នាំមុន និងប្រហែល ៨៤៧ពាន់លានអឺរ៉ូ (៨៨៨,៥ពាន់លានដុល្លារ) ចាប់តាំងពីការឈ្លានពានពេញលេញទៅលើអ៊ុយក្រែនក្នុងឆ្នាំ២០២២៕
ដោយ៖ ឈាង
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ