ព័ត៌មានអន្ដរជាតិ
រដ្ឋបាលលោក ត្រាំ កំពុងពិចារណាគម្រោងលុបបំបាត់អង្គភាពបង្ការមេរោគអេដស៍
រដ្ឋបាលលោក ត្រាំ បច្ចុប្បន្នកំពុងពិចារណាលើគម្រោងលុបចោលនូវនាយកដ្ឋានបង្ការមេរោគអេដស៍របស់មជ្ឈមណ្ឌលគ្រប់គ្រង និងបង្ការជំងឺ (CDC) ដែលគ្រប់គ្រងលើកិច្ចខិតខំប្រឹងប្រែងតាមដាន និងការពារមេរោគអេដស៍។
យោងតាមការចុះផ្សាយនៅថ្ងៃទី១៩ខែមីនាឆ្នាំ២០២៥របស់សារព័ត៌មាន NBC ផែនការបំបាត់នាយកដ្ឋានបង្ការមេរោគអេដស៍នេះ ស្ថិតក្នុងដំណាក់កាលដំបូងនៅឡើយ ដោយមិនទាន់មានសេចក្ដីសម្រេចផ្លូវការណាមួយនោះទេ។
ការពិចារណានេះ មានគោលបំណងកំណត់ថាតើនាយកដ្ឋានបង្ការមេរោគអេដស៍ បានធ្វើការជាន់គ្នាជាមួយភ្នាក់ងារ ឬកម្មវិធីសុខភាពផ្សេងទៀតដែរឬក៏អត់។ មួយវិញទៀត វាគឺជាផ្នែកមួយនៃកិច្ចខិតខំប្រឹងប្រែងដ៏ទូលំទូលាយ ក្នុងការរៀបចំរចនាសម្ព័ន្ធទីភ្នាក់ងាររដ្ឋាភិបាលឡើងវិញ និងធ្វើឲ្យពួកគេកាន់តែមានប្រសិទ្ធភាព ដោយកាត់បន្ថយទីភ្នាក់ងារណាដែលស្ទួនគ្នា។
នាយកដ្ឋានបង្ការមេរោគអេដស៍ ទទួលបានថវិកាប្រមាណ ១,៣ពាន់លានដុល្លារជារៀងរាល់ឆ្នាំ ដោយផ្តោតលើសកម្មភាព ដូចជា ការត្រួតពិនិត្យការឆ្លងមេរោគអេដស៍ និងការលើកកម្ពស់វិធានការបង្ការ រួមទាំងការប្រើប្រាស់ថ្នាំបង្ការផងដែរ។ ការកាត់បន្ថយ ឬរៀបចំរចនាសម្ព័ន្ធឡើងវិញនៃផ្នែកនេះ បានធ្វើឲ្យមានក្ដីព្រួយបារម្ភក្នុងចំណោមសកម្មជនអេដស៍ ដែលអះអាងថា ការផ្លាស់ប្តូរអាចជះឥទ្ធិពលយ៉ាងខ្លាំងដល់កិច្ចខិតខំប្រឹងប្រែងដើម្បីការពារការឆ្លងមេរោគអេដស៍ថ្មី និងការផ្តល់សេវាកម្មសំខាន់ៗ។
សូមបញ្ជាក់ថា គំនិតដែលចង់បំបាត់ចោលនូវនាយកដ្ឋានបង្ការមេរោគអេដស៍ ហាក់ផ្ទុយពីការប្តេជ្ញាចិត្តពីមុនរបស់រដ្ឋាភិបាលអាមេរិក ដែលបង្កើតឡើងនៅឆ្នាំ២០១៩ ជាមួយគំនិតផ្តួចផ្តើម «បញ្ចប់ការរីករាលដាលនៃមេរោគអេដស៍» ដែលមានគោលបំណងកាត់បន្ថយករណីឆ្លងមេរោគអេដស៍ថ្មីចំនួនឲ្យបាន ៩០% នៅឆ្នាំ២០៣០៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ