ព័ត៌មានអន្ដរជាតិ

វិបត្តិមនុស្សធម៌កាន់តែអាក្រក់នៅហ្គាហ្សា ខណៈប្រជាជនបន្តស្លាប់ដោយការបាញ់ផ្លោងនិងអត់អាហារ

បានផុស

១ year មុន

នៅ

ថ្ងៃព្រហស្បតិ៍ ២៩ ឧសភា ២០២៥

ដោយ

យោងតាមការចេញផ្សាយរបស់សារព័ត៌មាន Al Jazeera នៅថ្ងៃទី២៩ខែឧសភានេះ ត្រឹមរយៈពេល ៤៨ ម៉ោងចុងក្រោយនេះ កងកម្លាំងអ៊ីស្រាអែល បានសម្លាប់ជនជាតិប៉ាឡេស្ទីនយ៉ាងតិច១០នាក់ដែលកំពុងស្វែងរកជំនួយមនុស្សធម៌នៅតំបន់ហ្គាហ្សា និងរាប់សិបនាក់ទៀតរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធផ្សព្វផ្សាយអាជ្ញាធរប៉ាឡេស្ទីននៅតំបន់ហ្គាហ្សា បានចោទប្រកាន់កងទ័ពអ៊ីស្រាអែលថា បានបើកការបាញ់ប្រហារទៅលើជនស៊ីវិលដែលប្រមូលផ្តុំគ្នានៅកន្លែងចែកចាយជំនួយដែលដំណើរការដោយមូលនិធិមនុស្សធម៌ហ្គាហ្សាដ៏ចម្រូងចម្រាសគាំទ្រដោយសហរដ្ឋអាមេរិក (GHF) ។ អង្គការមនុស្សធម៌ រួមទាំងអង្គការសហប្រជាជាតិ បានរិះគន់យ៉ាងខ្លាំងចំពោះការចែកចាយជំនួយដែលដឹកនាំ ដោយ អង្គការ GHF ដោយលើកហេតុផលថា ភ្នាក់ងារដែលបានបង្កើតឡើងគួរតែត្រូវបានអនុញ្ញាតឱ្យចែកចាយជំនួយដោយគ្មានការជ្រៀតជ្រែកពីអ៊ីស្រាអែល។

វិបត្តិមនុស្សធម៌បានវិវឌ្ឍកាន់តែអាក្រក់ធ្ងន់ធ្ងរ ដោយមានជនជាតិប៉ាឡេស្ទីនយ៉ាងតិច៦៣នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលកាលពីថ្ងៃពុធតែមួយ។ លើសពីនេះមកដល់ពេលនេះមានតែមន្ទីរពេទ្យចំនួន ១៧ប៉ុណ្ណោះដែលនៅតែដំណើរការដោយផ្នែក ខណៈដែលការខ្វះខាតថ្នាំ និងអុកស៊ីហ្សែននៅតែបន្តកើតមាន។

ទន្ទឹមនឹងនេះក៏មានការអំពាវនាវឱ្យមានបទឈប់បាញ់ និងការវិលត្រឡប់ទៅផ្តល់ជំនួយដែលដឹកនាំដោយអង្គការសហប្រជាជាតិ ឲ្យបានកាន់តែខ្លាំងឡើងវិញ។ មន្ត្រីអង្គការសហប្រជាជាតិ ទីភ្នាក់ងារផ្តល់ជំនួយ និងសមាជិកក្រុមប្រឹក្សាសន្តិសុខអង្គការសហប្រជាជាតិមួយចំនួនបានថ្កោលទោសការរឹតត្បិតសិទ្ធិមនុស្សធម៌របស់អ៊ីស្រាអែល។

លក្ខខណ្ឌដ៏មានសក្តានុពលមួយសម្រាប់បទឈប់បាញ់រវាងក្រុមហាម៉ាស់ និងបេសកជនអាមេរិកមួយរូបបានលេចចេញឡើង ដោយអំពាវនាវឱ្យអ៊ីស្រាអែលដកខ្លួនចេញ និងការទទួលបានជំនួយដែលមិនមានការរឹតបន្តឹង។ ទោះបីជាយ៉ាងណាក៏ដោយ នាយករដ្ឋមន្ត្រីអ៊ីស្រាអែល លោក Benjamin Netanyahu បានច្រានចោលរាល់ការដកខ្លួនរយៈពេលវែង ដោយទទូចឱ្យបន្តវត្តមានយោធានៅក្នុងតំបន់ហ្គាហ្សា។

ស្របពេលដែលភាពអត់ឃ្លានរីករាលដាល និងកិច្ចខិតខំប្រឹងប្រែងផ្តល់ជំនួយត្រូវបានរាំងខ្ទប់ដោយអ៊ីស្រាអែល គ្រោះមហន្តរាយមនុស្សធម៌របស់តំបន់ហ្គាហ្សាដែលមានមនុស្សជាង២លាននាក់កាន់តែអាក្រក់ទៅៗ ដោយមិនមានការបញ្ចប់ច្បាស់លាស់ចំពោះអំពើហិង្សា ឬការបិទខ្ទប់របស់អ៊ីស្រាអែលនោះទេ ខណៈចាប់តាំងពីជម្លោះបានកើនឡើងក្នុងខែតុលា ឆ្នាំ ២០២៣ ជនជាតិប៉ាឡេស្ទីនជាង ៥៤០០០ នាក់ត្រូវបានសម្លាប់ និងជាង ១២៣០០០ នាក់បានរងរបួស៕

អត្ថបទ៖ ប៊ុន សុភាព

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា